Odeyi 2:3 - IWE ỌNỊNỊ

³ Di e re ịsa ana yà anka ịrarẹ ịra avọọ, dị ọ gà, dị ọnyọọnya na yà ịrẹsụ ọzịnya-ọzịnya nị.

Odeyi 2:3 Iomraidhean Croise

Oyinyima 11:6

Di Ẹnẹyịmavara kà: “Aza ẹnẹnị vị ọnya, dị ẹ rẹ yaa kà ẹkụra ọnya nị. Ịsị ẹ vaa mẹ̀ ẹ yaa dà ahụụ hụrẹ ẹhẹ aanị nị. Òo nee kú ẹ yị nyị ịsị ẹ ka ẹnị aa mẹ dị ẹ̀ yị mẹ̀ ẹ.

Ahẹ Ụgama 55:9

Ẹnẹyịmavara, asị ụ navọ ka aza edivi ẹnẹẹ ẹ̀ kụkụ yẹ ịsị ẹ yaa kà navọ asị ịrẹyị ẹnịnị kụkụ jịrị ẹngụ Ebira ụkata-ụkata ọnịrị ịrazị kẹnẹ ẹ kụ́ hi ịnị ẹkụra nị.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Ijeremaya 23:29

Ọ kà ịrẹyị ọnị ọnị ka vị ana sị mẹ anka ịra avọọ, dị ọ rẹ sị mẹẹ anka ịhama ana sị chaka ịrẹta avọọ nị.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Imatiwu 3:15

Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị.

Iruuku 24:32

Dị ẹ kụkụ aa kà a yị ẹngụ ka, “Wee re, áyị ayị màa jị pee-pee, o mèe beri eyii kà ịrẹyịị vẹ óze, dị aa sị ịrẹyị Iwe Ohomorihi zụ̀ yị?”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 2:11

Aza ẹnyị ayị ẹ rẹ hụrẹ Ikirete beri Arebiya vẹ. Dị ị maanị yị hụrẹ ẹkụra irenyi-irenyi vẹ, ya yị wụ́, ẹ màa sị ẹkụra ayịị kà ụkọrọ ohyozirenu oni Ohomorihi mẹ.”

Odeyi 2:2

Kẹnẹ, dị ẹ vana aa wụ́ ịsa ịrẹyị, ọ mẹ̀ hụrẹ ẹbẹẹba ee chíi vẹ nị. Aa sụ́ ịrẹyị, ahị ọbanyị òo rere aa tụ́ kuku-kuku avọọ, dị ọ dọ avaba irehi ịzị ẹnịnị hi nị.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

1 Anịkọrịntị 12:10

Ụhwẹ Ohomorihi ọnọọ ọ rẹẹ̄ mẹ ka aza ẹnyị ẹ̀ẹ mẹ̀ ụkọrọ ohyozirenu, dị ọ rẹ mẹ ka aza ẹnyị ẹnị ẹ̀ẹ kà ịsẹ. Ọ rẹẹ̄ mẹ ka aza ẹnyị ẹ̀ẹ yẹ ụkata ana àa hụụnị ụvọ Ụhwẹ Ohomorihi vẹ ọnịrị ẹnẹ ẹ̀ yị hụụnị ụvọ anị vẹ. Ọ rẹẹ̄ mẹ ka aza ẹnyị ẹ̀ zụụ kà ẹkụra irenyi-renyi, dị ọ rẹ mẹ ka aza ẹnyị ẹnị ẹ̀ zụụ̄ kà iruvo ẹkụra ẹnẹẹ nị.

Ijemiisi 3:6

Ịrarẹ vị ana sị mẹẹ anka ịra avọọ. Avaba ịsa edivi ene hi ịnị ẹhẹ ọnọnị hi ịnị ịrarẹ ọza, dị ẹ na ngụ ịnị ẹngụ ọza, dị e du ọ. Ọ nyẹngụ jị ịra tụ́ ịnị avaba ẹhẹ ọza saka-saka. Ini eku ịra gẹdẹ-gẹdẹ ụ́kata ịra ọnọọ yà nị.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ẹtore 14:6

Me re re anggẹẹrị ọsa ene ee hira ẹ́bẹẹba. Ọ́ọ nyị enube ọyịza ana yà pooro zịna-zịna ana aa naa kà a yị aza ene hi ẹhẹ, avaba anẹkụra, aza ana aa kà ẹkụra irenyi-irenyi avaba ẹhẹ.