Odeyi 26:11 - IWE ỌNỊNỊ

¹¹ Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”

Odeyi 26:11 Iomraidhean Croise

Ahẹ Ụgama 102:8

Ọnịnị amị vị ana aa kụ̀ mị ụhụ pooro kẹnẹ. Ẹnị ana aa mẹ mị isiya vị anaā kà a yị ọza ka o du ọ kù anka a mè du mi kù.

Ịrẹyị Ọzwọzịsa 9:3

Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su.

Imatiwu 10:17

Ama sị eyi pe ẹngụ awụ nịnị, oo! Â nyị aza ana vaa za wụ nịnịị nọ ikootu. E re vee tụ́ wu nịnị ịjapa ini irehi ahẹkẹ Aniju ẹnịnị.

Ịmaakị 13:9

Sị eyi pe ẹngụ awụ nịnị! A vaa za wụ nịnị nọ ini ikootu, di e re tụ́ wu nịnị ini irehi ahẹkẹ Aniju nịnị. A rẹ vaa za wụ nịnị naa jẹẹ ọvịdị ohirẹsụ ọnịrị ohinọyị nịnị agụvị amị, agụvị dị ụ wa dọ ivenu amị yị wa nịnị.

Ịmaakị 3:28

“Ịzẹyịza, mị kà wụ nị, Ohomorihi vaa vagu ọza ịnị avaba ịvị ọnịrị ụhụ ọnị ọ̀ọ kụ̀ Ohomorihi, ọ̀ọ daka divi pooro;

Iruuku 15:17

Ịjị eyi anị si hweyi, dị ọ ka: ‘Anụkọrọ ada amị ẹnị aa rị ịsa, dị ẹ vọ kú aanị, oo; dị ụngwẹ aa vaa wụ̀ ẹmịị tụ́ ịzẹnị aanị nị.’

Iruuku 21:12

Dị ịsa ẹnẹnị ẹ̀ va mẹ, a vaa za wụ nịnị, dị aa sị ụyaa rị wụ nịnị. A vaa za wụ nịnịị nọ ini irehi Ohomorihi, dị ẹ kụ́ wụ nịnị hi ịnị ẹngwa. A rẹ vaa za wụ nịnịị nọ ịdị ohinọyị ọnịrị ọdọvịdị nịnị agụvị amị.

Iruuku 6:11

Dị ayị aa kụ́ aza ẹnẹẹ ẹtẹẹtẹrẹ nị, dị ẹyaa kà a yị ẹngụ ka sị ẹnị vaa mẹ Ijeesu nị.

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Odeyi 22:19

Di mi tụ́ ohi, dị mị ka: ‘Ananyị yị, ẹnịnị ệ yẹ ka m maa ngụ irehi Ohomorihii zị, dị maa kụ́ aza ana dọ wụ wụ hi ịnị ẹngwa, di mi ree tụ́ wa nọ!

Odeyi 22:5

Ohirẹsụ ọbanyị irehi Ohomorihi ọnịrị anikootu nịnị ẹ zụ dọ mị ivenu. Mâ hyakụ dọ iwe na yị Aniju ene hi Ịdamasịkọsị ka ma na za ọdọwụ nịnị, dị ma tụ́ wa orupa vẹ Ijerusarẹmị, dị à va sị ụya rị wa.”

Odeyi 9:1

Ịnị ụmẹ ọnọọ, Ịsọọrụ ee yii chire ezirẹma Ananyị yị angwa. Dị aa mẹ kaakara ka ọnị ọ̀ wụ̀ wa nị. Dị ọ nọ ịdị ohirẹsụ ọbanyị irehi Ohomorihi,

Ijemiisi 2:7

Wáá rẹ tamayị ka ẹnị ẹẹ̄ kà ịrẹyị odivii hi ịrẹha Ijeesu ana aa sịị hị́ wụ nịnị nị?

2Ipita 2:16

Ịbaraamị ộ dọ ohuvọ ẹkụhị ọnya agụvị ịvị anị. Ịhị ọnọọ, ịkẹrịkẹtẹ ẹnẹ ẹ̀ yị ma kà ịrẹyị, ộ kà ịrẹyị anka ọza avọọ, ana mẹ ka ọnịsẹ ọnọọ ọ̀ hụụnị ụra anị.