Odeyi 4:2 - IWE ỌNỊNỊ

² Ayị aa kụ́ wa, agụvị ka odeyi ẹẹva ẹnẹẹ aa kà a yị aza ka Ijeesu ọ sị ha hụụnị isu. Ọnọọ vaa sị zụ̀ ka oku nịnị rẹ vaa haa hụụnị isu.

Odeyi 4:2 Iomraidhean Croise

Inehemaya 2:10

 nyị anọrụ ẹẹva ene hi Ijuda. Ịrẹha ọnyara ọ rị Ịsanbaratị ana vị Anihoroni, dị ọsa rị Itobaya ana vị Anamọnị nị. Ịjị ẹnịnị wụ ịsa ana mẹ, dị ayị ẹnịnị du chuku-chuku, agụvị ka ẹnịnị e yi si ka ọza ọ gụ Anisirẹrị nịnị ụvọ.

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Odeyi 17:18

 nyị aza ẹnyị ana yẹ ịrẹyị ẹtẹẹtẹrẹ ịzọọ. Aā hị́ ẹnyị “Anepikuri”, dị a rẹẹ̄ hị́ ọsa “Anisitoyiki” nị. Dị ẹnịrị Ịpọọrụ sị gẹ tụ́ ịnị ahankata nị, ẹnyị ịnị aza ẹnẹẹ ka, “Sị ọnọrụ ene ee sì ịrẹyịị kà aanị ee sì ka ọnị ọ̀ ka kẹ?” Dị aza ẹnyị rẹ ka, “Vị ọ sị mẹẹ ka vị a nyị ịrẹyị ori ọzọga ọnị ọnị rẹ za vẹ nị.” Ẹ maanị aa kà, agụvị ka Ịpọọrụ ộ kà ịrẹyị Ijeesu ọnịrị ọ mẹmẹ ha hụụnị isu.

Odeyi 19:23

Ịnị ụmẹ ọnọnị, ẹkụra Ẹhwẹsọsị ọ sị vazi agụvị oze Ikirisiti.

Odeyi 24:21

Ama mâ yẹ kẹnẹ ka mâ kà ịrẹyị ọnya, m mẹ̀ yà ịnị akakana ẹnịnị ịzọọ ka mâ dọ wụ́ ka oku nịnị vaa haa hụụnị isu; agụvị avọọ ẹ za mị nị.”

Odeyi 26:23

Ệ kà a ka â nyị ka Ikirisiti ọ̀ rị ụya, ka ọnị ọ rẹ vịdị vaa vị ọnịpaapa ana ha hụụnị isu nị. Ọnị ọ rẹ vaa sị ẹtohweyi zụ̀ Aniju nịnị ọnịrị Anigiriki nị.”

Odeyi 26:8

Sị ẹ vẹ dị ẹwụ nịnị ẹ̀ yị zụ dọ ka Ohomorihi ọ zụ ha oku kwẹẹtẹ?

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 5:17

Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị.

Aniroomi 8:11

Ohomorihi ọ ha Ijeesu kwẹẹtẹ hụụnị isu nị. Ụhwẹ Ohomorihi ọnọọ ọ̀ọ yà ịnị ayị awụ nịnị, ọnị ana ha Ijeesu kwẹẹtẹ hụụnị isu, rẹ vaa mẹ ka oku awụ nịnị ọ̀ ha kwẹẹtẹ. Ụhwẹ Ohomorihi ọnọọ ana yà ịnị ayị awụ nịnị ọ vavọọ vaa mẹ̀ ẹ nị.

1 Anịkọrịntị 15:23

Ịsa ẹnẹnị vị ana vaa mẹẹ tù ẹngụ tù ẹngụ: Ijeesu Ohinọyị oni Ohomorihi nyị ka ọ̀ dọ yị há, ọ vịdị vaa haa hụụnị isu nị; ịnị ụmẹ ọnị ọ̀ọ vaa sị vaa vẹ ịnị ẹhẹ ọnọnị, avaba aza ana vị áanị ẹnị rẹ vaa ha hụụnị isu.