Odeyi 7:2 - IWE ỌNỊNỊ

² Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Odeyi 7:2 Iomraidhean Croise

Oyinyima 11:31

Di Ịtẹra sị Abụramị ozi anị ne beri Ịrọọtị ozi Ịharanị nị. Ịrọọtị vị aazị Ịtẹra. Ịtẹra ọ rẹ sị Isarayi ose ozi anị Abụramị di e dudu hụrẹ Ọọrị ịnị ẹtẹ Anikaridi, ka ẹ̀ nọ ịnị ẹtẹ Ikanaani nị. Ama e mè tù ẹtẹ Ịharanị, dị ẹ kụkụ yà ịzọọ nị.

Oyinyima 12:1

Ẹkụhị ọnya di Ẹnẹyịmavara hị́ Abụramị dị ọ kà a yọ ka: Ọ kwẹẹtẹ hụrị ẹkụra anị ana vị ịda anda anị ọnịrị eehi ada anị dị ọ̀ọ nọ ịnị ẹtẹ ọnya ọnị ọnị vaa sị zụ̀ ọ.

Oyinyima 12:5

Abụramị ộ sị Isarayi ose anị ọnịrị Ịrọọtị ozi ọyịnyara anị ne beri avaba ogu ọnị ọ nyị. Ọ rẹ kụ́ aza ọnị ọ nyị ọ mẹ̀ yà Ịharanị, di e si hu dị ẹ yaa nọ ịnị ẹtẹ Ikanaani nị. Ẹ mẹ̀ na sị ngụ Ikanaani,

Oyinyima 15:7

Di Ohomorihi re kà a yị Abụramị dị ọ ka: Ọnị vị Ẹnẹyịmavara ana sị ọ hụrẹ ẹkụra Ọọrị ịnị ẹtẹ Anikaridi vẹ ka ọnị ọ̀ va sị ẹtẹ ọnọnị yị ọ dị ọ̀ kụkụ vị aanị nị.

Oyinyima 29:4

Ijekọvụ mè re wa dị ọ ka, “Ọhụva amị, ịzị ụ hụrẹ vẹ nịnị?” Dị ẹ ka Ịharanị ẹnị hụrẹ vẹ nị.

Inehemaya 9:7

Ọnị ọ vị Ẹnẹyịmavara, Ohomorihi ana nyị Abụramị, dị ọ sị ọ hụrẹ ẹkụra Uri ẹtẹ Anikaridi, dị ọ vara ịrẹha anị tu ịnị Abụrahamị nị.

Ahẹ Ụgama 24:10

Ẹ̀nị ọnọọ vị kẹ, ana vị Ohinọyị ana nyị ụbanyị? Ẹnẹyịmavara Ochẹtẹẹngụ, ọnị ọ vị Ohinọyị ana nyị ụbanyị ọnọọ nị.

Ahẹ Ụgama 24:7

Nā và hi ẹtẹ nịnị, ẹwụ nịnị oze ẹwụ nịnị oze ana yà ịzọọ hụrẹ ụmọrụmọ agụvị Ohinọyị ana nyị ụbanyị ọ̀ ngụ eehi.

Ahẹ Ụgama 29:3

Ẹnẹyịmavara mè kà ịrẹyị dị enyi dọ ọngwẹ dị apaana ihinẹba aa ha kẹnẹ nị Ohomorihi ana nyị ụbanyị ộ mẹ̀ ka apaana ihinẹba ọ̀ há, di enyi ẹbanyị-ẹbanyị aa sụ́ wụụrụ kẹnẹ nị

Ayịsaya 37:12

Ọ kà ohiku anị nịnị ê vu ẹkụra ana aā hị́ Igozanị, Ịharanị, ọnịrị Ịrẹzẹhwị ẹtẹ. Ẹnịnị ệ wụ Anedẹnị nini ana ra hi ịzị aā hị́ Iterasa, ẹ yị nyị ori ẹnịnị ana va zụ dọ wụ tụ.

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ayịsaya 6:3

Dị ẹ yaa hị́ ẹngụ, dị ẹ ka “Ọnịnị, Ọnịnị Ọnịnị! Ẹnẹyịmavara Ochẹtẹẹngụ vị ọnịnị. Ụbanyị anị vi ene chi avaba ẹhẹ ẹngụ.”

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Iruuku 2:14

“À vẹ yaa sị ụbanyịị yị Ohomorihi ana yà ẹbẹẹba keekere, ọ vaa sị ẹngwọọrọ yị aza ene hi ịnị ẹhẹ ana ayị anị hine tù.”

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 12:41

Ayịsaya ộ vịdị kà ịrẹyị ẹnẹẹ, agụvị ka ô re igirima Ananyị yị, dị aa kà ịrẹyị ini oze anị nị.

Odeyi 22:1

“Ẹwụ nịnị aza ana gụ, anda ayị nịnị ọnịrị ada ayị nịnị, batọ nịnị, m màa kụ́ irenu amị aanị!”

Odeyi 23:7

Ịjị ọọ maanị sị kà kẹnẹ, dị Anihwarisi nịnị ọnịrị Anisadusi nịnị sị eyi và ká ẹngụ nị. Dị aza nịnị sị gà hi ẹẹva nị.

Odeyi 7:1

Dị ohirẹsụ ọbanyị irehi Ohomorihi họ̀ Isitivini ka, “Avọọ wáá yọ?”

1 Anịkọrịntị 2:8

Ẹ yị nyị ohirẹsụ ẹhẹ ọnọnị ana yẹẹ. Ẹ̀ẹ yaanị yẹẹ, ẹyị yaanị kanyị Ananyị yị ana nyị avaba ụbanyị za ọchị apavahị.

Anẹhwẹsọsị 1:17

Maa mẹ̀ aduwa ka Ohomorihi Ijeesu Ikirisiti Ananyị yị ana nyị avaba ụbanyị ọ̀ sị Ụhwẹ Ọnịnị anaā mẹ ka ọza ọ̀ yẹ ịrẹyịị wụ nịnị; dị ọ̀ sị Ohomorihi zụ̀ wụ nịnị, dị ụ wa zụ yẹ ẹ nịnị.

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.

Ijemiisi 2:1

Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o!

Ijosuwa 24:2

Dị Ijosuwa ka ọzọza batọ dị ọ wụ enube hụụnị ụvọ Ẹnẹyịmavara ana vị Ohomorihi Anisirẹrị. Dị ọ ka, ịnị ịyẹẹyẹ ohiku ẹnịnị vị ana ra akẹnẹ Okuha Iyuhwireti, dị ẹ yaa mẹ̀ ori ene hi ịzọọ. Avọọ ẹnịnị mẹ mẹẹ pooro ve tu Ịtẹra ọnịrị ezi anị ẹẹva Abụrahamị ọnịrị Ịnahọ̀.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.