Odeyi 7:51 - IWE ỌNỊNỊ

⁵¹ Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

Odeyi 7:51 Iomraidhean Croise

2 Ohinọyị 17:14

Ama ẹnịnị ẹ yị dọ ka ẹnị ẹ̀ saasa a. Ayị ẹnịnị vana katẹngụ anka ayị ohiku ẹnịnị ẹnẹ ẹ̀ yị sị ayị tụra Ẹnẹyịmavara Ohomorihi ẹnịnị.

2 Ịtọpa 30:8

Asị ẹ mẹ̀ ịrẹsụ ọkatẹngụ anka aza ẹnẹẹ ama ẹ ka ịrẹsụ hi yị Ẹnẹyịmavara. Ẹnịnị ẹ vẹ ịnị irehi Ohomorihi ana ya Ijerusarẹmị ọnị Ẹnẹyịmavara, Ohomorihi ẹnịnị nyị tụ́ irenyi yị ẹngụ anị pooro. Ẹnịnị àa hẹkẹ ẹ ịzọọ, ọ yị yaa du ayị hi wa.

Inehemaya 9:16

Ama ẹnịrị ohiku ẹnịnị ệ mẹ̀ akamawụ hị́ ịrẹyị anị. Ẹnịnị ệ si ẹngụ tụ ẹba, dị ẹ mẹ̀ ịrẹsụ ọkatẹngụ hi Ohomorihi nị.

Inehemaya 9:30

Wâ nyị isuuru wa ịrayị-ịrayị. Wâ tụ́ ụhwẹ ọnịnị hi wa zi oze ịnị ụvọ ọnịsẹ ka ọ̀ ka wa ọnọ agụvị ịvị ẹnịnị. Ama ẹnịnị ẹ yị va yị wụ. Dị ụ hụrẹ wa ụvọ yị aza ana ra hi ịzọọ ka è huna wa nị.

Ahẹ Ụgama 75:5

Ụ ka asị ẹnịnị rẹ nyị irenu hi ẹwụ Ohomorihi, dị asị ẹ rẹ ka ịrẹyị oni irenu ẹnịnị ò yi tù.

Ahẹ Ụgama 78:8

Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ. Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.

Ọyịkụra 32:9

Dị Ẹnẹyịmavara rẹ kà a yị Imosiisi dị ọ ka ọnị ọ ra à zama aza ẹnẹẹ re, ọnị ọ sị yẹ ka anakamawụ ẹ vị nị. Dị ọ ka:

Ọyịkụra 33:3

Ọ kà ẹ̀ nọ ịnị ẹtẹ ọnọọ ene zoza ẹtẹẹtẹrẹ, dị ọ nyị avị ana vọrọ ka ịsụpa ọ̀ rị dị ọ rẹ zụ mẹ̀ ịsa. Ẹnẹyịmavara kà ọnị ụvọta ọ yị vaa saasa wa agụvị ka ẹ sị vị anakamawụ. Ọ kà ọnị ọ̀ọ saasa wa, ọnị ọ nyayịnẹ wụ̀ wa va ha ózee.

Ọyịkụra 33:5

Aa zị wa ẹngụ ka Ẹnẹyịmavara ộ kà a yị Imosiisi ka ọ̀ kà a yị Anisirẹrị ka anakamawụ ẹ vị nị. Ọ rẹ ka ọnị ọ̀ọ hyakụ saasa wa na mẹ ụmẹ chee, ọnị ọ nyayịnẹ wụ̀ wa va ha. Ẹnẹyịmavara rẹ ka Imosiisi ọ̀ kà a yị wa ka ẹ̀ kụ́ ẹnya ọvị ẹnịnị hi ẹtẹ, dị ọnị ò ve ro o ịsị ọnị vaa mẹ wa.

Ọyịkụra 34:9

Dị ọ ka, “Ananyị mị, aarịhịnị wèe nyị mi iyi navọ wa saasa yị na. Ịzẹyịza aza ẹnẹnị vị anakamawụ, ama navọ wa vagu yị ịnị avaba ebira odivi ọnị yaa mẹ̀ aanị. Navọ wa sị yị mẹ aza awụ.”

Ayịsaya 48:4

Ộ yẹ ka ẹnịnị vaa mẹ ịrẹsụ ọkatẹngụ, ayị ẹnịnị ọ vị, dị ọ katẹngụ hu ịrẹta nị.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ijeremaya 17:23

Ẹnẹyịmavara kà, ohiku ẹnịnị ẹ́ yị wụ́ ịrẹyị anị. Ama ệ mẹ ayị ọkatẹngụ, ẹnịnị ẹ́ yị wụ́ chire ọnị, ẹnịnị ẹ yị dọ ka ọnị ọ̀ zụ ẹnị ịsa.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ijeremaya 6:10

Dị ọnị tụ́ ohi ka, ọnị ọ̀ọ kà ịrẹyị yị wa, è naa wụ? Ayị ẹnịnị ọọ katẹngụ, ẹnịnị ee yi ka ẹnị ẹ yị wụ ụtụ ọnị ụ tụ. Ịrẹyị awụ vị ọnị ọnị ọ̀ọ sị ka, dị eyee sịị nyinyi.

Ezikẹẹrị 2:4

Ayị ẹnịnị ọọ katẹngụ, ẹnịnị ẹ́ yị sị ụbanyị yị ọnị, ọnị aa tụ ọnị Ezikẹẹrịị hi wa, dị ọnị ọ̀ na kà a yị wa ịsị ọnị Ẹnẹyịmavara Ochẹtẹngụ aa kà a yị wa.

Ezikẹẹrị 44:7

Ọ kà ẹnịnị ẹ́ yị sị ụbanyị irehi anị. Ẹnịnị maa sị ịsọyịrị, ụhị, ọnịrị vaa mẹ̀ ịsọvọ hi ọnị, ệ navọ ka anẹkụra ọsa ẹnẹ ẹ̀ yị và ebira odivi ẹnịnị ha, dị ẹ̀ yị ma saasa ịrẹyị anị è hi ịnị irehi anị. Ọ kà ẹnịnị ẹ raa sị ahụ jịnẹ ịrẹyị ọnị ọnịrị wa ka beri avaba enyisi ẹnẹ ẹ́ vịdị aa mẹ.

Ezikẹẹrị 44:9

Ọnị Ẹnẹyịmavara Ananyị ụkata hu ka, ẹ́ yị anẹkụra ọsa ẹnẹ ẹ̀ yị và ebira odivi anị ha, dị ẹ̀ yị ma saasa ịrẹyị anị ana vaa ngụ ịnị irehi anị, òo zee eyi ẹnịrị Anisirẹrị nịnị ẹ̀ ra vabẹ.

Ireevi 26:41

ana mẹ ka ọnị ọ̀ rẹ mẹ ịsị ẹnẹ ẹnịnị è yi sì hi wa, dị ọnị kụ wa ve hi ịnị ẹtẹ ọnịvị ẹnịnị nị. Ọ kà, ẹnịnị ẹ̀ẹ sị ayị ẹnịnị và ẹngụ ẹnịnị nẹtẹ, dị ẹnịnị dọ ka ẹnị ẹ̀ rị ụya ịvị ẹnịnị nị.

Ịrịka 27:14

Ẹnị ẹyịva ê su agụvị ka ẹnịnị ẹ sị ahụ jịnẹ ọda Ẹnẹyịmavara ịnị ụmẹ ọnị avaba ịragụ Anisirẹrị sị zyaazị hị́ ọnị agụvị enyi Imeriba ịnị ụnọmị Izini.

Odeyi 6:10

Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Odeyi 7:27

Di ene sì ịrẹyị aanị tụ́ ọ ụvọ kwooze, dị ọ ka ẹnẹ sị ọọ mẹ ohinọyị ọnịrị ọmọkarẹyị ẹnịnị?

Odeyi 7:35

“Imosiisi ọnọnị Ánisirẹrị nịnị yi nị, ẹ mẹ̀ kà a ka ẹnẹ sị ọọ mẹ ohinọyị ọnịrị ọmọkarẹyị ẹnịnị? Ọnị Óhomorihi va sị mẹ ohinọyị ẹnịnị ọnịrị ọza ana dọ wa tụ́ ini oze anggẹẹrị ana sị ẹngụ zụ̀ ọọ ịnị ọchị ọnọọ nị.

Odeyi 7:39

“Ada ayị nịnị ẹ yị zẹẹ ka ẹnị ẹ̀ wụ́ ịrẹyị anị, dị ẹ tụ́ ọọ ụvọ hụụ ịdị ẹnịnị, dị ẹ raà sị ayị ẹnịnị varẹma nọ Ijipiti nị.

Odeyi 7:9

“Ada ayị nịnị ê pe Ijosẹẹhụ kụ̀ ụhị, dị ẹ ná a ọrịhị nọ Ijipiti nị. Ama Ohomorihi ộ yà beri ọ,

Aniroomi 2:25

Wàa sị eyi pe ọda Ohomorihi, ụvẹvẹnẹ ọnị ụ jị nịnị ọ́ọ nyị ọgụ. Ama wẹ̀ yị sị eyi pe ọda Ohomorihi, vụ ụ kụkụ sị mẹẹ anka ọza ẹnẹ ẹ̀ yị jị ụvẹvẹnẹ avọọ nị.

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.

Iwe Ọhụhị Imosiisi ana aa hị́ Ọyịvatụrọda 10:16

Agụvị avọọ, wụ̀ chire Ẹnẹyịmavara, dị asị ụ mẹ̀ ayị ọkatẹngụ hụrị ụmẹ tụ ọvịdị na.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 31:27

Imosiisi kà ọnị ọ̀ yẹ ayị ọkatẹngụ ẹnịnị. Ẹnịnị ệ mẹ̀ akamawụ hi Ẹnẹyịmavara eyi anị. Ọnị ọ yẹ ka ịrẹma ọnị ọnị wusu o ve divi huu nị.

Iwe Ọhụhị Imosiisi ana aa hị́ Ọyịvatụrọda 9:13

Ẹnẹyịmavara kà a ọnị ộ yẹ ka ayị aza ẹnẹnị ộ kata yị ẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 9:6

Ẹnịnị ệ vavọọ yẹ ka Ẹnẹyịmavara ẹ yị sị ẹtẹ ozoza ọnọnị yị ẹnị agụvị ka ê mẹ̀ ẹtẹẹrẹ. Eyiyee, Anakamawụ ẹnịnị vị nịnị nị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Anikorasi 2:11

Ẹwụrị Ikirisiti ọ̀ọ sị vị ọnya nịnị, Ohomorihi ọ raà jị wụ nịnị ụvẹvẹnẹ; ọsọnị ọyị vị ẹngụ ụvẹvẹnẹ ana aā sị ụvọọ jị. Ikirisiti ọ̀ọ jị ọza ụvẹvẹnẹ, ọnị ọ vị ka ọ raà sị ebira anị ịyẹẹyẹ anaā mẹ ịvị kwooze.