Odeyi 2:11 - IWE ỌNỊNỊ

¹¹ Aza ẹnyị ayị ẹ rẹ hụrẹ Ikirete beri Arebiya vẹ. Dị ị maanị yị hụrẹ ẹkụra irenyi-irenyi vẹ, ya yị wụ́, ẹ màa sị ẹkụra ayịị kà ụkọrọ ohyozirenu oni Ohomorihi mẹ.”

Odeyi 2:11 Iomraidhean Croise

1 Ohinọyị 10:15

Ịrẹma ẹsẹnị a rẹ nyị igooru oni osohu ẹbanyị-ẹbanyị irenyi-irenyi aa kụ́ vaa yọ. Avọọ avaba ohinọyị Anarabi ọnịrị Ịgọvọnọ ẹtẹ ọnọọ ẹnị mẹ̀ raa kụ́ igooru vaa yọ nị.

2 Ịtọpa 17:11

Aza ẹnyị Anihwirisiti nịnị ệ kụ́ igooru ọnịrị isiriva vá mẹ Ijehosahwati ẹyịza, dị Anarabi ẹnị rẹ kụ́ ịdẹba

2 Ịtọpa 26:7

Ohomorihi ộ gụ ọ ụvọ dị ọ huna Anihwirisiti, ọnịrị Anarabi ana ra Iguri-Ịbaarị ne beri Animewu eyi ịrẹkụ nị.

Ijoovu 9:10

Ọza ọ yị zụ yẹ ịsa ẹbanyị-ẹbanyị ọnị ọ mẹ̀. Ọọ mẹ ịvọpa pooro kẹnẹ nị.

Ahẹ Ụgama 107:15

 vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ọza pooro nị. Ịsa ana aa mẹẹ yị ọza vị ẹbanyị-ẹbanyị.

Ahẹ Ụgama 107:21

 vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ọza pooro nị. Ịsa ana aa mẹẹ yị aza vi ẹbanyị-ẹbanyị.

Ahẹ Ụgama 107:8

 vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ẹnịnị pooro nị. Ịsa ana aa mẹẹ yị aza vị ẹbanyị-ẹbanyị.

Ahẹ Ụgama 111:4

Ẹnẹyịmavara vị ana aā vayị ọza. Ộ mẹ ka aza ẹ̀ẹ tamayị ụkọrọ ẹbanyị-ẹbanyị ana aa mẹ.

Ahẹ Ụgama 136:4

Ọnị ịnya ọọ̄ mẹ ịtọmatọpa nị. Vị óō sì ịrẹyị ọza pooro zịna-zịna nị.

Ahẹ Ụgama 26:7

Maa jị ahẹ kụ́ wụ avọ, dị maa kà a zụ̀ aza avaba ịsa ozoza ọnị ụụ̄ mẹ nị.

Ahẹ Ụgama 40:5

Ẹnẹyịmavara, ana vị Ohomorihi amị ịsa ẹbanyị-ẹbanyị ọnị ụ mẹ yị ệ dà rụrụ kẹnẹ Ịsa ozoza ọnị ụ ka ụ vaa mẹẹ yị, ọza ọ yị zụ sị irenu kà a Màa daka ka maa kà a, ịzị mị zụ kà tù ini anị?

Ahẹ Ụgama 71:17

Ohomorihi, m mẹ̀ hụrẹ vị ozweyi ụ hụrẹ sị ịsa ẹnẹẹ zụ̀ mị nị. Piporo va ngụ ajịnị vị ọnị maa kịị kà ịrẹyị ịsa ẹbanyị-ẹbanyị ọnị waa mẹ.

Ahẹ Ụgama 77:11

Mị ka maa tamayị ụkọrọ ẹbanyị-ẹbanyị ẹnị Ẹnẹyịmavara mẹ ịnị ịyẹẹyẹ.

Ahẹ Ụgama 78:4

Yẹ yị vaa sị ịrẹyị ẹnẹẹ tẹẹ yị ezi ẹnịnị. Avaba ụkọrọ ẹbanyị-ẹbanyị ẹnị Ẹnẹyịmavara mẹ ọnịrị ụkata anị vị ọnị ị vaa kà a yị ezi ịrẹma.

Ahẹ Ụgama 89:5

Ẹnẹyịmavara, ihinẹba vị ana aa kụ́ wụ agụvị ịsa ẹbanyị-ẹbanyị ọnị ụ mẹ Aza awụ ẹ̀ẹ kụ́ gụ, dị ẹnị raa kà a ka wa rụra sị ayị tụra.

Ahẹ Ụgama 96:3

Wàa yà ịnị akakana anẹhẹ waa kà ịrẹyị ụbanyị anị nịnị ọnịrị ịta mā ta pa ọnị ọọ̄ mẹ.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ayịsaya 13:20

Aza ẹ mā vana ra ịzọọ pooro. A mā a vana nyị Anarabi ana aa ngụ ọ zizi ana vaa kụ̀ udii tụ́ ịzọọ. Aza ana aa kụ́ ịsụpaa rị ẹ yị hyakụ vaa kụ́ ịsụpa ẹnịnịị nọ ịzọọ.

Ayịsaya 21:13

Ịrẹyị ene re vee tù Anarebiya yị: Ẹwụ nịnị anẹkụra Idedanị ana aza anịị̄ kụ́ udi tụ́ ịnị ụnọmị Arebiya ẹ̀ẹ maanị aa hụrẹ eehi,

Ayịsaya 25:1

Ẹnẹyịmavara, ẹwa vị Ohomorihi amị nọ; Mị vaa sị ụbanyịị yị wụ ẹtẹẹtẹrẹ. Wâ dà nyị ịzẹyịza kẹnẹ. Wa raà mẹ̀ ịsa ohyozirenu ẹbanyị-ẹbanyị; ọnị ụ ka ụ vaa mẹ̀ hụrẹ ụmọrụmọ, avọọ ụ mẹ̀ yị va mẹ̀ ẹ nị.

Ayịsaya 28:29

Ẹnẹyịmavara ana nyị ụkata ọ rẹ sị sị zụ̀ aza ka ẹ̀ vavọọ yara mẹ̀ ẹ nị. Á yị nyị ọza ana zụ yẹ ịsa ẹnị Ẹnẹyịmavara aa mẹ. Ịrẹyọyẹ anị ộ dẹngụ ẹnẹmẹhị.

Ijeremaya 25:24

avaba ohinọyị Anarebiya ẹnịrị avaba ohinọyị aza anaa kà ẹkụra irenyi-irenyi ene dudu ra hi ịnị ẹtẹ aarẹ-aarẹ.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Odeyi 2:10

beri Ihwirigiya ọnịrị Ipamihwiriya, Ijipiti ọnịrị oze eyi Iribiya ọgụrị Isayirini. Aza ẹnyị ẹ rẹ hụrẹ Iroomi vẹ. Aza ẹnyị ẹ yị vị Aniju, ọsa vị azọga ana dọ ahẹkẹ Aniju nịnị.

Odeyi 2:12

Ô hí wa irenu, ẹ yị yẹ ịsị ẹẹ kà; dị ẹyaa họ̀ ẹngụ ka, “Sị ẹ vị iruvo ọsọnị kẹ?”

Odeyi 27:12

Ịzị ẹpa ọnọọ jẹẹ, oyi zoza yọ ịnị ụmẹ ọgụ, dị aza ọrụrụ-ọrụrụ ịnị ẹnị ene hi ịnị ẹpa ka àa na, ịsavọọ eni è zụ tù Iponiki, dị ẹpa ọ̀ yà ịzọọ ịnị ụmẹ ọgụ. Iponiki vị ịzị ẹpaā jẹẹ Íkirete. Ịzọọ vị ana và eyi ká eyi ụvẹtẹ ọ̀vàká eyi ọnị ọyịị̄ zịị ngụ ẹtẹ. Dị ọ rẹ và eyi ká eyẹba ọ̀vàká eyi ọnị ọyịị̄ zịị ngụ ẹtẹ nị eyi ẹbẹẹba.

Odeyi 27:13

Ahị ẹnyị chee aanị ô nyima aa tụ́ hụrẹ eyi ụvẹtẹẹ vẹ. Dị aza ẹnẹẹ si oo ro ka ịrẹyị ẹnịnị ộ gẹẹ nị. Dị ẹ sị ẹpa tụ́ ini òkū, dị ẹ zị ụtọ oku ọgụrị Ikirete, dị ẹyaa na nị.

Odeyi 27:7

Yâ tangwa zị ụsẹ mẹ ẹkụhị ọrụrụ óze, dị ị vụrị va ngụ ọgụrị ẹkụra Ikinidu nị. Ahị ọyị kụkụ zẹẹ ka ya zị oze ọnọọ, dị ị va chí zị oze Ikirete, dị ị na para aha ọnya ụtọ oku hu ana aā hị́ Isarimone nị.

1 Anịkọrịntị 12:10

Ụhwẹ Ohomorihi ọnọọ ọ rẹẹ̄ mẹ ka aza ẹnyị ẹ̀ẹ mẹ̀ ụkọrọ ohyozirenu, dị ọ rẹ mẹ ka aza ẹnyị ẹnị ẹ̀ẹ kà ịsẹ. Ọ rẹẹ̄ mẹ ka aza ẹnyị ẹ̀ẹ yẹ ụkata ana àa hụụnị ụvọ Ụhwẹ Ohomorihi vẹ ọnịrị ẹnẹ ẹ̀ yị hụụnị ụvọ anị vẹ. Ọ rẹẹ̄ mẹ ka aza ẹnyị ẹ̀ zụụ kà ẹkụra irenyi-renyi, dị ọ rẹ mẹ ka aza ẹnyị ẹnị ẹ̀ zụụ̄ kà iruvo ẹkụra ẹnẹẹ nị.

1 Anịkọrịntị 12:28

Ohomorihi ọ raà sị ọzọza tụ́ udi anị ịnị ịragụ anị. Udi ịpaapa, áa nyị Ezirẹma Ijeesu nịnị; udi ụpọhụva, áa nyị ọnịsẹ nịnị. Udi ụpọhụta, dị a rẹ nyị ọzwọzịsa nịnị nị. Dị a kụkụ va nyị aza ana aa mẹ̀ ụkọrọ ohyozirenu nị, dị a rẹ nyị aza anaa sị ụkata yị ka ẹ̀ẹ mẹ aza ụkụ, dị ẹ̀ẹ gụ aza ụvọ nị. Dị aza ẹnyị ẹnị aa sị oze zụ̀ aza; dị aza ẹnyị raa sị ẹkụra ọsaa kà ịrẹyị nị.

Anigaratiya 1:17

Mẹ yị rẹ nọ Ijerusarẹmị ka me ne hee aza ana vịdị vị odeyi di o ve tù mi. Ama ẹkụra Arebiya mị vịdị nọ, dị mị varẹma vẹ ẹkụra Ịdamasịkọsị nị.

Anigaratiya 4:25

Ihaga vị ana jẹẹ yị ataba Ịsịnayị ana yà ẹtẹ Arebiya. Avọọ ọ mẹ̀ rẹ jẹẹ yị Ijerusarẹmị ịnị ụmẹ ọnọnị nị, agụvị ka a rẹ sị Ijerusarẹmị za ọrịhị beri aza anị.

Ịtayịtọsị 1:12

Anikirete ọnya ana vị ọnịsẹ ộ vịdị kà a ka: Anikirete nịnị vị enee cheeche pooro, vị ẹẹ̄ mẹ anka uye ịnị avị avọọ nị. Onuworo ẹ vị nị, dị ẹ rẹ vị ọnịnọbanyị nị.

Ịtayịtọsị 1:5

Iruvo ọnị mị sị navọ wụ tụ́ Ikirete ọ vị ka we tenyi ịsa ana a vọrọ ka à mẹ nị. Nyị azọkụ ịragụ Ohomorihi tụ́ ẹkụra ọzọza. Tamayị ịsị mị vịdị kà wụ oo!

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.