Odeyi 26:9 - IWE ỌNỊNỊ

⁹ Eme re vịdị roo ka àa nyị ịsị mị zụ mẹ, di me du ịrẹha Ijeesu Anịnazarẹtị ọnọọ ka maa mẹẹ.

Odeyi 26:9 Iomraidhean Croise

Ịjọọnụ 15:21

Ẹ vaa mẹ avaba ịsa ẹnẹẹ hi wu nịnị, agụvị ka wâ vị áamị nịnị, ịjị ahịka ẹnịnị ẹ yị yẹ Ọza ana tụ́ mị vẹ ẹhẹ.

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Odeyi 22:3

“Aniju mị vị nị. Ịtasọsị a yà ma mị nị ini Isirisiya. Ijerusarẹmị a yà pá mị; dị ahịka Igamariyẹẹrị aa zụ̀ mị ịsa nị. Ộ sị ọda ohiku ayị nịnị zụ̀ mị ẹtẹẹtẹrẹ. Ẹma rẹ sị ayị yị Ohomorihi ẹtẹẹtẹrẹ, anka avaba ẹwụ nịnị mẹ̀ rẹ sị ayị yọ ịnị ụmẹ ọnọnị aanị.

Odeyi 22:4

Mâ sị ụya rị aza ana zị oze Ikirisiti ọnọnị ne tù ka mâ hyakụ wụ̀ wa bẹẹ. Mâ za aza, anọrụ ọnịrị anẹẹ, dị maa tụ́ waa orupa, dị maa kụ́ waa hi ịnị ẹngwa nị.

Odeyi 22:8

Di mi tụ́ ohi ka: ‘Ẹwụ, ẹnẹ ọ vị kẹ, Ananyị yị?’ Dị ọ ka: ‘Ẹma vị Ijeesu Anịnazarẹtị ọnị ụ waa sị ụyaa rị nị.’

Odeyi 24:5

Ya sị yẹ ka enezigi ọ́nọrụ odivi ọnọnị vị nị. Aa mẹ ka avaba Aniju nịnị avaba ẹhẹ ệ mẹ ẹvazi. Ọnị ọ vị ọdọvịdị ogu Anịnazarẹtị nịnị nị.

Odeyi 3:17

“Ẹwụ nịnị ẹyịnyara amị, booro aanị, mâ yẹ ka ịsị ẹwụrị ọdọvịdị nịnị mẹ Ijeesu, vị ọnị ụ mẹ nịnị ini eyogu.

Odeyi 3:6

Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Odeyi 9:1

Ịnị ụmẹ ọnọọ, Ịsọọrụ ee yii chire ezirẹma Ananyị yị angwa. Dị aa mẹ kaakara ka ọnị ọ̀ wụ̀ wa nị. Dị ọ nọ ịdị ohirẹsụ ọbanyị irehi Ohomorihi,

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Aniroomi 10:2

Mâ dọ ivenu tụ́ ọọ ka ẹnịnị ee sì ka ẹnị ẹ̀ẹ hẹkẹ Ohomorihi ẹtẹẹtẹrẹ. Ama oze ẹnẹ ẹnịnị zị, ọ yị vị oze ịrẹyọyẹ.

Anihwiripi 3:6

Máa kụ́ ẹngụ hi ịrẹyị Anịju nịnị ẹtẹẹtẹrẹ, dị mị hyakụ aa sị ụyaa rị Anịragụ Ohomorihi nị. Àa ka na kà ịrẹyị ọza ọnị ọda kà a ka ọ́ọ vị ọnịrẹyịzẹyịza, mẹ yị nyị ohuvọ da.

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.

Ọdọvịdị 6:30

Dị Anẹkụra nịnị ka yị Ijowasi ka ọ sị ozi tụ ẹhẹ, dị ẹnị ẹ wụ̀ ọ. Oni o wu ụta Ịbaarị, dị ọ dà ọchị ana a sị mẹ uyi Asẹra tụ̀ akahị Ịbaarị nị.