Biblia Todo Logo
Bìoball air-loidhne

- Sanasan -




Odeyi 7:36 - IWE ỌNỊNỊ

36 Imosiisi ộ kụ́ Anisirẹrị nịnị hụrẹ ẹtẹ Ijipiti. Ộ mẹ̀ ụkọrọ ohyozirenu ọnịrị apọtẹrẹwa ịnị ẹtẹ Ijipiti ọnịrị ini Irehu Ovivi ọnịrị pooro mẹ ịrayị ẹbẹẹva ịnị ụnọmị.

Faic an caibideil Dèan lethbhreac




Odeyi 7:36
38 Iomraidhean Croise  

Di Imosiisi tana ụvọ hi òkū nị. Ịnị avaba ịrahụ ịhị ọnọọ dị Ẹnẹyịmavara mẹ ka ahị ọbanyị ọ̀ tụ́ hụrẹ oze ọnị ọyịị̄ zị vẹ dị ọ kụ́ enyi varẹma dị ọ mẹ ka okuha ọ̀ wụ nị. Enyi o si cheva.


Ịhị ọnị ịrayị akava tụra ohurẹẹwụ ọnọọ gụ gẹdẹ-gẹdẹ ịhị ọnọọ dị aza Ẹnẹyịmavara jịnẹ hụrẹ Ijipiti ogu-ogu nị.


Ẹnẹyịmavara ộ kà a yi Imosiisi dị ọ ka ọ̀ kwẹẹtẹ dị ọ̀ kụ́ aza ọnị ọ kụ́ hụrẹ Ijipiti aa vẹ dị ẹ̀ẹ nọ ịnị ẹtẹ ọnị ọnị kà a ka ọnị hị́ eku ka ọnị vaa sịị yị Abụrahamị, Ayiziiki ọnịrị Ijekọvụ. Ọ kà ọnị ọ sị ọ kà ka ezi anị ịrẹma-ịrẹma ọnị vaa sị ẹtẹ ọnọọ yị nị.


Anisirẹrị nịnị ệ rị imana mẹ ịrayị ẹbẹẹva. Ọnị ẹ rị pooro dị ẹ va ngụ ịnị ẹtẹ Ikanaani ịzị ẹ na ra nị.


O yi kuku vee véné oto ọnị ọnị vịdị wo yị ohiku ẹnịnị ịnị ẹkụhị ọnị ọnị sị ụvọ gẹ wa, dị ọnị kụ́ wa hụụnị ẹtẹ Ijipiti. Ẹnịnị ẹ yị nyị ịzẹyịza tụ́ ịnị ịrẹyị oto ọnọọ ọnị ọnị wo yị wa. Agụvị avọọ ọnị ẹ yị kụkụ sị ayị tụ́ ịnị ịrẹyị ẹnịnị.


Dị ọ sị ẹngụ dọ ịrẹyị ẹnịnị mẹ ẹhụụ ịrayị ẹbẹẹva ịnị ụnọmị nị.


Ohomorihi ộ vaa ịrẹma ẹnịnị, dị ọ navọ wa ka ẹẹ hẹkẹ ụzọmị ẹbẹẹba, anka a mẹ̀ chẹrẹ ẹ tụ́ ini iwe ọnịsẹ nịnị ka.” Ẹwụ nịnị Anisirẹrị, ẹ yị vị ẹmị ụ waa wụ̀ uyee mẹ ịsọvọọ hi nịnị hụrẹ ịrayị ẹbẹẹva ịnị ụnọmị.


Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.


Ịzọọ Ohomorihi ya sị apọtẹrẹwa ọnịrị ịvọpa zụ Ihwarawo, ọnịrị ezi ahụ anị, neberi aza anị nị. Ộ vavọọ mẹ̀ agụvị ka ộ yẹ Anijipiti nịnị mẹmẹ sị ẹngụ tụ ẹba dị ẹ mẹ ẹvaya yị Anisirẹrị nịnị. Ịvọpa ọnọọ ọ́ sị mẹ ịrẹha yị ẹngụ anị pooro tu ajịnị nị.


Ịnị ịrayị ẹbẹẹva ọnọọ achị ẹnịnị yị re wu.


Di Ohomorihi ka ama vị ọnị vaa tana ụvọ za Anijipiti dị ọnị mẹ ịvọpa irenyi-irenyi eyi ẹnịnị. Ọ kà ọnị ọ̀ọ vavọọ sị ọ mẹ, ọ vaa navọ ka ẹ̀ na.


Dị Ijeesu kà a yọ ka, “Ẹ̀ yị vị u re apọtẹrẹwa ọnịrị ụkọrọ ohyozirenu nịnị, wẹ mā dọ wụ́ nịnị.”


asị ụ na mẹ ayọkatẹngụ nịnị anka óhiku awụ nịnị mẹ̀ mẹ ịnị ụmẹ ẹnẹ ẹ sị mẹ akamawụ hi Ohomorihi ịnị ụnọmị. Ẹnịnị ẹ rẹ zama a re.


Ohomorihi ọ̀ kà a ka: Ohiku awụ nịnị ệ zama ọnị re ẹtẹẹtẹrẹ ịnị ụnọmị ịyẹẹyẹ, ẹnịnị ê re ịsị ọnị mẹ mẹ ịrayị ẹbẹẹva.


Lean sinn:

Sanasan


Sanasan