Odeyi 4:5 - IWE ỌNỊNỊ

⁵ Eyinẹhẹ anị, dị ọdọvịdị Aniju nịnị beri azọkụ nịnị ọnịrị ọzwọzọda nịnị kụ́ gụ Íjerusarẹmị nị.

Odeyi 4:5 Iomraidhean Croise

Ayịsaya 1:10

Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị.

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Ịmaakị 15:1

Ịnị ẹnẹnẹ viri-viri, ohirẹsụ ẹbanyị irehi Ohomorihi beri ọdọvịdị nịnị ẹnịrị ọzwọzọda nịnị ne beri avaba ọmọkarẹyị nịnị ê gẹ eyi, dị ẹ sụ́ Ijeesu orupa, dị ẹ vàa tụ́ ọvịdị, dị ẹ sị ọọ ne chire Ipayireti ụvọ nị.

Iruuku 20:1

Ẹkụhị ọnya, Íjeesu màa zụ̀ aza ịsa ini irehi Ohomorihi, dị aa kà enube ọyịzaa yị wa nị. Ohirẹsụ ẹbanyị irehi Ohomorihi ọnịrị ọzwọzọda nịnị beri ọdọvịdị nịnị ê ve tù,

Iruuku 22:66

Éyi mẹ̀ yị sị nị kẹnẹ, dị ọdọvịdị aza ẹnẹẹ ọnịrị ohirẹsụ ẹbanyị irehi Ohomorihi ne beri ọzwọzọda nịnị kụ́ gụ nị, dị ẹ sị Ijeesu nọ ini ikootu ẹnịnị nị. Dị ẹ ka:

Iruuku 23:13

Dị Ipayireti hị́ ohirẹsụ ẹbanyị irehi Ohomorihi ọnịrị ọdọvịdị nịnị beri aza ana vọ gụ nị.

Iruuku 24:20

Ohirẹsụ ẹbanyị irehi Ohomorihi ọnịrị ọdọvịdị ayị ệ sị ọọ chire aza ụvọ ka à mẹ̀ ọkarẹyị isu yọ, dị à kanyị ọọ za apavahị.

Odeyi 4:8

Ụhwẹ Ọnịnị ộ dọ avaba ayị Ipita, di o tụ́ wa ohi dị ọ ka, “Ẹwụ nịnị ọdọvịdị ọnịrị azọkụ anda ayị!

Odeyi 5:34

 nyị ọza ịnya ini anikootu ẹnẹẹ, ana vị Anihwarisi ana aā hị́ Igamariyẹẹrị. Ọzwọzọda ọ vị nị. Ộ nyị ụbanyị ẹtẹẹtẹrẹ ini eyi avaba aza. Dị ọ ka à kụ́ odeyi ẹnẹẹ jịnẹ tụ́ ẹhẹ chee nị.

Odeyi 6:12

Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị.