Odeyi 23:2 - IWE ỌNỊNỊ

² Di ohirẹsụ ọbanyị irehi Ohomorihi ana aā hị́ Ananịya kà a yị aza ana jẹẹ gụrị Ịpọọrụ ka ẹ̀ nya a ịsa ini irenu nị.

Odeyi 23:2 Iomraidhean Croise

1 Ohinọyị 22:24

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

2 Ịtọpa 18:23

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

Ijoovu 16:10

Aza vị anaa sị ọnị mẹ enyinyi. Dị ẹ ọkọnị aza ana kara ọnị aa nya ọnị arịhwọtọ nị.

Ijeremaya 20:2

dị ọ kà a yị aza ka è tụ́ ọnị, dị à kụ́ ẹba hi ọnị ahụ tụ oze eyi ẹbẹẹba ana a zị ngụ ịnị irehi Ohomorihi nị. Eyi ọnọọ aā hị́ oze Ịbẹnjamịnị nị.

Imika 5:1

Ẹwụ nịnị Anijerusarẹmị kụ́ ẹnya ịrẹkụ nịnị ka ọnị ọ sị kara yị Wéē re ẹ mẹ̀ za ohinọyị Anisirẹrị dị ẹ yaa sị okutẹẹ nya a okura.

Imatiwu 26:67

Dị ẹyaa jị atẹẹ kú Ijeesu eyi, di eyee hú ọ ọsẹ nị. Dị aza ẹnyị aa nya a arụhwọtọ nị,

Ịjọọnụ 18:22

Ịjị Ijeesu maanị sị kà, dị ọnya ini iporisi ana jẹẹ ịzọọ nya Ijeesu arụhwọtọ, dị ọ ka, “Ohirẹsụ ọbanyị irehi Ohomorihi ụ vavọọ aa kà ịrẹyịị yị nịị?”

Ịjọọnụ 18:23

Dị Ijeesu tụ́ ọ ohi, dị ọ ka, “Màa kà ịrẹyị odivi, sị zụ̀ mị! Ama àa vị ịrẹyị ana vọrọ mị kà nị, sị ẹ vẹ dị ụ waa nya mị arụhwọtọ?”

Odeyi 24:1

Ịrẹma ẹkụhị ẹẹhị kwooze, di ohirẹsụ ọbanyị irehi Ohomorihi ana aā hị́ Ananịya chí nọ Isesariya nị. Ọnịrị azọkụ nịnị beri ọza ịnya ana yẹ eyi ịrẹka ọyịkụ ana aā hị́ Iteturọsị ẹ zị na nị. Ịjị e tù ịda ịgọvọnọ ọnọọ, dị ẹ kà a yọ ịrẹyị ẹnẹẹ sị za Ịpọọrụ nị.