Odeyi 8:12 - IWE ỌNỊNỊ

¹² Ama Íhwiripi ọnị mẹ̀ va kà enube ọyịza ịjọva Ohomorihi ọnịrị ịrẹha Ijeesu Ikirisiti yị wa, dị ẹnịnị dọ wụ́, â mẹ̀ ọyịhwọzenyi yị wa, anọrụ ọnịrị anẹẹ ẹnịnị.

Odeyi 8:12 Iomraidhean Croise

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Iruuku 9:2

Ộ tụ́ wa ka ẹ̀ naa kà enube ọyịza, Óhomorihi mẹmẹ aa mẹ ịjọva, dị ẹ̀ rẹẹ mẹ aza ụkụ.

Iruuku 9:60

Dị Ijeesu kà a yọ ka, “Navọ oku nịnị èe ne oku ẹnịnị; ama ẹwà naa kà enube ọyịza ịjọva Ohomorihi!”

Odeyi 1:3

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 18:8

Ikirisipụsị ana vị ọdọvịdị ini irehi Ohomorihi ọnọọ ọnịrị avaba aneehi anị ệ sị ayị tụra Ananyị yị. Anịkọrịntị ọrụrụ-ọrụrụ ana wụ́ ịrẹyị Ohomorihi ệ rẹ sị ayị tụra a bẹẹ, dị a mẹ̀ ọyịhwọzenyi yị wa nị.

Odeyi 19:5

Ẹ mẹ̀ maanị wụ́, dị a mẹ̀ ọyịhwọzenyi yị wa ịnị ịrẹha Ijeesu nị.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 20:25

“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị.

Odeyi 28:31

Aa kà ịrẹyị, Óhomorihi mẹmẹ aa mẹ ịjọva, dị ọ raa sị ịrẹyịị zụ̀ wa ini oze Ijeesu nị. Aa sị ọtụtụrụma kà ịrẹyị, ẹ yị nyị ọza ana dọ ọ oro.

Odeyi 5:14

Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị.

Odeyi 8:4

Ọdọwụ nịnị ana gara hi, ệ nọ avaba aha, dị ẹyaa kà enube ọyịza nị.

Aniroomi 10:10

Ọza ana àa sị ayị anị tụra Ohomorihi, dị Ohomorihi zaa ịrịka tụ́ ịnị ọnịrẹyịzẹyịza. Ọza ana àa sị irenu dọ ka ọnị ộ sị ayị tụra Ohomorihi, dị Ohomorihi dọ ọ há.

1 Anịkọrịntị 11:11

Ini eyi Ananyị yị, ẹ̀ yị nyị ọnọrụ, ẹ yị zụ nyị ọnẹẹ; ẹ̀ yị rẹ nyị ọnẹẹ, ẹ yị zụ nyị ọnọrụ.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.