Odeyi 7:5 - IWE ỌNỊNỊ

⁵ Ohomorihi ọ yị sị aha ọnyọọnyịị yọ ka ọ̀ vị áanị, ọ̀ọ hyakụ vị ahụ ọnya kẹnẹ. Ama Ohomorihi ka ẹ yị zụ nyị ka ayị vị avaba ẹtẹ ọnọọ ọnị vaa sịị yị Abụrahamị, ọnịrị ka ezi anị ịrẹma-ịrẹma ẹ vaa nyị nị. Ịnị ụmẹ oni Ohomorihi maanị sị kà, Abụrahamị ọọ̀ yị ma ozi,

Odeyi 7:5 Iomraidhean Croise

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Oyinyima 16:2

Ẹkụhị ọnya dị Isarayi va kà a yị Abụramị dị ọ ka, “Wéē re aanị, Ẹnẹyịmavara ọ yị si ozi yi ọnị ma. Ọ kà ọ rẹ nọ ịda ozi ahụ anị ọnọnị, ịsavọọ ọ̀ ma ozi yị ọnị.” Di Abụramị ka ooho nị.

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 23:4

“Ọzọga ọnị vị dị ọnị ra ịda ẹnịnị nị. Ọ kà Aarịhịnị ẹ sị ẹtẹ yị ọnị ana vaa vị aanị, ịzị ọnị zụ ne oku tụ́, di ọnị òo ne oku ene sú ọnị tụ́ ịzọọ.”

Oyinyima 26:3

Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

Inehemaya 9:8

Ẹ ka Ohomorihi ô re ka aa mẹ ịzẹyịzaa hi ọnị, dị o wo otoo yị ọ ka ọnị vaa sị ẹtẹ Anikenaani, Anihiti, Anamọrị, Aniperizi, Anijebusi ọnịrị Anigirigasi yị ezi anị nị. Ohomorihi ộ vavọọ mẹ̀ agụvị ka ọnịzẹyịza ọ vị nị.

Ezikẹẹrị 33:24

Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 10:11

Dị Ẹnẹyịmavara kà yị Imosiisi ka ọ̀ kwẹẹtẹ, dị ọ nyima ụsẹ, dị ọ kụ aza nọ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị, dị ẹ na dọ ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 11:9

ọnị Ẹnẹyịmavara hị́ eku anị yị ohiku ẹnịnị ọnịrị ezi anị ka ẹ vaa ra a gọdọ. Ẹtẹ ọnọọ oo zoza ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 2:5

Asị ẹnịrị evere Iisọ zyaazị ẹtẹ ọnyọọnyị agụvị ka Ẹnẹyịmavara ộ ra sị avaba ẹtẹ Anedomi ene hị́ ịrẹsụ ataba Ịsẹyị yị wa.

Iwe Ọhụhị Imosiisi ana aa hị́ Ọyịvatụrọda 34:4

Dị Ẹnẹyịmavara kà yị Imosiisi ka, ẹtẹ ọnọnị ọnị hị́ eku anị ka ọnị vaa sị yị evere Abụrahamị, Ayiziiki ọnịrị Ijekọvụ. Ọnị ọ̀ navọ ka Imosiisi o re e ama ẹ yị vaa ngụ ịzọọ.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.