Odeyi 26:6 - IWE ỌNỊNỊ

⁶ Mâ nyị ọyịtureyi ịnị oto oni Ohomorihi wo yị ada ayị nịnị, agụvị avọọ mị sị jẹẹ ịzẹnị dị aa mẹ̀ ọkarẹyị mị aanị nị.

Odeyi 26:6 Iomraidhean Croise

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 132:11

Wâ vịdị raà hị́ eku yị Idevidi, wẹ yị kụkụ vaa vara a vụrụ-vụrụ. Wâ kà a yọ ka irima ezi anị ọ vaa vị ohinọyịị dọ ọ ịrẹsụ nị.

Ahẹ Ụgama 132:17

Ọ rẹ ka ọnị vaa si ozi Idevidi ọnya ịzọọ, dị ọnị vara ohinọyị ana nyị ụkata. Dị ọnị rẹ mẹ ka ohinọyị ọnọọ ọnị ọnị nyị avọọ, ọ̀ vị ohinọyị pooro zịna-zịna nị.

Ahẹ Ụgama 98:2

Ẹnẹyịmavara ọ raà sị zụ̀ ka ọnị ọ nyị ehuna nị, dị ọ rẹ sị zụ̀ anẹhẹ ka ịsa ana vọrọ ọnịị̄ mẹ nị.

Ayịsaya 4:2

Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ezikẹẹrị 21:27

Evu-ẹtẹ! Evu-ẹtẹ aa vẹ nịnị o! Ẹnẹyịmavara kà ọnị aa jị Ijerusarẹmị eburu. Ama ọnị ẹ́ yị vaa mẹẹ, ẹ̀ yị vị ịjị ọza ọnị ọnị nyị ka ọ̀ va sị ụya rị ọ ọ̀ọ vẹ. Ọ̀ọ vẹ, dị ọnị sị Ijerusarẹmị chire e ụvọ.

Ezikẹẹrị 37:24

Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ijowẹrị 2:32

Ịnị ụmẹ ọnọọ, Ẹnẹyịmavara vaa dọ ọza tụra ọza ana aa hị́ ọ há. Anka Ẹnẹyịmavara mẹẹ kà a, Aza ana ya ịnị ataba Ịzayọnị ọnịrị Ijerusarẹmị vaa ha. Ịnị ẹngụ aza ẹnẹẹ Ẹnẹyịmavara wo oto ka aza ọnị ọnị hị́ vaa ya nị.

Ọbadaya 1:21

Aza ẹnị Ẹnẹyịmavara dọ ha vaa ra ịrẹsụ ataba Ịzayọnị, dị ẹ̀ yaa mẹ̀ ịjọva tụra Anedomi ịrẹsụ. Ẹnẹyịmavara vaa vị ohinọyị tụra wa ịrẹsụ.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịzakaraya 6:12

Dị ọ kà yọ ka Ẹnẹyịmavara Ochẹtẹẹngụ ka: ọnọrụ ana aa hị́ avọ avọọ vaa yara ịzị ọ ya. Ọnị ọ vaa da irehi Ẹnẹyịmavara nị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Odeyi 24:15

Ẹma rẹ nyị ọyịtureyi ini Ohomorihi, anka ẹ́nị mẹ̀ rẹ nyị, ka oku nịnị vaa haa kwẹẹtẹ hụụnị isu, ọnọọ vị ka oku ọnịzẹyịza ọnịrị oku aza ẹnẹ ẹ̀ yị vị ọnịzẹyịza.

Odeyi 24:21

Ama mâ yẹ kẹnẹ ka mâ kà ịrẹyị ọnya, m mẹ̀ yà ịnị akakana ẹnịnị ịzọọ ka mâ dọ wụ́ ka oku nịnị vaa haa hụụnị isu; agụvị avọọ ẹ za mị nị.”

Odeyi 26:8

Sị ẹ vẹ dị ẹwụ nịnị ẹ̀ yị zụ dọ ka Ohomorihi ọ zụ ha oku kwẹẹtẹ?

Odeyi 28:20

Ọ kà agụvị avọọ ọnị hị́ wa, ka ọnị o re wa, dị ọnịrị wa è dudu kà ịrẹyị nị. Ịrẹyị ọza ana Anisirẹrị aa tụra eyi, ọ mẹ ka à kụ́ ẹba tụ́ ọnị aanị nị.”

Odeyi 3:24

Ịsamụwẹrị ọnịrị avaba ọnịsẹ ana vana tụra a vẹ, ẹ rẹ kà ịrẹyị ini oze ụmẹ ọnọnị.

Aniroomi 15:8

Mâ kà a wụ nịnị ka Ikirisiti ọ va gụ Aniju nịnị ụvọ, agụvị dị ọ̀ zụ sị zụ̀ ka Ohomorihi vị ọnịzẹyịza. Ayị zụ nyị ka ọyị vaa mẹ̀ ịsa ọnọọ kà a yị ohiku Aniju nịnị ka ọnị vaa mẹ.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.