Odeyi 21:7 - IWE ỌNỊNỊ

⁷ Ị mẹ̀ sị ụsẹ hụrẹ Ịtaya, dị ị nọ ngụ Ipitoremasi nị. Dị ị na kụ́ ọdọwụ ene hi ịzọọ, dị ị yà ịzọọ mẹ ẹkụhị ọnya nị.

Odeyi 21:7 Iomraidhean Croise

Imatiwu 5:47

Àa vị ẹyịnyara awụ nịnị kẹnẹ, ụụ̄ kụ́ nị, sị ụ sị jị aza ana vọ nyee? Avọọ aza edivi ẹnị mẹ̀ rẹẹ̄ mẹ nị.

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 12:20

Ịhẹrọdị vị ana nyayịnẹ aa kụ́ ayịị hi Anitaya ọnịrị Anisidoni. Ẹnịnị ệ tụ́ aza ka è ve re Ịhẹrọdị, di e vịdị ne tù Ibirasitọsị ana vị ọnụkọrọ ohinọyị ana nyị ụbanyị ẹtẹẹtẹrẹ, dị ọnịrị wa si ze nị. Di e dudu va na dá ịpẹ yị ohinọyị ka ịrẹyị ọ̀ ta nị, agụvị ka ịnị ẹkụra ohinọyị ị́sọyịrị aa hụrẹẹ vẹ ana anẹkụra ẹnẹẹ aa rị nị.

Odeyi 18:22

O mè tù Isesariya, dị ọ hịrẹ nọ Ijerusarẹmị, dị ọ na kụ́ anịragụ Ohomorihi ene hi ịzọọ, dị ọ kụkụ aa nọ Antịyọkị nị.

Odeyi 21:10

Yâ yà ịzọọ mẹ ẹkụhị chee, dị ọnịsẹ ọnya ana aā hị́ Agabọsị hụrẹ Ijudiya chí vẹ nị.

Odeyi 21:17

Ị mẹ̀ va sị ngụ Ijerusarẹmị, ọdọwụ ene hi ịzọọ ê sì yi ọzọga ẹtẹẹtẹrẹ.

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Odeyi 21:3

Yê tù ịzị yee re Ịsayịpịrụsị, dị ị hụrẹẹ ụvọ tụ́ eyi ụvọha, dị yaa nọ Isiriya nị. Dị ị na jẹẹ Ịtaya nị, agụvị ka ẹpa aa jị ẹnya ịzọọ.

Odeyi 25:13

Ẹkụhị ọnya, ohinọyị ana aā hị́ Agiripa ọnịrị Ịbẹnayịsị ệ vẹ Isesariya ka ẹnị ẹ̀ va kụ́ Ịhwẹsịtọsị.

Odeyi 28:12

Ya va sị ngụ ẹkụra ana aā hị́ Isirakusi, dị ị yà ịzọọ mẹ ẹkụhị ẹẹta nị.

Anihiburu 13:24

Kụ́ avaba ọdọvịdị awụ nịnị, ọnịrị avaba aza Ohomorihi ana vọ! Anda ayị ana hụrẹ Itari vẹ ka ẹnị kụ́ wụ nịnị o.

1 Ịsamụwẹrị 10:4

Dị Ịsamụwẹrị rẹ ka aza ẹnẹẹ vaa kụ́ Ịsọọrụ, dị ẹ sị ịbụrẹẹdị ẹẹva yọ. Ọ kà ẹ̀ẹ vavọọ sị yị Ịsọọrụ, Ịsọọrụ, dị ọ̀ dọ ọ.

1 Ịsamụwẹrị 13:10

Ọ mẹ̀ maanị mị mẹ̀ ịsọvọ ọnọọ kẹnẹ dị Ịsamụwẹrị vana vẹ nị. Dị Ịsọọrụ jịnẹ ka ọnị ọ̀ na kụ́ ọ nị.