Odeyi 22:5 - IWE ỌNỊNỊ

⁵ Ohirẹsụ ọbanyị irehi Ohomorihi ọnịrị anikootu nịnị ẹ zụ dọ mị ivenu. Mâ hyakụ dọ iwe na yị Aniju ene hi Ịdamasịkọsị ka ma na za ọdọwụ nịnị, dị ma tụ́ wa orupa vẹ Ijerusarẹmị, dị à va sị ụya rị wa.”

Odeyi 22:5 Iomraidhean Croise

Iruuku 22:66

Éyi mẹ̀ yị sị nị kẹnẹ, dị ọdọvịdị aza ẹnẹẹ ọnịrị ohirẹsụ ẹbanyị irehi Ohomorihi ne beri ọzwọzọda nịnị kụ́ gụ nị, dị ẹ sị Ijeesu nọ ini ikootu ẹnịnị nị. Dị ẹ ka:

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Odeyi 2:29

Ẹwụ nịnị ẹyịnyara amị, jẹẹ ma kà a wụ nịnị gedebee ini oze Idevidi ada ayị. Idevidi ô sú, di e ne e nị. Ikuta anị yà ịdị ayị ịzẹnị pooro tù ajịnị.

Odeyi 22:1

“Ẹwụ nịnị aza ana gụ, anda ayị nịnị ọnịrị ada ayị nịnị, batọ nịnị, m màa kụ́ irenu amị aanị!”

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Odeyi 26:10

Ịsị mị vịdị mẹ Íjerusarẹmị ọ vị ọnọọ nị. Mâ dọ ọda hụụ ịda ohirẹsụ ẹbanyị irehi Ohomorihi, dị mị kụ́ aza Ohomorihi ọrụrụ-ọrụrụ hi ịnị ẹngwa nị. A màa wụ̀ wa, mâ sị ụvọ tụ́ ọọ.

Odeyi 26:11

Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”

Odeyi 26:12

“Agụvị avọọ mị na dọ iwe ọda hụụnị ụvọ ohirẹsụ ẹbanyị irehi Ohomorihi, dị maa nọ Ịdamasịkọsị nị.

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Odeyi 28:21

Dị ẹ kà a yọ ka: “Ẹnị è yi re iwe dọ hụrẹ Ijudiya ini oze ịrẹyị anị, ẹ yị rẹ nyị anda ẹnịnị ana hụụ ịzọọ va kà enube odivi ini oze anị yị ẹnị.

Odeyi 3:17

“Ẹwụ nịnị ẹyịnyara amị, booro aanị, mâ yẹ ka ịsị ẹwụrị ọdọvịdị nịnị mẹ Ijeesu, vị ọnị ụ mẹ nịnị ini eyogu.

Odeyi 4:5

Eyinẹhẹ anị, dị ọdọvịdị Aniju nịnị beri azọkụ nịnị ọnịrị ọzwọzọda nịnị kụ́ gụ Íjerusarẹmị nị.

Odeyi 5:21

Ẹ mẹ̀ vavọọ wụ́, ẹnẹnẹ viri-viri dị ẹ na ngụ ini irehi Ohomorihi, dị ẹyaa zụ̀ aza ịsa nị. Ohirẹsụ ọbanyị irehi Ohomorihi beri aza ana yà beri ọ, ệ vẹ, dị ẹ hị́ avaba anikootu gụ ọnịrị avaba ọdọvịdị Anisirẹrị nịnị nị. Dị ẹ tụ́ ka à na kụ́ wa hụụnị otumare vẹ nị.

Odeyi 9:14

Vị ọ hyakụ dọ iwe ọda hụụnị ụvọ ohirẹsụ ẹbanyị irehi Ohomorihi ka ọnị ọ̀ vẹ Ịdamasịkọsị, dị ọnị ọ̀ va sụ́ avaba aza ana àa hị́ ịrẹha awụ orupa nị.”

Anigaratiya 1:13

Wáa yẹ ẹngụ ebira ọnị mịị̄ vịdịị mẹ ịjị maa saasa ahẹkẹ Aniju nịnị. Máa sị ụya rị ịragụ Ohomorihi ẹnẹmẹhị; máa sị vụrị ẹtẹẹtẹrẹ ka ma gara a ha.

Anihwiripi 3:6

Máa kụ́ ẹngụ hi ịrẹyị Anịju nịnị ẹtẹẹtẹrẹ, dị mị hyakụ aa sị ụyaa rị Anịragụ Ohomorihi nị. Àa ka na kà ịrẹyị ọza ọnị ọda kà a ka ọ́ọ vị ọnịrẹyịzẹyịza, mẹ yị nyị ohuvọ da.

1 Itimoti 4:14

Asị ụ navọ ụkata ọnị Ụhwẹ Ọnịnị sị wụ tịtẹ! Wáa yẹ ka ọ́nịsẹ nịnị mẹ̀ kà ịrẹyị, dị azọkụ ịragụ Ohomorihi sị ụvọ tụra wụ dị ẹ mẹ̀ aduwa, Ụ́hwẹ Ọnịnị sị ụkata ọnọọ yị wụ nị.