Odeyi 26:10 - IWE ỌNỊNỊ

¹⁰ Ịsị mị vịdị mẹ Íjerusarẹmị ọ vị ọnọọ nị. Mâ dọ ọda hụụ ịda ohirẹsụ ẹbanyị irehi Ohomorihi, dị mị kụ́ aza Ohomorihi ọrụrụ-ọrụrụ hi ịnị ẹngwa nị. A màa wụ̀ wa, mâ sị ụvọ tụ́ ọọ.

Odeyi 26:10 Iomraidhean Croise

Ahẹ Ụgama 16:3

Aza Ohomorihi ene hi ini ẹtẹ ọnọnị ẹmị yẹ ka ệ vị aza ana nyị ụbanyị nị Ẹnịnị ê zee mi eyi ẹtẹẹtẹrẹ

Odeyi 7:58

dị ẹ sị ọọ nọ ịrẹma ẹkụra, dị ẹyaa kụ̀ ọọ ịrẹta nị. Di onivenu nịnị kụ́ ịta ẹnịnị yị ozwọọmụha ọnya aanị ana aā hị́ Ịsọọrụ ka ò sị eyi pe e nị.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.

Odeyi 9:21

Avaba aza ana wụ́ ọ vị ọnị o hí irenu. Dị ẹ ka, “Aanịka ẹ yị vị ọza ana yà Ijerusarẹmị ana aa wụ̀ ọza ana àa hị́ ịrẹha ọnọnị yị? Aanịka ẹ yị vị ọ vẹ ịzẹnị ka ọnị ọ̀ va sụ́ wa orupa, dị ọnị ọ̀ kụ́ wa nọ ịdị ohirẹsụ ẹbanyị irehi Ohomorihi?”

Odeyi 9:26

Ịsọọrụ ộ nọ Ijerusarẹmị, di ee sì ka ọnị ọ̀ sị ẹngụ vaka ezirẹma nịnị nị. Ẹnịnị ẹ yị dọ wụ́ ka Ịsọọrụ ọnị ọ rẹ sị vara ozirẹma Ijeesu, di eyee hí angwa anị nị.

Odeyi 9:32

Ipita vị ana aa ngụ ọọ zịịzị. Ẹkụhị ọnya, di o ne hee aza Ohomorihi ana ra Írida nị.

Odeyi 9:41

Dị Ipita sị ụvọ gẹ ẹ, dị ọ sị ọọ kwẹẹtẹ nị. Dị ọ hị́ ọdọwụ ẹnẹẹ beri osoku ẹnẹẹ, dị ọ sị ọọ yị wa ireyi-ireyi nị.

1 Anịkọrịntị 15:9

Eme weyi hu keekere ịnị avaba ezirẹma Ijeesu nịnị nị. Mẹ yị hyakụ yà ọza anaa vọrọ ka àa hị́ ezirẹma Ijeesu, agụvị ka mâ sị ụya rị ịragụ Ohomorihi.

Anigaratiya 1:13

Wáa yẹ ẹngụ ebira ọnị mịị̄ vịdịị mẹ ịjị maa saasa ahẹkẹ Aniju nịnị. Máa sị ụya rị ịragụ Ohomorihi ẹnẹmẹhị; máa sị vụrị ẹtẹẹtẹrẹ ka ma gara a ha.

Anẹhwẹsọsị 1:1

Ẹmị Ịpọọrụ oni Ohomorihi nyị ka ọ̀ vị odeyi Ijeesu Ikirisiti, ọ chẹrẹ iwe ọnọnị tụ́ hi aza Ohomorihi ene hi Ẹhwẹsọsị nị, aza ana ahịka ẹ́ẹ sị ayị tụra Ijeesu Ikirisiti, dị ẹnịrị ọ sị vị ọnya.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.