Odeyi 3:1 - IWE ỌNỊNỊ

¹ Ẹkụhị ọnya, Ipita ọnịrị Ịjọọnụ ệ nọ ini irehi Ohomorihi ịnị ụmẹ agogo ẹẹta ọọdụ ana vị ụmẹ aduwa.

Odeyi 3:1 Iomraidhean Croise

1 Ohinọyị 18:36

Ịjị o si tù ụmẹ ana a sịị̄ mẹ̀ ịsọvọ ụmẹ ọọdụ, di Erija ana vị ọnịsẹ kà tụ́ ọvịdị dị ọ ka, “Ẹnẹyịmavara ana vị Ohomorihi ana Abụrahamị ọnịrị Ayiziiki ne beri Isirẹrị hẹkẹ navọ aza ẹ̀ yẹ ajịnị ka ẹwụ Ẹnẹyịmavara, ẹwa vị Ohomorihi tụ́ ịnị ẹtẹ Anisirẹrị nị. Navọ à rẹ yẹ ka ẹma vị ozi ahụ awụ nị, ka ẹwa kà a ka ma mẹ avaba ịsị maa mẹ̀ aanị nị.

Ahẹ Ụgama 55:17

Ẹnẹnẹ, ọọdụ ọnịrị ịrahụ vị oni mee nowu ka Ohomorihi ọ̀ gụ mị ụvọ Ịzẹyịza, Ohomorihi ộ ba mị owu.

Ọyịkụra 29:39

Wàa wụ̀ ọnya mẹ̀ ịsọvọ ẹnẹnẹ, dị ụ rẹ wụ̀ ọsa mẹ̀ ịsọvọ oruva.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Ịdanịyẹrị 9:21

Ọnị mẹ vavọọ aa yị mẹ̀ aduwa, dị ọnị vene ré Igebirẹẹrị ọnị ọnị vịdị ré ịnị ẹtẹ ịpaapa ọnị ọnị ré nị. Dị o hira hẹẹ ve tu ọnị nị. Ụmẹ anaā sịị mẹ̀ ịsọvọ oruva ọ vavọọ sị vẹ nị.

Ịrịka 28:4

A sị atẹmẹ ọnya mẹ̀ ịsọvọ ẹnẹnẹ, dị a sị ọsa mẹ̀ ịsọvọ oruva.

Imatiwu 17:1

Ịrẹma ẹkụhị ịhịnọnyị, dị Ijeesu sị Ipita ọnịrị Ijemiisi beri Ịjọọnụ nọ ịrẹsụ ataba ọnẹba ọnya aanị nị. Ẹnịnya kẹnẹ ẹ yà ịzọọ nị.

Imatiwu 26:37

Dị ọ sị Ipita ọnịrị ezi Izebedi ẹyịva aa na nị. Ayị Ijeesu ee du, dị ẹngụ anị aa vaahi nị.

Imatiwu 27:45

Ịnị ụmẹ agogo ẹwụrẹva, avaba ẹtẹ ọnọọ saka-saka ọ sị vara ịrahụ, pooro na ngụ ụmẹ agogo ẹẹta.

Iruuku 1:10

Ịnị ụmẹ ana aā sịị rị eturare ịraa hi Ohomorihi, dị ọkọnị aza ana vọ ẹnị hi ẹhẹ aa mẹ̀ aduwa nị.

Iruuku 18:10

“Â nyị aza ẹnị ẹẹva ana hịrẹ nọ ini irehi Ohomorihi ka ẹnị ẹ̀ na mẹ̀ aduwa. Ọnyara vị Anihwarisi, dị ọsa ọnị vị ọdẹkẹhirehi nị.

Iruuku 22:8

Dị Ijeesu tụ́ Ipita ọnịrị Ịjọọnụ kà è ne tenyi ịsa Eche Ọyịparahu tịtẹ, dị ẹnị ẹ̀ na rị ọ nị.

Iruuku 24:53

Dị ẹnịnị ne hi ini irehi Ohomorihi pooro, dị ẹyaa sị ụgaa yị Ohomorihi nị.

Ịjọọnụ 21:7

Di ozirẹma oni Ijeesu sì ịrẹyị anị kà a yị Ipita ka, “Ananyị yịị yọ nọ!” Ịjị Ịsayịmọnị Ipita wụ́ ka Ananyị yịị yọ nị, ộ sị ịta anị, dị ọ sị sụ ọtẹ, di o ji ngụ enyi nị.

Odeyi 10:3

Ẹkụhị ọnya ịnị ụmẹ agogo ẹẹta ọọdụ, ô re ẹtẹ. Di o re anggẹẹrị Ohomorihi, dị ọ ngụ eehi ve tù ọọ, dị ọ hị́ ọọ ka, “Ịkọnẹrịyọsị!”

Odeyi 10:30

Dị Ịkọnẹrịyọsị ka, “Ụmẹ aanị ajịnọgwẹẹna mị sị sị aa mẹ̀ aduwa ini eehi amị nị, ịnị ụmẹ agogo ẹẹta ọọdụ. Di mi vene re ka ọza ịnya ene chire awuru ọvụ sẹnẹ-sẹnẹ jẹẹ ọ́vịdị amị nị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Odeyi 3:3

O mè re Ipita ọnịrị Ịjọọnụ ka ẹyaa ngụ ini irehi Ohomorihi, dị ọ pà wa ịsa nị.

Odeyi 3:4

Dị Ipita ọnịrị Ịjọọnụ kà eyi ngụ ọọ nị, dị Ipita ka, “Re yi!”

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 5:25

Dị ọza ịnya vẹ, dị ọ kà a yị wa ka, “Re! Aza ọnị ụ kụ́ hi ini otumare nịnị, ẹ jẹẹ ini irehi Ohomorihi aa zụ̀ aza ịsa avọọ nọ!”

Odeyi 8:14

Apositeri nịnị ene hi Ijerusarẹmị ệ wụ́ ka Anịsamarịya nịnị ẹ sị ịrẹyị Ohomorihi dọ, dị ẹ tụ́ Ipita ọnịrị Ịjọọnụ nọ ịdị ẹnịnị nị.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.