Odeyi 4:21 - IWE ỌNỊNỊ

²¹ Dị anikootu kà wa ọnọ hu avọọ ẹtẹẹtẹrẹ, dị ẹ hụrẹ wa ụvọ nị. E yi re oze sị ụya rị wa, agụvị ka avaba aza vị ana aa sị ụgaa yị Ohomorihi agụvị ịsa ana mẹ.

Odeyi 4:21 Iomraidhean Croise

Imatiwu 15:31

Ô hí aza ẹnẹẹ irenu, e mè re ka ogurenu aa kà ịrẹyị, dị ẹngụ oswẹngụ ta, dị oswahụ nịnị aa zị ụsẹ, dị ogweyi nịnị ree re ẹtẹ nị. Dị ẹyaa ga Ohomorihi Anisirẹrị nịnị nị.

Imatiwu 21:46

E mèe sì oze ka ẹnị ẹ̀ za a, angwa aza ee hí wa, agụvị ka ệ dọ ka ọnịsẹ ọ vị nị.

Imatiwu 26:5

Dị ẹ ka asị a mẹ̀ ẹ ịnị akakana eche, agụvị ka ịrẹkụ va sị chị yị aza nị.

Imatiwu 9:33

Dị Ijeesu dụ ụhwẹ echu ọnọọ jịnẹ, di ogurenu ọnọọ aa kà ịrẹyị nị. O si hí ọkọnị aza ẹnẹẹ irenu, dị ẹ ka, “Yẹẹ̀ yị maanị re da ịnị ẹtẹ Isirẹrị.”

Imatiwu 9:8

Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Iruuku 13:17

Ịjị ọ maanị sị kà, dị ụhị kụkụ aa nyị avaba ọnịvị anị nị. Dị avaba aza ana vọ ẹnị aa jẹ agụvị ịsa ọbanyị ana aa mẹ nị.

Iruuku 20:19

Ohirẹsụ ẹbanyị irehi Ohomorihi ọnịrị ọzwọzọda nịnị ê sì ka ẹnị è za Ijeesu ịzị ịzọọ, agụvị ka ịrẹyị ẹnịnị Íjeesu si che ụhịrẹyị ọnọọ nị. Ama angwa aza ee hí wa.

Iruuku 20:6

Ama yàa na kà a ka ọza ọ sị yọ nị, vị avaba aza ẹnẹnị ee ne yi ịrẹta nị, agụvị ka ẹnịnị ệ dọ ka Ịjọọnụ vị ọnịsẹ.”

Iruuku 22:2

Dị ohirẹsụ ẹbanyị irehi Ohomorihi ọnịrị ọzwọzọda nịnị ee sì oze ka ẹ́nị mẹmẹ vaa mẹẹ wụ Ijeesu nị, agụvị ka angwa aza vị ene ee hí wa.

Iruuku 5:26

Ô hí avaba ẹnịnị irenu ẹtẹẹtẹrẹ, dị ẹyaa ga Ohomorihi nị; dị angwa ee hí wa nị, dị ẹ ka, “Ya sị ịmọrịmọ re ajịnị.”

Odeyi 4:17

Ama dị asị ịrẹyị ọnọnị gara hi ẹtẹ hu avọọ, à vẹ ya kà wa ọnọ ka asị ẹ rẹ̀ kà ịrẹyị ịnị ịrẹha Ijeesu ọnọnịị yị ọzọnyị-ọzọnyị.”

Odeyi 4:22

Ọza ọnị ụkọrọ ohyozirenu ọnọnị mẹ ịnị ẹngụ anị ana a mẹ ụkụ aanị, o si huna ozi ịrayị ẹbẹẹva.

Odeyi 5:13

Ẹ yị nyị ọza ana nyayịnẹ hụra sị ẹngụ va vaka wa, ama aza aa sị ụbanyịị yị wa ẹtẹẹtẹrẹ.

Odeyi 5:26

Dị ọga ọnọọ ọnịrị ọnụtụ ẹnẹẹ wụsẹ na, dị ẹ na za wa vẹ nị. Ẹ yị sị ụkata za wa, agụvị ka eyee hí angwa ka aza ve ne ẹnị ịrẹta.

Odeyi 5:40

Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.