Odeyi 20:1 - IWE ỌNỊNỊ

¹ Ịjị ẹvazi ọnọnị ta, dị Ịpọọrụ hị́ ọdọwụ nịnị gụ, dị ọ sị ịrẹyị tụ́ wa ọtụtụrụma, dị ọ kụ́ wa adịhyọsa, dị ọ hụụ ịda ẹnịnị, dị aa nọ Imasedoniya nị.

Odeyi 20:1 Iomraidhean Croise

Oyinyima 48:10

Di Ijosẹẹhụ kụ́ ezi anị kà pè e nị. Di Ijekọvụ hara wa kú ayị, dị o kú wa irenu nị.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 16:12

Dị ị hụụ ịzọọ, dị ị nọ ẹkụra Ihwiripi nị. Ihwiripi ọ vị ẹkụra ịpaapa ịnị ẹtẹ Imasedoniya nị. Aniroomi ọ raa mẹ ịjọvaa tụra a nị. Yâ yà ịnị ẹkụra ọnọọ mẹ ẹkụhị chee.

Odeyi 16:9

Ịrahụ ịhị ọnọọ, Ịpọọrụ ô re ẹtẹ. Ô re ka â nyị ọnọrụ Animasedoniya ana jẹẹ dị aa dá ịpẹẹ yị ọnị ka, ọnị ọ̀ vẹ Imasedoniya, dị ọnị ọ̀ va gụ ẹnị ụvọ.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 20:10

Dị Ịpọọrụ chí na, dị ọ và ayị kú ọọ, dị ọ sị ịrachị tụraa ịrachị nị. Dị ọ ka, “Và ayị nẹtẹ nịnị, ka ụhwẹ yà ịnị ẹngụ anị!”

Odeyi 20:2

Ộ ngụ ịzọọ zị, dị ọ kà ịrẹyị ọrụrụ-ọrụrụ, dị ọ sị tụ́ ọdọwụ nịnị ọtụtụrụma nị, dị ọ va na ngụ Igiriki nị.

Odeyi 20:3

Ộ yà Igiriki mẹ ụhwẹ ẹẹta. Ee tenyi ẹngụ ka ọnị ọ̀ ngụ ẹpa nọ Isiriya, dị ọ sị yẹ Aniju nịnị ệ tẹ óze ee zí ọnị nị. Dị ọ kụkụ ka ọnị aa varẹma zị oze Imasedoniya nị, aza ẹnẹnị saasaa nọ Esiya nị:

Odeyi 20:37

Dị ẹyaa jị òrèrè ẹtẹẹtẹrẹ, dị ẹ há ụvọ kara Ịpọọrụ ọrọkọ, di e kú ọọ irenu nị.

Aniroomi 15:19

ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha.

Aniroomi 16:16

Kụ́ ẹngụ nịnị ẹtẹẹtẹrẹ, ini oze ana sị zụ̀ ka wê sì ịrẹyị ẹngụ nịnị. Avaba anịragụ Ikirisiti ka ẹnị kụ́ wụ nịnị.

1 Anịkọrịntị 16:20

Avaba ẹyịnyara ayị ene hi ịzẹnị ka ẹnị kụ́ wụ. Waa kụ́ ẹngụ nịnị ini oze ọnịnị ana sị zụ̀ ka wee sì ịrẹyị ẹngụ nịnị.

1 Anịkọrịntị 16:5

Màa zị oze Imasedoniya aa parahu, mị vaa há ịdị awụ nịnị, agụvị ka oze Imasedoniya mị vaa zị nị.

2 Anịkọrịntị 13:12

Kụ́ ẹngụ nịnị ẹtẹẹtẹrẹ ini oze ana sị zụ ka wee sì ịrẹyị ẹngụ nịnị.

2 Anịkọrịntị 7:5

Ị mẹ̀ daka si tù Imasedoniya, yẹ yị yị nyị ẹngwọọrọ. Ịrẹyị vị ana gwẹtẹ kara yị. Aza aa zyaazị, angwahi yà ịnị ayị ẹyị.

1 Anịtẹsaronika 5:26

Kụ́ avaba anda ayị nịnị ini oze ana sị zụ ka wee sì ịrẹyị ẹngụ nịnị.

1 Itimoti 1:3

Mee sì ka wa yị jẹẹ Ẹhwẹsọsị, anka m mẹ̀ vịdị kà a wụ, m màa parahuu nọ Imasedoniya. Aza hi ịzọọ ana aa sị ịsa irechee zụ̀ aza. Re ka wee hú wa ụvọ ka asị ẹ rẹ̀ vavọọ mẹ!