Odeyi 5:2 - IWE ỌNỊNỊ

² dị ọ dà ẹkẹhị anị tẹ yị ẹngụ anị nị. Ose anị ộ yẹ ini oze anị. Dị ọ sị ana vọ vẹ, dị ọ sị va yị odeyi nịnị nị.

Odeyi 5:2 Iomraidhean Croise

Ịmarakayị 1:14

Ẹnẹyịmavara kà e yi ve zoza yị ọza ana mẹ ọza rị. Ọza ana nyị ịsụpa araka ozoza ana vọrọ ka ọ sị vaa mẹ̀ ịsọvọ, ama dị ahịka ene divi ọ sị va yị ọnị Ananyị yị nị. Ẹnẹyịmavara Ochẹtẹẹngụ ka ohinọyị ọbanyị ọnị avaba anẹhẹ ee hí angwa anị ọnị vị nị.

Imatiwu 23:5

Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

Ịjọọnụ 12:6

Ọsọnị vị ọnị Ijudasi kà kẹnẹ, ẹ yị vị ka vị a nyị ịzị ịrẹyị onosiye nịnị gẹ ẹ nị. Ịjị ahịka Ijudasi vị oyi, ọnị ọ sị eyi pe ẹkẹhị ẹnịnị nị, di ee yi ịnị anị nị.

Odeyi 2:44

Avaba ẹnị ana dọ wụ́ vị ana vabẹ, di e re dudu aa gà ịsị ẹ̀ẹ nyị nị.

Odeyi 4:37

Ộ nyị ẹtẹ, dị ọ ná a, dị ọ sị ẹkẹhị anị va yị odeyi nịnị nị.

Odeyi 5:1

 nyị ọnọrụ ọnya aanị ana aā hị́ Ananịya. Ose anị ọ rị Isahwira nị. Ẹnịnị ệ ná ịnị ẹtẹ ẹnịnị,

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

Odeyi 5:8

Dị Ipita kà a yọ ka, “Kà a mị dị a re, aanị ụ wáá mẹ̀ yị ná ẹtẹ ọnọọ nịnị nị?” Dị ọ ka, “Hịịn, avọọ aa ná a nị.”

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.