Odeyi 4:1 - IWE ỌNỊNỊ

¹ Ipita ọnịrị Ịjọọnụ vị ana aa yịị kà ịrẹyịị yị aza ẹnẹẹ, dị ohirẹsụ irehi Ohomorihi nịnị ọnịrị ọga iporisi irehi Ohomorihi ne beri Anisadusi nịnị vene ve tù wa nị.

Odeyi 4:1 Iomraidhean Croise

Imatiwu 16:12

Ịjọnọọ dị ezirẹma anị sị yẹ ka ẹ yị vị òwù ana a sịị̄ tụ́ ịnị Ịbụrẹẹdị ọ ka ẹnị ẹ̀ hụ agụvị avọọ sị eyi pe ẹngụ ẹnịnị, ama agụvị ịsa ana Anihwarisi ọnịrị Anisadusi nịnị aa sịị zụ̀ aza aa kà nị.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 27:20

Dị ohirẹsụ ẹbanyị irehi Ohomorihi beri ọdọvịdị nịnị tụ́ aza ịrẹyị ka ẹ̀ kà a ka Ipayireti ọ̀ vana hụrẹ Ibaraba ụvọ yị ẹnị, dị ọ̀ wụ Ijeesu nị.

Imatiwu 27:41

Avọọ ohirẹsụ ẹbanyị irehi Ohomorihi ne beri ọzwọzọda nịnị ọnịrị ọdọvịdị nịnị mẹ̀ raa sị ọọ mẹ enyinyi nị. Dị ẹ ka:

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Iruuku 20:1

Ẹkụhị ọnya, Íjeesu màa zụ̀ aza ịsa ini irehi Ohomorihi, dị aa kà enube ọyịzaa yị wa nị. Ohirẹsụ ẹbanyị irehi Ohomorihi ọnịrị ọzwọzọda nịnị beri ọdọvịdị nịnị ê ve tù,

Iruuku 22:4

Dị ọ na, dị ọnịrị ohirẹsụ ẹbanyị irehi Ohomorihi beri iporisi ana sị eyi pe irehi Ohomorihi na gẹ eyi ka ọnị aa sị Ijeesuu chire wa ụvọ nị.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Ịjọọnụ 18:3

Dị Ijudasi na kụ́ isoja nịnị ọnịrị ẹnyị ini iporisi irehi Ohomorihi vẹ nị. Ohirẹsụ ẹbanyị irehi Ohomorihi ọnịrị Anihwarisi nịnị ẹ tụ́ ẹnẹẹ vẹ nị. Dị ẹ kụ́ ozotupa ọnịrị ẹnya ịrẹkụ, dị ẹ nọ ịzọọ nị.

Odeyi 4:6

Aza ẹnẹnị re hi ịzọọ: Ihanasi ohirẹsụ ọbanyị irehi Ohomorihi, beri Ikayahwasi ọnịrị Ịjọọnụ ne beri Arẹkịsanda ọnịrị aza ana vọ ana vị anda ohirẹsụ ọbanyị irehi Ohomorihi.

Odeyi 5:17

Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị.

Odeyi 5:24

Ịjị ọga iporisi irehi Ohomorihi ọnịrị ohirẹsụ ẹbanyị irehi Ohomorihi maanị wụ́, ô hí wa irenu ka ịrẹyị ịsị aa vẹ aanị?

Odeyi 5:26

Dị ọga ọnọọ ọnịrị ọnụtụ ẹnẹẹ wụsẹ na, dị ẹ na za wa vẹ nị. Ẹ yị sị ụkata za wa, agụvị ka eyee hí angwa ka aza ve ne ẹnị ịrẹta.

Odeyi 6:12

Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.