Odeyi 6:8 - IWE ỌNỊNỊ

⁸ Ohomorihi ộ yà pe Isitivini ẹtẹẹtẹrẹ, dị ọ rẹ sị ụkata yọ, dị aa mẹ̀ ụkọrọ ohyozirenu ọnịrị apọtẹrẹwa ịnị akakana aza ẹnẹẹ nị.

Odeyi 6:8 Iomraidhean Croise

Ịjọọnụ 4:48

Dị Ijeesu kà a yọ ka, “Ẹ̀ yị vị u re apọtẹrẹwa ọnịrị ụkọrọ ohyozirenu nịnị, wẹ mā dọ wụ́ nịnị.”

Odeyi 6:10

Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Odeyi 6:15

Dị avaba aza ana yaayịtẹ ini ikootu ee re Isitivini goro-goro nị. Di e re ka eyi anị aa zẹtẹ anka eyi anggẹẹrị avọọ nị.

Odeyi 6:3

Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Odeyi 7:55

Ụhwẹ Ọnịnị ọ raà dọ avaba ayị Isitivini, di ee re ẹbẹẹba gegege, di o re igirima Ohomorihi nị. Di o re re ka Ijeesu jẹẹ éyi ụvọrị Ohomorihi nị.

Odeyi 8:6

Dị aza ana wara gụ sị ayị ọnya sị ụtọ pe ịrẹyị oni Ihwiripi aa kà nị, di e re re ụkọrọ ohyozirenu ana aa mẹ nị.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

1 Itimoti 3:13

Aza ana àa mẹ̀ ụkọrọ anị ẹtẹẹrẹ anka ọnọgụvọ, vaa nyị udi; ẹ rẹ va zụụ nyị ọtụtụrụma, ẹ màa sị ayịị tụra Ijeesu Ikirisiti.