Odeyi 20:4 - IWE ỌNỊNỊ

⁴ Isopata ozi Ipiirusi ana vị Anibereya beri Arisitakọsị ọnịrị Ịtayịkịkọsị ọnịrị Itirohwimọsị ana hụrẹ ẹkụra Esiya vẹ, ẹ rẹ saasaa bẹẹ.

Odeyi 20:4 Iomraidhean Croise

Odeyi 14:20

Ịjị ezirẹma nịnị kụ́ gụ kara a, dị ọ kwẹẹtẹ, dị ọ varẹma nọ ịnị ẹkụra nị. Eyinẹhẹ anị, dị ọnịrị Ịbanabasị zị nọ Idabe nị.

Odeyi 14:6

Ịjị odeyi nịnị maanị wụ́, di e zwe nọ Ịrịsịtịra ọnịrị Idabe nị. Ẹkụra ẹnẹẹ vị ene hi ịnị ẹtẹ Irakoniya. Dị ẹ rẹ nọ ẹkụra ọsa ana kara wa nị.

Odeyi 16:1

Ịpọọrụ ọ na ngụ Idabe ọnịrị Ịrịsịtịra. Â nyị ọdọwụ ọnya aanị ana ra ịzọọ, ana aā hị́ Itimoti. Ọnyị anị ọnị rẹ vị ọdọwụ, dị ahịka Aniju ọ vị nị. Ama ada anị vị Anigiriki.

Odeyi 16:6

Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Odeyi 17:1

Ịpọọrụ ọnịrị Isira ệ zị oze Anhwipori ọnịrị Aporoniya, dị ẹ na ngụ Ịtẹsaronika nị. Irehi ahẹkẹ Aniju nịnị yà ịzọọ.

Odeyi 17:13

Ịjị Aniju ene hi Ịtẹsaronika wụ́ ka Ịpọọrụ ọ na kà ịrẹyị Ohomorihi Íbereya, dị ẹ nọ ịzọọ, dị ẹ na tụ́ aza ịrẹyị ẹtẹẹtẹrẹ nị.

Odeyi 19:29

Avaba ẹkụra ọnọọ ọ sị vazi. Dị aza ẹnẹẹ za Ịgayọsị ọnịrị Arisitakọsị, Animasedoniya ana aa dụ Ịpọọrụụ zị, di e tura wa di e dudu aa nọ ini orere ịzị a yàā mẹ aahẹ nị.

Odeyi 2:9

Ẹkụra ọnị ị hụrẹ vẹ yị: Ipatiya beri Imediya ọnịrị Erami beri Imesopotamiya ọnịrị Ijudiya beri Ikapadosiya; Ịpọntụsị ọnịrị Esiya,

Odeyi 20:16

Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.

Odeyi 20:18

E mè ve tù ọọ, dị ọ kà a yị wa ka, “Wâ yẹ nịnị ẹngụ ebira ọnị maa mẹ̀ ịnị akakana awụ nịnị, m mẹ̀ hụrẹ va ngụ Esiya.

Odeyi 21:29

Ẹ́ vavọọ kà, agụvị ka ê vịdị re Ịpọọrụ ọnịrị Itirohwimọsị ana vị Anẹhwẹsọsị ịnị ẹkụra, dị ẹ sị ọọ hị́ ka vị Ịpọọrụ sị ọọ vẹ ini irehi Ohomorihi nị.

Odeyi 27:2

Yâ ngụ ẹpa ana hụrẹ Adiramitumi vẹ. Ẹpa ọnọọ vị ana aa nọ ụtọ oku ẹtẹ Esiya. Di i si hu aa na nị. Â nyị Animasedoniya ọnya aanị ana hụrẹ Ịtẹsaronika vẹ ẹnẹ ẹyịrịị zị. Ịrẹha anị ọ rị Arisitakọsị nị.

Aniroomi 16:21

Itimoti ẹnẹ ẹmịrịị dudu aa mẹ̀ ụkọrọ ka ọnị kụ́ wụ nịnị. Irusiyọsị ọnịrị Ijasoni, beri Isosipata anda ayị Aniju ka ẹnị rẹ kụ́ wụ nịnị.

Aniroomi 16:23

Ịgayọsị adarehi amị ọnị ịragụ Ohomorihi ịzẹnị aa kụ́ụ gụ ị́da anị ka ẹnị kụ́ wụ nịnị. Ẹrasịtụsị anaā sịị ẹkẹhị ẹkụraa tẹ ka ọnị kụ́ wụ nịnị. Ikuaritu ọhụva ayị ka ọnị rẹ kụ́ wụ nịnị.

2 Anịkọrịntị 1:1

Ẹma vị Ịpọọrụ nị, Ohomorihi ô sì ọọ ka ma vị ozirẹma Ijeesu oni Ohomorihi nyị mẹ ohinọyị ka ọ̀ dọ yị ha. Ẹmịrị Itimoti ẹnẹbẹnị ayị aa chẹrẹ iwe ọnọnịị tụ́ụ hi wu nịnị anịragụ Ohomorihi ene hi Ịkọrịntị beri avaba aa Ohomorihi ene hi ẹtẹ Akaya nị.

2 Anịkọrịntị 1:19

Ijeesu Ikirisiti ana vị Ozi Ohomorihi ẹnẹ ẹmịrị Isirivanọsị beri Itimoti kà ịrẹyị anịị wụ nịnị, ayị vị ọza hịịn eyiye ọ vị. Ọ̀ọ kà a ka “hịịn”, “hịịn” ọ vị nị.

Anẹhwẹsọsị 6:21

Ịtayịkịkọsị vị ẹnẹbẹnị ayị ini Ikirisiti, yee sì ịrẹyị anị ẹtẹẹtẹrẹ. Ayị ọnya, aa sịị mẹ ụkọrọọ yị Ananyị yị nị. Ọ vaa kà enube amịị zụ̀ wụ nịnị, dị ụ wa zụ yẹ, m mẹmẹ yà nịnị.

Anihwiripi 2:19

Ijeesu Ikirisiti Ananyị yị òo sì, mi vee jintuu tụ́ Itimotii hi wu nịnị. Ọ̀ọ vavẹ va kà enube awụ nịnịị mị, ayị amị vaa nẹtẹ.

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.

Anikorasi 4:7

Ịtayịkịkọsị vị ẹnẹbẹnị ayị ini oze Ijeesu. Ọ vaa vẹ, dị ọ̀ kà avaba enube ini oze amịị wụ nịnị. Mée sì ịrẹyị anị agụvị ka aa sị ayị ọnyaa mẹ ụkọrọọ yị ịragụ Ohomorihi. Ẹmịrị ọ o dudu vị ozi ahụ Ananyị yị.

1 Itimoti 1:1

Ẹma vị Ịpọọrụ ana vị odeyi Ijeesu Ikirisiti nị. Ohomorihi, Ọdọzaha ayị, ọnịrị Ijeesu Ikirisiti oni i sị eyi tụra, ọ mẹ ọda ka ma vị odeyi nị.

2 Itimoti 1:2

Maa chẹrẹ iwe ọnọnịị tụ́ụ hi wu Itimoti ozi emi, mée sì ịrẹyị awụ. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, dị ẹ̀ vayị awụ, dị ẹ̀ rẹ mẹ ẹngwọọrọ yị wụ.

2 Itimoti 4:12

Ma raà tụ́ Ịtayịkịkọsị nọ Ẹhwẹsọsị.

2 Itimoti 4:20

Ẹrasịtụsị yà Ịkọrịntị, mâ navọ Itirohwimọsị tụ́ Imiretụsị agụvị ka ẹngụ aa zị ọọ.

Ịtayịtọsị 3:12

Mị vaa tụ́ Atẹmasị àa vị Ịtayịkịkọsị hi wu. Èe ve si tụ́ wu, re ka wée jintu ve tụ́ mi ẹkụra Inikopori. Ịzẹnị mi vee sì ka wa yà ịnị ụmẹ ọgụ nị.

Ihwirimọnị 1:24

Aza ẹnẹ ẹmịrịị dudu aa mẹ̀ ụkọrọ ana vọ: Ịmaakị, Arisitakọsị beri Ịdẹmasị ọnịrị Iruuku ka ẹnị rẹ kụ́ wụ.

3 Ịjọọnụ 1:1

Ẹmị ọzọkụ ịragụ Ohomorihi aa chẹrẹ iwe ọnọnịị túu hi ẹwụ Ịgayọsị ọnị mị sì ịrẹyị anị ẹtẹẹtẹrẹ nị.