Odeyi 7:44 - IWE ỌNỊNỊ

⁴⁴ “Áda ayị nịnị mẹ̀ yà ịnị ụnọmị, ệ nyị ajẹngụ ịzị Ohomorihiī yàa kà ịrẹyịị yị wa. Â mẹẹ anka Óhomorihi mè juwe yị Imosiisi ka ọ̀ mẹ̀ ẹ.

Odeyi 7:44 Iomraidhean Croise

1 Ịtọpa 28:11

Idevidi ộ sị iwe a mẹmẹ vaa dà irehi Ohomorihi ẹnẹẹ yị Isoromọnị. Á mẹmẹ vaa da aku ana aā kụ́ ịsaa hi nịnị, ọnịrị avaba aku ana vọ, beri ize hu keekere ana a vaa sịị yị Ohomorihi, ịzị a yaa vagu ịvịị yị aza vị ana yà ịnị iwe ọnọọ.

1 Ịtọpa 28:19

Ohinọyị Idevidi ộ kà a ka avaba ịsa ẹnẹnị hi ini iwe a mẹmẹ vaa da irehi. Ẹnẹyịmavara ọnị ụvọta mẹ̀ kà a yị ọnị ka ọnị ọ̀ mẹ̀ ịsa ẹnẹnị a chẹrẹ iwe ọnọọ avọọ nị.

2 Ịtọpa 24:6

Avọọ, dị Ijowasi hị́ Ijehoyada ana vị ọdọvịdị ẹnịnị ka, sị ẹ vẹ dị ọ yị kụ́ ẹngụ hi ọ ka Anireevi nịnị ẹ dọ ẹkẹhị irehi hụụnị ụvọ aza ana ra ịnị ẹtẹ Ijuda ọnịrị Ijerusarẹmị? Imosiisi ozi ahụ Ẹnẹyịmavara vị ana ka aza vavọọ tụ́ ẹkẹhị dị a sị mẹ̀ ọgụvọ ụkọrọ ajẹngụ Ẹnẹyịmavara.

Ọyịkụra 25:40

Wàaa mẹ̀ ẹ, re ka waa saasa ahụ-ahụ anka m mẹ̀ sị zụ̀ wụ ịrẹsụ ataba.”

Ọyịkụra 26:30

Dị ụ kụ́ ajẹngụ ọnọọ jẹẹ anka m mẹmẹ sị zụ̀ wụ ịrẹsụ ataba.

Ọyịkụra 27:8

Navọ ọchị ọgana ọnị ụ waa sị mẹ ụta ọnọọ ọ̀ chị ngụ ịnẹ. Mẹ ẹ gẹdẹ-gẹdẹ anka m mẹ̀ sị zụ̀ wụ ịrẹsụ ataba.

Ọyịkụra 38:21

Ịrịka avaba enyusẹ ana a sị mẹ̀ ụkọrọ Ajẹngụ Ohomorihi yị. Ịnị ajẹngụ ọnọọ a sị apoti oto tụ́ nị. Imosiisi kà Anireevi nịnị ẹ̀ chẹrẹ avaba ịsa ana a sị mẹ ajẹngụ ọnọọ. Ịzẹyịza dị ẹ vavọọ chẹrẹ ẹ tịtẹ nị. Ozi Eerọnị ohirẹsụ irehi Ohomorihi ana aā hị́ Ịtama ọ sị eyi pe aza ana a ka ẹ̀ chẹrẹ ịsa ọnọọ nị.

Ịrịka 10:11

Ịhị ẹ tụ ọ ẹkụhị ẹwụrẹva ịnị ụhwẹ ọhụva ịnị ịrayị ọhụva ọnị ẹ hụrẹ Ijipiti, dị eguhi kwẹẹtẹ hụrẹ ịrẹsụ ajẹngụ Ẹnẹyịmavara nị

Ịrịka 18:2

Ộ ka Eerọnị ọ̀ kụ́ anda ẹnịnị ana vị ezi Ireevi beri ẹngụ mẹ̀ ụkọrọ. Ẹnịnị ẹ gụ ọnịrị ezi anị ụvọ mẹ̀ ụkọrọ ịnị ajẹngụ oto.

Ịrịka 9:15

Ịhị ọnị a jị ajẹngụ Ẹnẹyịmavara, eguhi vị ene ku ọ ịrẹsụ pooro na ngụ oruva, dị ọ vara ịra ku ọ ịrahụ nị.

Anihiburu 8:2

Aha ọnịnị keekere ọ́nị yà aa mẹ̀ ụkọrọ anị nị. Ịzọọ ọ vị aha obooro oni Ohomorihi yà nị. Ọnị ụvọta ọ dàa nị; ayị vị ọza ọ dà ọnọọ.

Anihiburu 8:5

Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba.

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.

Ijosuwa 3:14

Ịzẹyịza, dị Anisirẹrị nịnị kwẹẹtẹ hụụ ịzị ẹ ya dị ohirẹsụ irehi Ohomorihi nịnị sị apoti oto tụ́ ọvịdị ẹnịnị aa na nị.