Odeyi 3:13 - IWE ỌNỊNỊ

¹³ Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị.

Odeyi 3:13 Iomraidhean Croise

Ọyịkụra 3:13

Di Imosiisi họ̀ Ohomorihi dị ọ ka: oni òo ne si tù Anisirẹrị dị ọnị kà a yị wa ka Ohomorihi ana ada ẹnịnịị̄ hẹkẹ ọ tụ́ ọnị vẹ nị, èe họ̀ use ka ịrẹha anị rị yọ, dị ẹ ka Sị ọnị zụ mẹ̀ nị, sị ọnị ọ̀ọ kà yị wa?

Ọyịkụra 3:15

Di Ohomorihi rẹ kà a yị Imosiisi dị ọ ka: ọnị Ẹnẹyịmavara ana vị Ohomorihi ana Abụrahamị, Ayiziiki, ọnịrị Ijekọvụ hẹkẹ ọ tụ́ ọ hi wa nị. Ọ kà Ịrẹha anị ọ vị ọnọọ nị pooro zịna-zịna. Ịrẹha ọnọọ ezi ịrẹma-ịrẹma vaa hị́ ọnị nị.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Imatiwu 20:19

dị ẹ sị mị chire anarịmadọwụ nịnị ụvọ. Aza ẹnẹẹ vaa sị mịị mẹ̀ isiya, dị ẹ jị atẹ kú mi, dị ẹ rẹ kanyị mị za ọchị apavahị. Ama ịhyẹgwẹta anị, mị vaa haa hụụnị isu.”

Imatiwu 22:32

‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.”

Imatiwu 27:2

Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịmaakị 15:11

Dị ohirẹsụ ẹbanyị irehi Ohomorihi tụ́ aza ịrẹyị ka ẹ̀ kà a ka Ipayireti ọ̀ vana hụrẹ Ibaraba ụvọ yị ẹnị.

Iruuku 22:57

Dị Ipita ka ireche yọ nị. Ọ kà, “Ọnẹẹ ọnọnị, mẹ yị hyakụ yẹ ọza ọnị ụ waa kà aanị.”

Iruuku 23:4

Dị Ipayireti kà a yị ohirẹsụ ẹbanyị irehi Ohomorihi ọnịrị aza ana vọ ka, “Me yi re ịsa odivi ọnị ọnọrụ ọnọnị mẹ, oo!”

Iruuku 6:37

“Asị ụ sị ẹngụ awụ vị ọmọkarẹyị ọza, agụvị asị Ohomorihi mẹ̀ ọkarẹyị wụ! Asị ụ rẹ jị ịvị yị ọza, agụvị asị Ohomorihi jị ịvị wụ! Waa vagu ọza, agụvị Ohomorihi ọ̀ rẹ vagu wu ịnị ịvị awụ.

Ịjọọnụ 12:16

Ezirẹma Ijeesu ẹ yị vịdị yẹ iruvo ịrẹyị ẹnẹẹ. Ịjị a va raà sị igirima Ijeesu zụ̀ aza, dị ẹ va tamayị ọgọnị ka â vịdị vavọọ chẹrẹ ịsa ini oze Ijeesu nị; dị ẹ rẹ sị yẹ ka ọnị ẹnị vavọọ mẹẹ yọ nị.

Ịjọọnụ 18:40

Dị avaba aza ẹnẹẹ re nowu zẹtẹ, dị ẹ ka, “Eyiye, asị ụ hụrẹ ọnọrụ ọnọnị ụvọ yị; vana hụrẹ Ibaraba ụvọ yị!” Ibaraba ọnị vị oyi.

Ịjọọnụ 19:11

Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Ịjọọnụ 19:12

Ípayireti mẹ̀ maanị wụ́, di o kuku ee sì ka ọnị ọ̀ hụrẹ Ijeesu ụvọ nị. Ama dị Aniju nịnị nowu tụ́ ẹba, dị ẹ ka, “Wàa hụrẹ ọnọrụ ọnọnị ụvọ, wẹ yị kụkụ vị ọta ohinọyị Aniroomi. Ọza ana àa sị ẹngụ anị vị ohinọyị, ọ sị kwẹẹtẹ tù ohinọyị Aniroomi.”

Ịjọọnụ 19:15

Di e nowu zẹtẹ, dị ẹ ka, “Sị ọọ hụrẹ oze! Sị ọọ hụrẹ oze! Na kanyị ọọ za apavahị!” Dị Ipayireti họ̀ wa ka, “Ma kanyị ohinọyị awụ nịnị za apavahịị?” Di ohirẹsụ ẹbanyị irehi Ohomorihi tụ́ ohi, dị ẹ ka, “Yẹ yị nyị ohinọyị ọsa, ẹ̀ yị vị ohinọyị Aniroomi.”

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Odeyi 22:14

Dị ọ kà a mị ka: ‘Ohomorihi ada ayị nịnị ọ sị wụ nyị, ka wa yẹ ịsị oni sì, di u we re re Ozi anị ọnịzẹyịza, dụ wa rẹ wụ́, ọ́nị ụvọta mèe pe wuu kà ịrẹyị.

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 3:12

Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị?

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”

Odeyi 7:32

‘Ẹma vị Ohomorihi ohiku awụ nị, Ohomorihi Abụrahamị, Ohomorihi Ayiziiki ọnịrị Ohomorihi Ijekọvụ.’ Dị Imosiisi aa bànyị, ángwa mèe hí ọọ nị. Ọ yị nyayịnẹ kụ̀rà eyi tụ́ ẹba.

Aniroomi 9:5

Ịdị ẹnịnị ohiku ayị chị hụrẹ vẹ nị. Anka ọzarẹyịrẹsụ, ịpa ẹnịnị Óhinọyị oni Ohomorihi nyị ka ọ̀ dọ yị há chị hụrẹ vẹ nị. Ọnị ọ̀ vị Ohomorihi avaba aza nị, ọnị ị vaa sị ụgaa yị pooro nị. Aamị.

Anihiburu 2:9

Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.