Odeyi 22:3 - IWE ỌNỊNỊ

³ “Aniju mị vị nị. Ịtasọsị a yà ma mị nị ini Isirisiya. Ijerusarẹmị a yà pá mị; dị ahịka Igamariyẹẹrị aa zụ̀ mị ịsa nị. Ộ sị ọda ohiku ayị nịnị zụ̀ mị ẹtẹẹtẹrẹ. Ẹma rẹ sị ayị yị Ohomorihi ẹtẹẹtẹrẹ, anka avaba ẹwụ nịnị mẹ̀ rẹ sị ayị yọ ịnị ụmẹ ọnọnị aanị.

Odeyi 22:3 Iomraidhean Croise

2 Ịsamụwẹrị 21:2

Anigibiyọnị ẹnị ẹ yị vị Anisirẹrị. Anamọrị ẹ vị nị, dị ahịka vị ẹ yà chee aanị nị. Anisirẹrị ệ vịdị raà hị́ eku yị wa ka ẹnị vee sere wa. Ama agụvị ka Ịsọọrụ o reè sì ịrẹyị Anisirẹrị ọnịrị Anijuda baaba, ee sì ka ọnị ọ wụ Anigibiyọnị.

2 Ohinọyị 4:38

 nyị ụmẹ ọnya, Erisa ọ zị varẹma nọ Igirigari ụmẹ ọnọọ, dị ụngwẹ aa kụ̀ avaba aha nị.  nyị ogu ẹnị ọnịsẹ ọnị Erisa aa zụ̀ ịsa. Ọ maa zụ wa ịsa, dị ọ vana kà a yị ozi ahụ anị ka, ọ̀ na sị ụnọkọ ọbanyị hii ịra, dị ọ̀ mẹ̀ ịsa yị ẹnị nị.

Iruuku 10:39

Ọnẹẹ ọnọọ ộ nyị ọyịnyara ọnya ana aā hị́ Imeri; dị ọ yaayịtẹ pe Ijeesu, di aa wụ́ ịrẹyị anị nị.

Iruuku 2:46

Ịhyẹgwẹta anị, di e ve ne tù ọ ini irehi Ohomorihi nị. Di e ne tù ka ộ yaayịtẹ ịnị akakana ọzwọzịsa nịnị di aa wụ́ ịrẹyị ẹnịnị, dị ọ raa họ̀ wa use ịrẹyị nị.

Iruuku 8:35

Dị anẹkụra ẹnẹẹ na ka eni è ne re ịsị ẹ mẹ nị. Di e ve tù Ijeesu ọnịrị ọza ọnọọ dụ ụhwẹ echu hụụnị ẹngụ anị ka ộ sị ịta kú ẹngụ, ộ yaayịtẹ, ọ kụkụ sị ịrẹyọyẹ nyị nị. Dị angwa ee hí wa nị.

Odeyi 11:25

Dị Ịbanabasị nọ Ịtasọsị ka oni ò ne sì Ịsọọrụ nị.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Odeyi 21:39

Dị Ịpọọrụ ka, “Aniju mị vị nị. Ẹkụra Ịtasọsị ịnị ẹtẹ Isirisiya a yà ma mị nị. Mẹ yị vị anẹkụra ịyẹyẹ. Aarịhịnị, jẹẹ ma kà ịrẹyị yị aza ẹnẹnị.”

Odeyi 23:34

Ịjị ịgọvọnọ ọnọọ sị iwe kà, dị ọ họ̀ Ịpọọrụ ka ịzị ọ hụrẹ vẹ nị. Ọ mẹ̀ sị ọọ kà a yọ ka Isirisiya ọ́nị hụrẹ vẹ nị,

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Odeyi 26:5

Ẹ̀ẹ ka ẹnị aa dọ ivenu, ệ yẹ ka hụrẹ ụmọrụmọ mị hụrẹ sị ụvọ za ahẹkẹ ayị ẹtẹẹtẹrẹ nị. Ogu Anihwarisi mị hyakụ vị nị.

Odeyi 26:9

Eme re vịdị roo ka àa nyị ịsị mị zụ mẹ, di me du ịrẹha Ijeesu Anịnazarẹtị ọnọọ ka maa mẹẹ.

Odeyi 5:34

 nyị ọza ịnya ini anikootu ẹnẹẹ, ana vị Anihwarisi ana aā hị́ Igamariyẹẹrị. Ọzwọzọda ọ vị nị. Ộ nyị ụbanyị ẹtẹẹtẹrẹ ini eyi avaba aza. Dị ọ ka à kụ́ odeyi ẹnẹẹ jịnẹ tụ́ ẹhẹ chee nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 9:1

Ịnị ụmẹ ọnọọ, Ịsọọrụ ee yii chire ezirẹma Ananyị yị angwa. Dị aa mẹ kaakara ka ọnị ọ̀ wụ̀ wa nị. Dị ọ nọ ịdị ohirẹsụ ọbanyị irehi Ohomorihi,

Odeyi 9:11

Dị Ananyị yị kà a yọ ka, “Kwẹẹtẹ dị ụ wa nọ oze ana aā hị́ ‘Oze Ọvọrọ’, dị ụ wa nọ ini eehi Ijudasi, di u we họ̀ use ọnọrụ ọnya ana hụrẹ Ịtasọsị vẹ ana aā hị́ Ịsọọrụ. Re, aa mẹ̀ aduwa booro aanị.

Odeyi 9:30

Ịjị ọdọwụ nịnị ana vọ sị yẹ, dị ẹ sị Ịsọọrụ chí na ngụ Isesariya, dị ẹ ka ọ̀ọ nọ Ịtasọsị nị.

Aniroomi 11:1

Jẹẹ, me re họ̀ use ịrẹyị ọnya, oo. Vị Ohomorihi wâ sị Anisirẹrị yi tịtẹ nị? Vụrụ-vụrụ, ọchị ọnọọ ịrẹsụ! Ẹmị nyẹmba vị Anisirẹrị. Obooro Abụrahamị mị chị hụrẹ vẹ nị; anovwoovu Ịbẹnjamịnị mị vị nị.

2 Anịkọrịntị 11:22

Àa vị ka ệ vị Anihiburu yọ, Anihiburu ẹmị rẹ vị nị. Ẹ̀ẹ ka ẹnị vị Anisirẹrị, ẹmị rẹ vị Anisirẹrị. Ẹ̀ẹ rẹ va ka ezi Abụrahamị ẹnị vị nị, avọọ ẹmị mẹ̀ rẹ vị nị.

Anigaratiya 1:14

Ịnị avaba ọpa amị, ẹma sị ụvọ za ahẹkẹ Aniju hu kere-kere nị. Ẹma rẹ sị avaba ayị amị mẹ ido oni ohiku ayị jị hu nị.

Anigaratiya 1:21

Ịrẹma ọnọọ, máa nọ ẹkụra Isiriya ọnịrị Isirisiya.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.