Odeyi 6:1 - IWE ỌNỊNỊ

¹ Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.

Odeyi 6:1 Iomraidhean Croise

Ijoovu 29:13

Ọgụvọ ọnị ọnị mẹ̀ ọ mẹ ka aza ana yaanị vu ẹ̀ ga ọnị, dị ayị osoku nini è hine.

Ijoovu 31:16

Meè yi yi da, dị a sị mị mẹ̀ ọgụvọ yị onosiye. Mẹ ma zẹẹ ka osoku nịnị ẹ̀ rị ụya.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Ahẹ Ụgama 72:16

Ohomorihi ọ̀ navọ ịsa ịnị aarẹ ọ̀ mẹ gwẹẹtẹ ịnị ẹtẹ ọnọọ. Aarẹ ana a dà hi ịnị avaba ataba ẹ mẹ̀ ịsa ẹtẹẹtẹrẹ. Ịsa ịnị ẹnịnị ẹ̀ mẹ anka ẹtẹ Ịrẹbanọnị mẹ̀ẹ mẹ̀ ịsa avọọ. Aza ẹ̀ rụrụ hi ịnị ẹkụra anka avị mẹ̀ chị hi ịnị aarẹ avọọ.

Ayịsaya 1:17

dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.

Ayịsaya 27:6

Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.

Ijeremaya 30:19

Ẹnịnị va jị ahẹ gono ọnị, dị eyee nowu ẹ́ẹẹ maa jẹ ịrajẹ. Ọnị vaa mẹ ka ẹnịnị ẹ̀ rụrụ, ẹnịnị ẹ yị ma vana jịha. Ọnị vaa mẹ ka a sị ụbanyị yị wa, ọza ẹ́ yị ma vana sị eyi oweyi re wa.

Ezikẹẹrị 22:7

Ẹ́ yị nyị ọza Ijerusarẹmị ana sị ụbanyị ada anị ọnịrị ọnyị anị. Waa mẹ azọga nịnịị rị. Dị waa mẹ ehunaa yị osoku nịnị ọnịrị ezi-oku nị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 2:45

Ệ ná ịsị ẹ nyị ọnịrị ogu ẹnịnị, dị ẹ gà ẹkẹhị anị, anka ị́sa mẹmẹ aa rị ọzọza ụya nị.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 4:35

dị ẹ sị yị odeyi nịnị. Dị aa gà ẹ yị aza, anka ị́sa mẹmẹ aa rị ọzọza ụya.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Odeyi 5:14

Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Odeyi 6:2

Dị odeyi ẹwụrẹva ẹnẹẹ hị́ avaba ezirẹma ana vọ gụ, dị ẹ ka, “Ẹ yị vọrọ ka ya navọ ịrẹyị Ohomorihi tịtẹ, dị yaa gà ịsọyịrị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 9:29

dị aa sị ọtụtụrụma kà ịrẹyị ịnị ịrẹha Ijeesu Ananyị yị nị. O re beri Aniju nịnị ana aa kà ẹkụra Anigirikii nyị ahankata. Ama dị ẹnịnị ee sì ka ẹnị ẹ̀ wụ ọọ nị.

Odeyi 9:39

Dị Ipita kwẹẹtẹ, dị aa dị waa na nị. Ịjị o tù ịzọọ, dị a sị ọọ nọ ịnị aku ịnị ọtụrọsa ọnọọ nị. Dị avaba osoku nịnị ene hi ịzọọ wara kara Ipita, dị ẹyaa jị òrèrè, dị ẹyaa sị awuru ọnịrị ọtịnịnẹ ọnị Ịdọkaasị mẹ, ọ mẹ̀ yà ẹhẹ, zụ̀ Ipita nị.

Odeyi 9:41

Dị Ipita sị ụvọ gẹ ẹ, dị ọ sị ọọ kwẹẹtẹ nị. Dị ọ hị́ ọdọwụ ẹnẹẹ beri osoku ẹnẹẹ, dị ọ sị ọọ yị wa ireyi-ireyi nị.

Aniroomi 12:7

Ohomorihi ọ̀ọ sị ụkata yị ka yaa mẹ ọgụvọọ yị ọza, à vẹ ya jẹẹ pe ọnọọ! Ọza ana àa zụ̀ aza ịsa, ọnị ọ̀ rẹ sị eyi pe ịsa ana aa zụ̀ aza!

1 Anịkọrịntị 10:10

Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị.

2 Anịkọrịntị 11:22

Àa vị ka ệ vị Anihiburu yọ, Anihiburu ẹmị rẹ vị nị. Ẹ̀ẹ ka ẹnị vị Anisirẹrị, ẹmị rẹ vị Anisirẹrị. Ẹ̀ẹ rẹ va ka ezi Abụrahamị ẹnị vị nị, avọọ ẹmị mẹ̀ rẹ vị nị.

Iwe Ọhụhị Imosiisi ana aa hị́ Ọyịvatụrọda 26:12

Ịrayị ẹtẹẹta waā sị agẹẹwụ ịsa ịnị aarẹ awụ nịnị na yị Anireevi nịnị, azọga, ezi-oku, esoku agụvị ọzọza ọọ nyị ịsa ana aa rị. Wàa raà mẹ̀ ọsọnị,

Anihwiripi 3:5

M mẹ̀ vị ẹkụhị ịhịnta kẹnẹ, a jị mị ụvẹvẹnẹ nị. Anisirẹrị obooro mị vị nị. Ini ovwoovu Ịbẹnjamịnị mị chị hụrẹ vẹ nị. Anihiburu mị vị nị, dị ahịka Anihiburu ọ rẹ ma mị nị. Àa va vị ịrẹyị ọda Aniju nịnị ị yọ, ini ogu Anihwarisi nịnị mị yà nị.

1 Itimoti 5:3

Osoku nịnị ana àa vị osoku obooro, re ka waa tẹsị ẹnịnị!

1 Itimoti 5:9

Asị ụ dọ osoku tụ́ ini osoku nịnị, àyị vị ọ sị gụ ịrayị ẹbẹẹta (60), dị ahịka ụpẹ ọnya kẹnẹ ọ nyị ọnọrụ da nị.

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

Ijemiisi 4:5

U wéé ro ka ịrẹyị kẹnẹ-kẹnẹ Iwe Ohomorihi aa kà nị, ịjị ọ kà a ka: Ụhwẹ Ọnịnị oni Ohomorihi sị tụ́ ịnị ayị awụ nịnị vị anaā kụ̀ ụhị?

Ijemiisi 5:9

Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi.