Odeyi 22:1 - IWE ỌNỊNỊ

¹ “Ẹwụ nịnị aza ana gụ, anda ayị nịnị ọnịrị ada ayị nịnị, batọ nịnị, m màa kụ́ irenu amị aanị!”

Odeyi 22:1 Iomraidhean Croise

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Iruuku 21:14

Jintu sị ayị awụ nịnị vị ọnya ka we yi vee ro o tịtẹ, ụ mẹmẹ vaa kụ́ irenu awụ nịnị!

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Odeyi 19:33

Aniju nịnị ệ sị Arẹkịsanda hụụnị akakana aza ka ọ̀ nọ ọvịdị, dị aza kụkụ tụ́ ọọ ụvọ tụ́ ọvịdị nị. Arẹkịsanda ô mi aza ẹnẹẹ ụvọ ka ọnị ọ̀ nyẹngụ kà ịrẹyị yị aza ẹnẹẹ.

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Odeyi 24:10

Di ịgọvọnọ mi Ịpọọrụ ụvọ ka ọ̀ kụ́ irenu anị nị. Dị Ịpọọrụ ka, “Mâ yẹ ka o si kù ọnị ụ hụrẹ vị ọmọkarẹyị tụ́ ịnị ẹkụra ọnọnị. Ịnẹ amị ô hine ka ma kà irenu amị zụ̀ wụ.

Odeyi 25:16

Dị mị kà a yị wa ka Aniroomi ọ mā kà a ka à na wụ̀ ọza ana àa za, ẹ̀ yị vị ọnịrị ọza ana zaa maanị ee re ẹngụ eyi gẹrị eyi, dị ẹ̀ kụ́ ịrẹka. Ịjọnọọ di ò re oze kụ́ irenu anị ini oze ịrẹyị ana àa ka ộ mẹ̀.

Odeyi 25:8

Dị Ịpọọrụ rẹ kụ́ irenu anị, dị ọ ka, “Mẹ yị mẹ̀ ịsa odivi hi ọda Aniju nịnị, mẹyị rẹ mẹ̀ ịsa odivi hi irehi Ohomorihi, àa vị ohinọyị Aniroomi.”

Odeyi 26:24

Ị́pọọrụ mẹ̀ maanị aa kụ́ irenu anị, dị Ịhwẹsịtọsị nowu dị ọ ka, “Ịpọọrụ, u wee che uvu nị! Iwe ahaahara ọnị ụ kà, aa tụ́ wụ uvu aanị!”

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Odeyi 7:2

Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Aniroomi 2:15

Ebira ẹnịnị ọ́ọ sị zụ̀ ka ịsa anaa chẹrẹ tụ́ ịnị ọda ọnọọ, rẹ yà ịnị ayị ẹnịnị. Ivehu ẹnịnị ọ́ọ dọ ivenu tụ́ ọọ. Ayị ẹnịnịị̄ jị ịvịị yị wa ịjẹnyị, ịjẹnyị dị ọ rẹ kà ọda yị wa.

1 Anịkọrịntị 9:3

Yị aza ana aa jị ịvịị mị, ohi ọnị mị sị yị wa ọ vị ọnọnị nị:

2 Anịkọrịntị 12:19

Vi u wéé ro nịnị ka i yee sì ka ya dọ ẹngụ ayị tụ́ ịnị ụvọ awụ nịnị nị? Vụrụ-vụrụ. Yâ jẹẹ ọvịdị Ohomorihi aa kà ịrẹyị anka ọza ọnị ọnịrị Ikirisiti sị vị ọnya. Ẹwụ nịnị ẹyịnyara amị, avaba ịsị ị yaa mẹ vị ọnị yaa mẹ ka ya sị gụ wụ nịnị ụvọ.

2 Anịkọrịntị 7:11

Wee re ịsị Ohomorihi sị ayodu awụ nịnị mẹ aanị? Booro aanị, ayị awụ nịnị yà ịnị ịrẹyị Ohomorihi, dị ụ wụsẹ ee sì ka wa sị zụ̀ ka ẹ yị vị aza edivi ụ vị nịnị nị. Wéé re ayị mẹ̀ kụ́ wụ nịnị, dị angwa hi wu nịnị? Ayị awụ nịnị ọ kụkụ raà sị ọọ, waa vụrị ka wa sị ụya rị ọza ana mẹ̀ ịsa odivi ọnọọ nịnị. Wa raà sị zụ̀ ka wẹ yị nyị ụvọ tụ́ ịnị ịsa odivi ọnọọ nịnị.

Anihwiripi 1:17

Ama aza ẹnyị ene ee sì ịrẹyị Ikirisiti, agụvị avọọ dị ẹyaa kà enube ọyịza anị nị. Ẹ́ẹ yẹ ka Ohomorihi ọ̀ mẹ ka ma yà ịzẹnị nị, dị ma nyẹngụ sị zụ̀ aza ka ịrẹyị enube ọyịza vị ịrẹyị ịzẹyịza.

Anihwiripi 1:7

Áa vọrọ ka ẹngụ ariro ọnọọ ọ̀ vavọọ yà ịnị ayị amị, agụvị ka ịrẹyị awụ nịnị vị anaā yà ịnị ayị amị pooro. Ụkọrọ oni Ohomorihi nyị mi yi sị mị, wé beri emi nyị ụvọ tụ́ ọ nịnị. M Mẹ̀ yà ịnị ẹngwa, ẹmịrị ẹwụ nịnịị yọ nị; m mẹ̀ vaa kà ịrẹyị Ohomorihi dị maa sịị zụ̀ aza ka ịzẹyịza ọ vị nị, ẹmịrị ẹwụ nịnị rẹẹ yọ nị.

2 Itimoti 4:16

Ịhị ịpaapa ọnị mị na kụ́ irenu amị, ẹ yị nyị ọza ana jẹẹ pe mi. Avaba ẹnịnị vị ene zwe kà na yị mị. Ohomorihi ọ̀ navọ asị ọ jị ịvị anị yị wa!

1Ipita 3:15

Ama ịnị ayị awụ nịnị, sị Ikirisiti mẹ ọza ana nyị wụ nịnị. Ụmẹ tụra ụmẹ ana àa nyị ọza ana họ̀ wụ nịnị ka: Sị ụ maanị sị eyi tụra? Tenyi ẹngụ di u we tụ́ o ohi.