Odeyi 2:2 - IWE ỌNỊNỊ

² Kẹnẹ, dị ẹ vana aa wụ́ ịsa ịrẹyị, ọ mẹ̀ hụrẹ ẹbẹẹba ee chíi vẹ nị. Aa sụ́ ịrẹyị, ahị ọbanyị òo rere aa tụ́ kuku-kuku avọọ, dị ọ dọ avaba irehi ịzị ẹnịnị hi nị.

Odeyi 2:2 Iomraidhean Croise

1 Ohinọyị 19:11

Dị Ẹnẹyịmavara kà “Jịnẹ tụ́ ẹhẹ, dị wa na jẹẹ ịrẹsụ ataba zi Ẹnẹyịmavara. Ẹnẹyịmavara vaa para a hu. Opomi vaa tụ́ kukuku, dị aa chaka ataba ọnịrị ịrẹta ha dị Ẹnẹyịmavara ọ yà ịnị opomi ọnọọ. Opomi ọnọọ ọ̀ sị tụ́ kwooze, ẹtẹ rẹ vaa sụ́ ịrẹyị kukuku, ama Ẹnẹyịmavara ọ yà ịnị ẹtẹ ana vavọọ sụ́ avọọ.

Ahẹ Ụgama 18:10

Ịsa ana nyị avaka ana ahịka ahị ọọ tụra aa zị nị.

Ahẹ Isoromọnị 4:16

Kwẹtẹ ẹwụ ahị anaā tụ́ hụrị eyi ẹbẹẹba, dị ahị eyi ụvẹtẹ ọ tụ́ vẹ ku ụbazị amị. Gara agụ eturare anị hi ịnị ahị. Navọ ọza ọnị mị maanị sì ịrẹyị anị ọ vẹ ịnị ụbazị anị, dị ọ̀ va rị ẹtụtụ ene zoza hu kere-kere ịnị anị.

Ayịsaya 65:24

Dị à va nyị ka ẹnịnị ẹẹ hị́ mị, mi vee tu wa ohi. Ẹ̀ẹ yaa kà ịrẹyị kẹnẹ, mị vaa wụ́.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Iruuku 2:13

Kẹnẹ, dị anggẹẹrị ọrụrụ-ọrụrụ jịnẹ hụrẹ ẹbẹẹba ve tù anggẹẹrị ịsọọnị nị. Dị ẹyaa jị ahẹ ga Ohomorihi, dị ẹ ka:

Ịjọọnụ 3:8

Ahị vị ana aa tụ́ nọ ịzị èe zé e eyi kẹnẹ. Waa wụ́ ọọ ịrẹyị, ama wẹ yị yẹ ịzị ọ hụrẹ aa vẹ, wẹ yị rẹ yẹ ịzị aa nọ. Avọọ gẹdẹ-gẹdẹ ọ mẹ̀ rẹ yà yị ọza ọnị Ụhwẹ Ọnịnị sị ma nị.”

Odeyi 2:3

Di e re ịsa ana yà anka ịrarẹ ịra avọọ, dị ọ gà, dị ọnyọọnya na yà ịrẹsụ ọzịnya-ọzịnya nị.

Odeyi 2:6

Ẹ mẹ̀ maanị wụ́ ịrẹyị, dị aza hara gụ ịzọọ nị. Ô hí wa irenu ẹtẹẹtẹrẹ, agụvị ka ọzọza ộ wụ́ ka odeyi nịnị aa sị ẹkụra anịị kà ịrẹyị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.