Odeyi 26:16 - IWE ỌNỊNỊ

¹⁶ Ama kwẹẹtẹ jẹẹ! Mâ sị ẹngụ zụ̀ wụ ka ma nyị wụ mẹ ozi ahụ amị. Ụ rẹ vaa vị onivenu ịsa oni u re ajịnị aanị ọnịrị ọnị mị vaa sịị zụ̀ wụ.

Odeyi 26:16 Iomraidhean Croise

Ezikẹẹrị 2:1

Ezikẹẹrị ka ọza anaa kà ịrẹyịị yị ọnị aanị ộ kà a ọnị ka, ozi-ọza, ọnị ọ̀ kwẹẹtẹ jẹẹ, dị ọnị Ẹnẹyịmavara ọ̀ kà ịrẹyịị yị ọnị.

Ịdanịyẹrị 10:11

Dị anggẹẹrị ọnọọ ka ẹ yị ọnị ka, Ịdanịyẹrị, Ohomorihi ộ da sì ịrẹyị anị. Ọnị ọ̀ vọrọ jẹẹ dị ọnị ọ̀ sị ụtọ pe ịrẹyị ọnị ọnị aa va ka aanị. Ộ ka, va tụ ọnị hi ọnị nị. Ịjị ọ maanị sị ka, dị ọnị vọrọ jẹẹ dị ọnị aa yị dọ ẹgahị nị.

Iruuku 1:2

Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.

Odeyi 1:17

Ijudasi vịdị vị ọza ịnya ịnị akakana ayị, â nyị ọọ ka ọ̀ nyị ụvọ tụ́ ịnị ụkọrọ ọnọnị.

Odeyi 1:25

ka ọ̀ dọ Ijudasi ịrẹsụ ịnị ụkọrọ odeyi ọnọnị oni Ijudasi sị hụụnị anị, dị ọ zị nọ ịzị ẹ vọrọ tụra a.”

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Odeyi 22:10

Di mi họ̀ use ka: ‘Sị a vọrọ ka ma mẹ, Ananyị yị?’ Dị Ananyị yị ka ma kwẹẹtẹ, dị ma nọ Ịdamasịkọsị ka a vaa kà a yị mị ịzọọ avaba ịsa oni Ohomorihi mẹ eto anịị mị ka ma mẹ.

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Odeyi 26:15

Dị mị ka, “Ẹwụ ẹnị ọ vị, Ananyị yị?” Dị ọ ka, “Ẹma vị Ijeesu ọnị ụ waa sị ụyaa rị nị.

Odeyi 6:4

Ẹyị vaa sị avaba ụmẹ ayịị mẹ̀ aduwa, dị yaa kà ịrẹyị Ohomorihi.”

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

2 Anịkọrịntị 4:1

Ohomorihi ô sì ịrẹyị ayị, dị ọ sị ụkọrọ ọnọnịị yị nị, agụvị avọọ, o yi vee du yi eyi.

2 Anịkọrịntị 5:18

Avaba ịsa ẹnẹnị vị ana hụụ ịdị Ohomorihi vẹ. Ini oze Ikirisiti ọ raà sị yị hụụnị ọnịvị anị va vara ọta anị. Dị ọ sị ụkọrọ chire yi ụvọ nị, ọnị ọ vị ka ẹ̀ yà rẹẹ mẹ ka aza ẹ̀ vara ọta anị.

Anigaratiya 1:12

Mẹ yị dọ ọ hụụnị ụvọ ọza ọnyọọnyị, ẹ yị rẹ vị ọza ọ sị zụ̀ mị. Ijeesu ọnị ụvọta ọ sị zụ̀ mị nị.

Anigaratiya 2:2

Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ.

Anẹhwẹsọsị 3:3

Ịsa oni Ohomorihi mẹ eto anị tịtẹ ene eyi ọza ọ̀ yị vịdị há tù, ọ raà sị zụ̀ mị saka-saka. Mâ vịdị raà chẹrẹ ịsa chee ini oze ịsa ẹnẹẹ.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Anikorasi 1:25

Ohomorihi ộ sị mị nyị ka maa mẹ̀ ụkọrọọ yị ịragụ anị. Agụvị awụ nịnị Óhomorihi sị sị ụkọrọ ọnọọ yị mị nị. Ụkọrọ oni o si chire mi ụvọ ọ vị ka maa kà enube ọyịza, dị asị mị da a tẹ vụrụ-vụrụ,

Anikorasi 1:7

Epahwirasi ọ vịdị kà a wụ nịnị nị. Ẹyịrị ọ dudu vị ezi ahụ Ijeesu. Yée sì ịrẹyị anị ẹtẹẹtẹrẹ. Aa sị ayị ọnyaa mẹ ụkọrọọ yị Ikirisiti ịnị akakana awụ nịnị.

1 Anịtẹsaronika 3:2

dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị,

1 Itimoti 1:12

Máa kụ́ Ijeesu Ikirisiti Ananyị yị avọ, agụvị ka aa sị ụkataa mị. Ma rẹ kụ́ ọọ avọ, agụvị ka ộ za mị ịrịka ka máa nyị ịzẹyịza, dị ọ sị mị tụ́ ịnị ụkọrọ anị nị.

1 Itimoti 4:6

Wàa tama anda ayị nịnị ayị ini oze ịrẹyị ẹnẹẹ, ọnụkọrọ ozoza u waa vịị yị Ijeesu Ikirisiti nị. Wáa sị ịrẹyị ẹdọwụ ọnịrị ịzẹyịza ana a raà sị zụ̀ wụ, dị ụ saasaa pá ẹngụ awụ.

2 Itimoti 4:5

Ama ewè re ka wáa sị ụvọ za ẹngụ awụ ịnị avaba ịsa! Waa sị ẹngụụ dọ ụya, dị waa kà enube ọyịza anka ụkọrọ awụ! Di u we re ka waa mẹ avaba ụkọrọ awụ saka-saka!