Odeyi 21:3 - IWE ỌNỊNỊ

³ Yê tù ịzị yee re Ịsayịpịrụsị, dị ị hụrẹẹ ụvọ tụ́ eyi ụvọha, dị yaa nọ Isiriya nị. Dị ị na jẹẹ Ịtaya nị, agụvị ka ẹpa aa jị ẹnya ịzọọ.

Odeyi 21:3 Iomraidhean Croise

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

Ahẹ Ụgama 45:12

Anẹkụra Ịtaya vaa kụ́ ịsa vaa mẹ wụ ẹyịza opisa nịnị vaa kụ́ ịsa vaa mẹ wụ ẹyịza ka ịsavọọ we re ẹnị kẹnẹ.

Ahẹ Ụgama 87:4

Ọ kà ọnị vaa chẹrẹ ẹ ka Ịrahabị ọnịrị Ịbabịrọnị yị ịnị anẹkụra ana yẹ ọnị. Anihwirisiti ne beri Anitaya ọnịrị Anikusi ka ẹnị ẹ̀ rẹ yẹ ọnị bẹẹ.

Ayịsaya 7:2

Dị a vana kà a yị anovwoovu Idevidi, dị a ka Aramị ọnịrị Ehwireemi ẹ sị vabẹ o. Ahazi ọnịrị aza anị mẹ̀ wụ́ ọ, ẹnịnị aa da ẹgahị angwa mèe hí wa, dị ẹ yaa banyị anka ahị mèe henyi ọchị ene hi ini iriku avọọ nị.

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Imatiwu 4:24

Ịrẹyị anị ọ sị ngụ ịrẹyị na ngụ avaba ẹtẹ Isiriya. Dị ẹnịnị kụ́ avaba aza ọnị ụkụ irenyi-irenyi aa sị ụyaa rị ka a vẹ nị, ọnịrị aza ana nyị ụhwẹ echu, ọnịrị aza oni odumpapara aa za beri aza ene sú ẹngụ, dị ọ mẹ wa ụkụ nị.

Iruuku 10:13

Di Ijeesu ka, “Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị ẹ yaayịtẹ ịnị atịtọ.

Iruuku 2:2

Ọnọọ ọ vị ọyịchẹrẹ aza ịpaapa, Íkiriniyu mẹ̀ vị ịgọvọnọ tụ́ ẹtẹ Isiriya nị.

Odeyi 11:19

Ọdọwụ ẹnyị vị ana gara hi ịnị ụmẹ ụyọrị ana a yà ịnị anị wụ Isitivini. Aza ẹnyị ệ hyakụ na pooro na ngụ Ihwonesiya, aza ẹnyị ệ nọ Ịsayịpịrụsị, dị aza ẹnyị rẹ nọ Antịyọkị nị. Dị ẹ yaa kà enube ọyịza ọnọọ yị Aniju nịnị kẹnẹ nị.

Odeyi 12:20

Ịhẹrọdị vị ana nyayịnẹ aa kụ́ ayịị hi Anitaya ọnịrị Anisidoni. Ẹnịnị ệ tụ́ aza ka è ve re Ịhẹrọdị, di e vịdị ne tù Ibirasitọsị ana vị ọnụkọrọ ohinọyị ana nyị ụbanyị ẹtẹẹtẹrẹ, dị ọnịrị wa si ze nị. Di e dudu va na dá ịpẹ yị ohinọyị ka ịrẹyị ọ̀ ta nị, agụvị ka ịnị ẹkụra ohinọyị ị́sọyịrị aa hụrẹẹ vẹ ana anẹkụra ẹnẹẹ aa rị nị.

Odeyi 13:4

Aza ẹnị ẹyịva ọnị Ụhwẹ Ọnịnị tụ́ ụtụ aanị, ê chí nọ Iserusiya, dị ẹ na ngụ ẹpa hụụ ịzọọ, dị ẹ nọ Ịsayịpịrụsị nị.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:39

Ahankata ẹnịnị ọnọọ ộ banyị pooro ne tù ka ẹnịnị sị há hi. Dị Ịbanabasị sị Ịmaakị, dị ẹ ngụ ẹpa, dị ẹ nọ Ịsayịpịrụsị nị.

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 21:16

 nyị ezirẹma ẹnyị ana hụrẹ Isesariya vẹ, dị ẹnị anị nị. Ọza ọnọọ ọ rị Iminasoni nị. Ịsayịpịrụsị ọ hụrẹ vẹ nị. O si kù ọnọọ hụrẹ sị ayị tụra Ijeesu.

Odeyi 21:2

I mè tù ịzọọ, yê re ẹpa ana aa nọ Ihwonesiya, dị ị ngụ ọọ, dị yaa na nị.

Odeyi 21:7

Ị mẹ̀ sị ụsẹ hụrẹ Ịtaya, dị ị nọ ngụ Ipitoremasi nị. Dị ị na kụ́ ọdọwụ ene hi ịzọọ, dị ị yà ịzọọ mẹ ẹkụhị ọnya nị.

Odeyi 27:4

Ị mẹ̀ sị hụụ ịzọọ, ahị aa tụ́ kú yi, dị ị sị ẹpa ayị zị oze Ịsayịpịrụsị éyi ọnị ọyịị̄ zịị hụrẹ nị.

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Ọdọvịdị 10:6

Ịnị ụmẹ ọnya, dị Anisirẹrị nịnị rẹ nyima dị ẹ yaa hẹkẹ ori anaa hị́ Ịbaarị ọnịrị ori anaa hị́ Asịtọrẹtị nị. Ẹ rẹ yaa hẹkẹ ori Anarami, ori Anisidoni, ori Animowabi, ori Anamọnị beri ori Anihwirisiti nị. E yị vị ọsọnị kẹnẹ ẹ mẹ, ẹ hyakụ hi ayị Ẹnẹyịmavara; ẹnịnị ẹ kụkụ hẹkẹ ẹ vụrụ-vụrụ.