Odeyi 7:10 - IWE ỌNỊNỊ

¹⁰ dị ọ dọ ọ tụ́ hụụnị avaba ụyọrị anị nị. Ohomorihi ộ sị ịrẹyọyẹ yị Ijosẹẹhụ, ộ mẹ̀ ka Ihwarawo, ọnị ọ vị ka ohinọyị Anijipiti ò sì ịrẹyị anị. Dị Ihwarawo sị Ijosẹẹhụ mẹ ọga Anijipiti ọnịrị avaba irehi anị nị.

Odeyi 7:10 Iomraidhean Croise

Oyinyima 39:21

Ama Ẹnẹyịmavara vị ana jẹ ịrẹma Ijosẹẹhụ. Ô yi hi ayị Ijosẹẹhụ, dị ọ mẹ ka ọga aza ene sị eyi pè anịnẹngwa è sì ịrẹyị Ijosẹẹhụ nị.

Oyinyima 42:6

Ijosẹẹhụ ọ kụkụ sị eyi pè ẹtẹ Ijipiti nị. Ọnị aa ná ịsaa yị avaba aza ana àa vẹ ka ọnị àa vaa hị́ ịsa nị. Dị ẹnẹbẹnị Ijosẹẹhụ nịnị vẹ, dị ẹ tana tụra ẹtẹ kụ́ ọ nị.

Oyinyima 44:18

Di Ijuda tere pè Ijosẹẹhụ dị ọ ka: Nda, aarịhịnị ọ̀ navọ ọnị ọ̀ kà ịrẹyị ọnya chire wụ ụtọ de. Ọ kà vị ọ kụkụ sị mẹẹ anka Ihwarawo ọnị ụvọta avọọ nị. Ọ kà aarịhịnị asị ọ kụ́ ayị hi ọnị.

Oyinyima 48:16

anggẹẹrị ọnọọ ana dọ ọnị ha hụụnị avaba ịsa odivi, ọ̀ navọ kwogwo ò zee yi ezi ẹnẹnị. Ọ̀ navọ kwogwo a vaa sị waa tamayị ịrẹha anị ọnịrị ohiku anị nịnị ana vị Abụrahamị ọnịrị Ayiziiki. Ọ kà ọ̀ navọ ẹ va ma ozi rụrụ, dị ahịka vị ẹ gwẹtẹ ịnị ẹhẹ kẹnẹ nị.”

1 Ohinọyị 8:50

dị wa va gu wa ini ebira odivi irenyi-irenyi ẹnị ẹ mẹ hi wu. Dị wa navọ wa vayị ẹnịnị éyi ọza ana za wa ọrịhị agụvị dị ẹnị ẹ̀ rẹ zụ vayị ẹnịnị.

Ahẹ Ụgama 22:24

Ohomorihi ọ yị mẹ onosiye isiya, ộ tamayị aza ana aa rị ụya. Aza ana aa rị ụya mè nowu na za Ohomorihi ọ yị kà ka oni o yi tụ́ òhi ama ọ na ba wa owu.

Ahẹ Ụgama 37:40

Ẹnẹyịmavara vị ana aa gụ wa ụvọ dị ọ dọ wa tụ́ Ọ yị vaa zẹẹ ka ụvọ aza edivi è kú wa Ọ vaa dọ waa ha agụvị ka ê zwe na vaka a.

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

Ụhịrẹyị 2:6

Ẹnẹyịmavara ọọ̄ mẹ̀ ka ọza ọ yẹ ịrẹyị, dị ọ nyị eyohweyi nị.

Ụhịrẹyị 3:4

Wàa vavọọ aa mẹ, ayị Ohomorihi ọnịrị aza vee hine tu wu, dị ụ nyị ụbanyị.

Ijeremaya 39:12

È ne si Ijeremaya, dị ẹ̀ sị ụvọ ozoza za a. Ọ kà asị a mẹ̀ ẹ ịrẹyị, ama ịsị oo họ̀ use anị kẹnẹ, ọ̀ mẹẹ yị ọ.

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.