Odeyi 2:23 - IWE ỌNỊNỊ

²³ Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Odeyi 2:23 Iomraidhean Croise

Oyinyima 50:20

Dị ọ rẹ ka ẹnịnị vi ene ro ka ọnị ẹ̀ mẹ̀ ọnị ịrẹyị ọhịmị nịnị, ama Ohomorihi ọ sị ọ vara ọyịza. Ọnị ọ mẹ ka aza ọrụrụ-ọrụrụ ẹ zụ ha aanị nị;

Ahẹ Ụgama 76:10

Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ, dị aza ana vọ ana aa kụ́ ayị za ụvọ chire enyi nị.

Ayịsaya 37:26

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Imatiwu 20:19

dị ẹ sị mị chire anarịmadọwụ nịnị ụvọ. Aza ẹnẹẹ vaa sị mịị mẹ̀ isiya, dị ẹ jị atẹ kú mi, dị ẹ rẹ kanyị mị za ọchị apavahị. Ama ịhyẹgwẹta anị, mị vaa haa hụụnị isu.”

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Imatiwu 27:35

Dị ẹ za a, dị ẹ kanyị ọọ za apavahị nị. Dị ẹ gà ịta anị tịtẹ, dị ẹ jị osisi tụ́ ọọ nị. Ệ vavọọ mẹ, agụvị ịrẹyị ọnị ọnịsẹ nịnị vịdị kà, ọ̀ zụ sẹ ka, “Ệ gà ịta amị hi ẹngụ ẹnịnị ụvọ, dị ẹ jị osisii tụ́ ọọ nị.”

Ịmaakị 15:24

Dị ẹ za a, dị ẹ kanyị ọọ za apavahị nị. Dị ẹyaa gà ịta anịị hi ẹngụ ụvọ, dị ẹ jị osisii ka ẹnị ẹ̀ yẹ ana vọrọ ka ò tụ́ ọzọza nị.

Iruuku 22:22

Ịzẹyịza ẹmị Ozi ọza onigirima vee sú, anka Óhomorihi mẹ̀ vịdị mẹ eto anị tịtẹ; ama ọza ana vaa sị mịị chire ọnịvị amị ụvọ, ọ sị dà.”

Iruuku 22:37

Dị ma kà a wụ nịnị ka â nyị ka ịrẹyị ọnọnị ana a vịdị chẹrẹ tịtẹ aanị, ọ̀ sẹ ị́rẹsụ amị. Ịrẹyị ọnọọ ka: “Â za a ịrịka beri aza ana jịnẹ ọda. Avaba ịsa ẹnẹnị e si nyima aa sẹ ị́rẹsụ amị.”

Iruuku 23:33

E mè tù ịzị aā hị́ aha akokoro ịrẹsụ, dị ẹ kanyị ọọ za apavahị ịzọọ nị. Dị ẹ rẹ kanyị oyi ẹnẹẹ za apavahị tụ́ ịzọọ nị; ọnyara yà eyi ụvọrị anị, dị ọsa yà eyi ụvọha anị nị.

Iruuku 24:20

Ohirẹsụ ẹbanyị irehi Ohomorihi ọnịrị ọdọvịdị ayị ệ sị ọọ chire aza ụvọ ka à mẹ̀ ọkarẹyị isu yọ, dị à kanyị ọọ za apavahị.

Ịjọọnụ 19:18

Dị a kanyị Ijeesu za apavahị tụ́ ịzọọ nị. Dị a rẹ kanyị aza ẹnị ẹẹva za apavahị tụ́ eyi ẹnyị eyi ọsa, di Ijeesu ọnị yà ịnị akakana ẹnịnị nị.

Ịjọọnụ 19:24

Dị isoja nịnị ẹnẹẹ kà a yị ẹngụ ka, “Asị ị na a, ama à vẹ ya jị osisii tụ́ ọọ, dị ya yẹ ọza ana àa vọrọ ka ọ̀ sị ọọ!” Ọnọọ ộ mẹ̀ agụvị ịsa ana a chẹrẹ tụ́ ini Iwe Ohomorihi ọ̀ zụ sẹ ka, “Ẹ́ẹ gà ịta amị hi ẹngụ ẹnịnị ụvọ; ệ jị osisii agụvị ọtịnịnẹ awuru amị.” Ịsị isoja nịnị ẹnẹẹ mẹ ọ vị ọnọọ nị.

Odeyi 13:27

Aza ene hi Ijerusarẹmị beri ọdọvịdị ẹnịnị ẹ yị yẹ ẹngụ ọza oni Ijeesu vị. Ẹnịnị ẹ yị rẹ yẹ ịrẹyị ọnịsẹ nịnị ana aa kà ẹkụhị ụhwọtụ-ẹkụhị ụhwọtụ. Ama ệ mẹ ka ịrẹyị ọnịsẹ nịnị ọ̀ sẹ, ẹ mẹ̀ jị ịvị isu yị Ijeesu.

Odeyi 15:18

 yẹ ịsa ẹnẹnị hụrẹ ụmọrụmọ.”

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Odeyi 3:18

Ịsị Ohomorihi vịdị kà tịtẹ ini oze ọnịsẹ nịnị ka â nyị ka Ikirisiti ọ̀ rị ụya, ọ vavọọ sị sẹ nị.

Odeyi 4:28

Ệ gẹ ka ẹnị ẹ̀ mẹ̀ ịsa ẹnẹ ẹwụ vịdị sị ọọ kà ịnị ụkata awụ ọnịrị u mè sì ọ ka ọ vaa mẹ.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Odeyi 5:30

Ohomorihi Ada ayị ộ ha Ijeesu hụụnị isu, ọza ọnị ụ kanyị za ọchị apavahị, dị ụ wụ ọ nịnị.

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Aniroomi 2:12

Avaba aza ẹnẹ ẹ̀ yị yẹ ọda Aniju dị ẹ yaa mẹ ịvị nị, vị ene vee vu ẹtẹ; ama ayị vị ọda ọnọọ, a vaa sị mẹ̀ ọkarẹyị yị wa. Avaba aza ana rẹ yẹ ọda ọnọọ dị ẹ yaa yịị mẹ ịvị nị, vị ene re vee vu ẹtẹ; ọda ọnọọ a vaa sị mẹ̀ ọkarẹyị yị wa nị.

Aniroomi 4:17

 vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ.

1 Anịtẹsaronika 2:15

Aza ẹnẹẹ ệ wụ Ijeesu Ananyị yị ọnịrị ọnịsẹ ẹnịnị. Ệ rẹ dụ yị tụ́ ẹhẹ. Ịsa ẹnẹ mẹ, o yi zé Ohomorihi eyi. Avaba aza vị ẹnẹ ẹ rẹẹ̄ kụ̀ụ hịrẹ ẹtẹẹtẹrẹ.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

1Ipita 1:20

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ mẹ eto tịtẹ ka Ikirisiti vavọọ vaa mẹ nị. Dị ọ sị Ijeesu zụ̀ gedebee agụvị awụ nịnị ịnị ụmẹ ọdịrẹma ọnọnị, ẹnẹ ẹhẹ aa vaa ta aanị nị.

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.