Odeyi 27:1 - IWE ỌNỊNỊ

¹ A mẹ̀ sị ọọ kà ka ya ngụ ẹpa, dị ya nọ Itari, â sị Ịpọọrụ ọnịrị anịnẹngwa ẹnyị chire ọga isoja nịnị ẹchẹhị ana aā hị́ Ijuriyọsị ụvọ. Ijuriyọsị vị ọnya ini isoja nịnị Ọgọsịtọsị.

Odeyi 27:1 Iomraidhean Croise

Oyinyima 50:20

Dị ọ rẹ ka ẹnịnị vi ene ro ka ọnị ẹ̀ mẹ̀ ọnị ịrẹyị ọhịmị nịnị, ama Ohomorihi ọ sị ọ vara ọyịza. Ọnị ọ mẹ ka aza ọrụrụ-ọrụrụ ẹ zụ ha aanị nị;

Ahẹ Ụgama 33:11

Ịsị Ẹnẹyịmavara kà ọnị aa mẹ ẹ yị nyị ịsị e zụ zizi ọ, avọọ ọ màa yà nị, ee!

Ahẹ Ụgama 76:10

Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ, dị aza ana vọ ana aa kụ́ ayị za ụvọ chire enyi nị.

Ụhịrẹyị 19:21

Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Arụwẹ 3:27

Óo zoza ka ọza ọ̀ vavọọ kọsẹ a mẹẹ nyị usuuru ịjị ọza vị ozweyi.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Iruuku 7:2

Ọga isoja ẹchẹhị ọnya aanị ộ nyị ozi ahụ oni o sì ịrẹyị anị ẹtẹẹtẹrẹ. Ẹngụ aa zị ozi ahụ anị ọnọọ, ee vee sú.

Odeyi 10:1

 nyị ọnọrụ ọnya aanị ẹkụra Isesariya ana aā hị́ Ịkọnẹrịyọsị. Ọga isoja ẹchẹhị nịnị ọ vị nị. Ini isoja nịnị Aniroomi ẹ yà nị.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 16:10

Ị́pọọrụ mè yi re ẹtẹ ọnọnị kẹnẹ, di i tenyi ẹngụ ka yaa nọ Imasedoniya nị. Ya sị yẹ ka Ohomorihi ọ hị́ yị ka ya na kà enube ọyịza yị anịzọọ nị.

Odeyi 18:2

O ne tù Aniju ọnya ịzọọ, ana aā hị́ Akwira; ẹkụra Ịpọntụsị a yà ma a nị. Ose anị ọ rị Ipirisira nị. Oò yi kù ẹnẹ ẹnịnị hụrẹ ẹtẹ Itari vẹ. Ệ hụụ ịzọọ, agụvị ka ohinọyị Ịkịrawụdịyọsị ộ mẹ̀ ọda ka à dụ avaba Aniju nịnị jịnẹ hụrẹ Iroomi. Dị Ịpọọrụ ne hee wa,

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 21:32

Dị ọ wụsẹ nyị ọga isoja nịnị ẹchẹhị nịnị beri isoja nịnị ka è ne tù wa nị. Aza ẹnẹẹ mè yi re ọga ọbanyị ọnọọ beri isoja nịnị ẹnẹẹ kẹnẹ, di e kwooze yị Ịpọọrụ, dị è yi kuku tụ́ ọọ nị.

Odeyi 22:26

Ịjị ọga ọnọọ maanị wụ́, dị ọ na kà a yị ọga ọbanyị ọnọọ, dị ọ ka, “Sị eyi pe ẹngụ awụ ịnị ịsụ waa mẹ aanị, oo, agụvị ka Aniroomi ọ́nọrụ ọnọọ vị nị.”

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Odeyi 23:17

Dị Ịpọọrụ hị́ ọnya ịnị ọga isoja nịnị ẹchẹhị ana yà ịzọọ, dị ọ ka, “Sị ozi ọnọrụ ọnọnị ne tù ọga awụ nịnị ka â nyị ịsị ee sì ka ọnị ọ̀ kà zụ̀ ọọ!”

Odeyi 24:23

Dị ọ ka ọga isoja nịnị ẹchẹhị ọnya ò sị eyi pe Ịpọọrụ nị. Ọ kà ọ̀ sị oze yị Ịpọọrụ, dị ọ̀ rẹ navọ aza Ịpọọrụ ka è ve hee yi, dị ẹ̀ rẹ sị ịsa yọ.

Odeyi 25:12

Ịjị Ịhwẹsịtọsị ọnịrị anikootu anị raà gẹ eyi tụ́ ọọ, dị ọ ka, “A vị ụ ka waa sị ịrẹyị awụụ nọ ịda ohinọyị Aniroomi? Ụ vaa nọ ịda ohinọyị ọnọọ kẹ.”

Odeyi 25:25

Ama me yi re ka â nyị ịsị ọ mẹ anaa vọrọ ka à sị wụ ọọ. Ọnị ụvọta ka ọnị aa sị ịrẹyị anịị nọ ịda Ọgọsịtọsị. Ma raà sị tụ́ ịnị ayị ka maa sị ọọ na.

Odeyi 27:11

Ama ịrẹyị ọga ẹpa ọnịrị ọza ana nyị ẹpa ọ́ga isoja nịnị ọnọọ dọ wụ́ nị. Ọyị dọ ịrẹyị Ịpọọrụ wụ́.

Odeyi 27:43

Ama ọga isoja nịnị ọnọọ oyi sì ka à wụ Ịpọọrụ, dị ọ ka asị ẹ vavọọ mẹ nị. Dị ọ ka aza ana àa zụ họ̀ enyi, è vịdị ji ngụ enyi, dị ẹ̀ na ngụ ini eteesu nị.

Odeyi 27:6

Ọga isoja nịnị ẹchẹhị ọnọọ ô re ẹpa ọnya ịzọọ, ana hụrẹ Arekisandiriya aa nọ Itari; dị ọ kụ́ yị hi ọọ nị.

Odeyi 28:1

Ị mẹ̀ va sị há, dị ị va yẹ ka ịzọọ aā hị́ Imarita nị.

Odeyi 28:16

I mè tù Iroomi, â zẹẹ ka Ịpọọrụ ọ̀ yà aha anị. Dị a ka isoja ọnya ọ̀ sị eyi pe e nị.

Anihiburu 13:24

Kụ́ avaba ọdọvịdị awụ nịnị, ọnịrị avaba aza Ohomorihi ana vọ! Anda ayị ana hụrẹ Itari vẹ ka ẹnị kụ́ wụ nịnị o.