Odeyi 5:4 - IWE ỌNỊNỊ

⁴ Dị ụ va ná ẹtẹ awụ, ẹwa nyị nị. Ụ mẹ̀ rẹ va sị ọọ ná, ẹwa yị nyị ẹkẹhị anị nị. Sị ẹ vẹ di u ve ro o ịnị ayị awụ ka ụ maanị aa mẹ aanị? Ẹ yị vị ọza u cheeche yị, Ohomorihi u cheeche yị nị o.”

Odeyi 5:4 Iomraidhean Croise

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

1 Ịtọpa 29:3

Ene hu keekere ịnị avaba ịsa ọnị ọnị tenyi tịtẹ aanị, ọ vị ka, ọnị ộ sị isiriva ọnịrị igooru hụụnị ogu anị ụvọta ka a sị mẹ̀ ụkọrọ ọnọnịị; agụvị ka oni oò sì ịrẹyị irehi Ohomorihi ọnọnị ẹtẹẹtẹrẹ.

1 Ịtọpa 29:5

Dị à rẹ sị mẹ avaba ịsa ọnị ọnụkọrọ ụvọ nịnị ẹẹ vaa mẹ. Ọ kà booro aanị áá nyị ọza enee sì ka ọnị ọ̀ sị ẹyịza va yị Ẹnẹyịmavara ịnị ẹnịnị?

1 Ịtọpa 29:9

Aza mè sì ọ, ẹ sị ẹyịza va yị Ẹnẹyịmavara nị. Ayị ẹnịnị ô hine ka â vavọọ kụ́ ịsa va yị Ẹnẹyịmavara. Avọọ ayị ohinọyị Idevidi ọnị mè re hine ẹtẹẹtẹrẹ nị.

Ijoovu 15:35

Ka aro vị odivi, di ahịka odivi kẹnẹ ẹ ya mẹ nị. Ayị ẹnịnị vene hi yị evene.

Ahẹ Ụgama 139:4

Ẹnẹyịmavara, dị ma hyakụ va kà ịrẹyị ọchị ọnya jịnẹ, wa sị avaba anị yẹ.

Ahẹ Ụgama 7:14

Aza ẹhịmị vi ene eē ro ịrẹyị odivi. Ẹnịnị vị ene ẹẹ̄ sì ẹ mẹmẹẹ kụ́ ẹngụkataa vẹ, di ẹ re yee vene ọza.

Ọyịkụra 16:8

Di Imosiisi rẹ ka, “Ẹnẹyịmavara ọ vaa sị uyee wụ nịnị oruva dị ọ rẹ sị ịsọyịrị wụ nịnị ẹnẹnẹ o mè zee wu eyi nịnị nị. Ọ vavọọ aa sị wụ nịnị agụvị ka ọ sị wụ́ ka waa rị ihuhuu hi ọnị nịnị. Ẹ yị nyị ịsị ẹyị vị, ẹ yị vị ẹyị ụ waa rị ihuhuu hi nịnị, Ẹnẹyịmavara ụ waa rị ihuhuu hi nịnị nị.”

Ọyịkụra 35:29

Avaba Anisirẹrị nịnị ene sì, anọrụ ọnịrị anẹẹ ệ kụ́ ịsa vẹ ka à sị mẹ̀ ụkọrọ ẹnị Ẹnẹyịmavara kà a yị Imosiisi ka à mẹ.

Ịrẹyị Ọzwọzịsa 5:5

Ọọ vana dahi ka asị ọza kà a ka aa nyị ịsị ọnị vaa mẹ huni ka ọ̀ kà a dị asị ọ mẹ̀ ẹ.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ezikẹẹrị 38:10

Aanị Ẹnẹyịmavara Ochẹtẹẹngụ mẹ kà yị Ịgọgị nị: ịjị ụmẹ ọnọọ òo tu, u vee nyima ee rò ụ mẹmẹ vaa mẹ odivi.

Ịrịka 16:11

Anikora nịnị ẹ raa kụ aza ku ịrẹma va eyi ịraazị ka Ẹnẹyịmavara. Ẹ yị vị ịrẹyị Eerọnị o tu wa.

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”

1 Anịkọrịntị 8:8

Yâ yẹ ka ịsọyịrị ọ yị zụ mẹ ka ye zé Ohomorihi eyi. Yâ ka, yẹ yị rị ịsa ẹnẹẹ, o yi divi. Yâ rẹ ka yaa rị, ọ yị sị yị dahi hu avọọ.

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

Ihwirimọnị 1:14

Ama mé yi sì ka ma sị ụkata za wụ gụ mị ụvọ. Mee sì ka ẹwụ ụvọta ọ̀ sị ayị awụ mẹẹ. Agụvị avọọ, ẹ́ yị nyị ịsị mị vaa mẹ ẹ̀ yị vị ụ sị ụvọ tụ́ ọ.

Ijemiisi 1:15

Ariro odivi ọnọọ ọọ̄ mẹ̀ ọza ka ọ̀ mẹ ịvị nị. Ịjị ọza ọ̀ọ sị ịvị mẹ ta, dị ahịka isu ọ zaa ịrẹsụ nị.

1 Ịsamụwẹrị 8:7

Dị Ẹnẹyịmavara va kà a yị Ịsamụwẹrị ka avaba ịsị aza ẹnẹẹ ẹ̀ẹ ka ọ̀ mẹ, asị o pè wa nyị ahankata. Ọ kà ẹ yị vị Ịsamụwẹrị ẹ ka asị ọ kụkụ vị ọdọvịdị ẹnịnị, Ohomorihi ka ọnị ụvọta aza ẹnẹẹ ka asị ọnị kụkụ vị ohinọyị ẹnịnị nị.