Odeyi 2:9 - IWE ỌNỊNỊ

⁹ Ẹkụra ọnị ị hụrẹ vẹ yị: Ipatiya beri Imediya ọnịrị Erami beri Imesopotamiya ọnịrị Ijudiya beri Ikapadosiya; Ịpọntụsị ọnịrị Esiya,

Odeyi 2:9 Iomraidhean Croise

Oyinyima 10:22

Ezi Isemi ẹ vị Erami, Asuri, Aripakisadi, Irudi ne beri Aramị.

Oyinyima 14:1

Ịnị ụmẹ ọnya â nyị ohinọyị ẹẹna ẹnyị aanị. Ẹnịnị ẹ vị Amịrahwẹrị ohinọyị Ịbabịrọnị, Ariyoki ohinọyị ẹkụra Erasa, Ikedoromeri ana vị ohinọyị ẹkụra Erami ne beri Itidari ana vị ohinọyị anẹkụra Igoyimi.

Oyinyima 24:10

Di ozi ahụ ọnọọ kụ́ ịnyaakụmị ọga anị ẹẹwụ, dị ọ rẹ kụ́ ogu akàaka beri ọ, di o si hu aa nọ akẹbẹẹba Imesopotamiya dị ọ nọ ẹkụra Ịnahọ̀ nị.

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

1 Ịtọpa 19:6

Ohinọyị Ihanuni ọnịrị avaba Anamọnị ệ yẹ ka ẹnị ẹ raà hị́ Idevidi ịrẹkụ tu ẹngụ ẹnịnị. Dị ẹnịnị sị isiriva ikirogirami akahị-akahị oze ẹwụrịhịmba (100), dị ẹ sị na dọ ụkẹkẹ ịrẹkụ ọnịrị aza anaā sịị ụkẹkẹ ịrẹkụụ kụ̀ ịrẹkụ hụrẹ ẹtẹ Imesopotamiya nị. Ẹ́ rẹ haya aza ọnịrị ẹnya hụrẹ ịzị aā hị́ Imaaka ọnịrị Izoba ịnị ẹtẹ Isiriya.

Ẹzịra 6:2

Dị ahịka Ekibatana ana vị ohyẹtẹ ẹkụra Imediya e nee re ọda ọnọọ ịnị iwe ịtọpa ana a chẹrẹ ẹ tụ nị.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ịdanịyẹrị 5:28

ỊPẸRẸẸSỊ ọ vị ka Ohomorihi ọ sị ẹtẹ ọnị ohinọyị áa mẹ ịjọva anị gà yị Animeedi ọnịrị Anipesiya nịnị.

Ịdanịyẹrị 8:2

Ọ kà ọnị ô re ẹngụ anị ẹkụra ana aā hị́ Isusa ana vị aha ọ yị yaatụ ịjọva ẹtẹ Erami. Dị ọnị ré ka ọnị jẹẹ ụtọ irehu ana aā hị́ Urayi nị.

Ịdanịyẹrị 8:20

Ọ kà ịdẹba ọnị ọnị re ene nyị ọpanyị ẹẹva aanị vị ẹnị ohinọyị Animediya ọnịrị Anipesiya ana vaa rị.

Odeyi 16:6

Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Odeyi 18:2

O ne tù Aniju ọnya ịzọọ, ana aā hị́ Akwira; ẹkụra Ịpọntụsị a yà ma a nị. Ose anị ọ rị Ipirisira nị. Oò yi kù ẹnẹ ẹnịnị hụrẹ ẹtẹ Itari vẹ. Ệ hụụ ịzọọ, agụvị ka ohinọyị Ịkịrawụdịyọsị ộ mẹ̀ ọda ka à dụ avaba Aniju nịnị jịnẹ hụrẹ Iroomi. Dị Ịpọọrụ ne hee wa,

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 19:27

Agụvị avọọ, ụkọrọ ayị ọnọnị ọ zụ rị ịrẹha odivi. À hyakụ va hụụnị ọnọọ, irehi ori ọnẹẹ ọbanyị Idiyana ayị ọnọnị vị ana kụkụ vaa vị ịrẹyị kẹnẹ-kẹnẹ. Dị a kụkụ aa sị eyii wụ ori ayị ịnyẹmba ana vịdị nyị ụbanyị, dị avaba Anesiya ọnịrị anẹhẹ aa hẹkẹ ẹ.”

Odeyi 19:31

Dị aza ẹnyị ana vị ọnọba tụ́ Esiya ana vị ọta Ịpọọrụ tụ́ hi ọọ ka asị ọ nọ ini orere ọnọọ nị.

Odeyi 2:8

Ọ mẹ zị ọọ, dị ị kụkụ vana aa wụ́ ka ẹ yaa kà ẹkụra ayị?

Odeyi 20:16

Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.

Odeyi 20:18

E mè ve tù ọọ, dị ọ kà a yị wa ka, “Wâ yẹ nịnị ẹngụ ebira ọnị maa mẹ̀ ịnị akakana awụ nịnị, m mẹ̀ hụrẹ va ngụ Esiya.

Odeyi 20:4

Isopata ozi Ipiirusi ana vị Anibereya beri Arisitakọsị ọnịrị Ịtayịkịkọsị ọnịrị Itirohwimọsị ana hụrẹ ẹkụra Esiya vẹ, ẹ rẹ saasaa bẹẹ.

Odeyi 21:27

Ịjị ẹkụhị ịhịmba ọnọọ aa vaa gụ, Aniju ẹnyị ana hụrẹ ẹtẹ Esiya vẹ, ê re Ịpọọrụ ini irehi Ohomorihi. Dị ẹ wụsẹ tụ́ ọkọnị aza ịrẹyị, dị ẹ za Ịpọọrụ nị.

Odeyi 24:18

Ịjị mị sị ẹngụ amị vara ọnịnị, dị Aniju ẹnyị ana hụrẹ Esiya vẹ, ve re mi ini irehi Ohomorihi ka maa mẹ̀ ịsọvọ hi Ohomorihi nị. Ẹ yị nyị ọkọnị aza ana kara mị, ẹ yị rẹ nyị ẹvazi.

Odeyi 27:2

Yâ ngụ ẹpa ana hụrẹ Adiramitumi vẹ. Ẹpa ọnọọ vị ana aa nọ ụtọ oku ẹtẹ Esiya. Di i si hu aa na nị. Â nyị Animasedoniya ọnya aanị ana hụrẹ Ịtẹsaronika vẹ ẹnẹ ẹyịrịị zị. Ịrẹha anị ọ rị Arisitakọsị nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 7:2

Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Aniroomi 16:5

Rẹ kụ́ anịragụ Ohomorihi anaā gẹ ini eehi ịda ẹnịnị mị! Kụ́ Epeenetu mị ẹtẹẹtẹrẹ, mâ da sì ịrẹyị anị kẹnẹ. Ọnị ọ vị ọnịpaapa ịnị ẹtẹ Esiya ana sị ayị tụra Ikirisiti nị.

1 Anịkọrịntị 16:19

Anịragụ Ohomorihi ene hi Esiya, ka ẹnị kụ́ wụ nịnị. Akwira ọnịrị Ipirisira beri anịragụ Ohomorihi anaā gụ ini eehi ịdị ẹnịnị ka ẹnị kụ́ wụ nịnị ẹtẹẹtẹrẹ, agụvị ka ẹwụrị wa vị ọnya ini oze Ananyị yị.

2 Anịkọrịntị 1:8

Ẹwụ nịnị ẹyịnyara amị, yee sì ka ya kà a wụ nịnị ịrẹyị ene tù yi ẹkụra Esiya. Ịrẹyị ene tù yi ô chì yi ẹngụ pooro, ne tù ka ya kụkụ raà hụrẹ eyi ka yee wusu.

Iwe Ọhụhị Imosiisi ana aa hị́ Ọyịvatụrọda 23:4

Ẹnịnị ê yii, ẹ yị da ịsọyịrị yị wụ nịnị ụ mẹ hụrẹ Ijipiti aa vẹ nịnị. Ẹnịnị ẹ yị ká enyi yị wụ nịnị hú. Vị́ ẹnịnị na hị́ ọnọrụ ana aā hị́ Ịbaraamị ozi Ịbẹyọ hụrị Ipetiho ka ò ve chì hi wu nịnị nị. Ipetiho vị ana ya ịnị ẹtẹ Imesopotamiya.

2 Itimoti 1:15

Wâ yẹ ka avaba ẹnịnị ene hi Esiya vana và hụụ ịrẹma amị. Ihwigẹlọsị ọnịrị Iherimogene yà ịnị aza ẹnẹẹ.

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

Ọdọvịdị 3:8

Agụvị avọọ Ẹnẹyịmavara du ayị hi Anisirẹrị nịnị, dị ọ navọ ka Ikusani-Irisatayimi ana vị ohinọyị Arami-Inaharayimi ộ nyị ẹbẹẹba ẹnịnị, dị ẹ mẹ ịjọva tụra wa ịrẹsụ ịrayị ịhịnta.