Odeyi 2:1 - IWE ỌNỊNỊ

¹ Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Odeyi 2:1 Iomraidhean Croise

2 Ịtọpa 30:12

Ohomorihi ộ sị ụvọ kanyị Anijuda nịnị ayị, dị ọ mẹ ka ẹ vayị bẹ, dị ẹ dọ ka ẹnị aa saasa ọda ọnị ohinọyị ọnịrị ọdọvịdị anị nịnị mẹ̀.

2 Ịtọpa 5:13

Ẹnị ene hú ịkakanchị ẹnịrị aza ana jị ahẹ vị ana vabẹ aa gama Ẹnẹyịmavara, dị ẹyaa kụ́ ọ avọọ. Isohu irenyi-irenyi ẹnịrị ịkakanchị beri ịchachaa ene hu vị ana sụ wanyị-wanyị kẹnẹ. Dị aza sị ọngwẹ tụ́ ẹba aa jị ahẹ gama Ẹnẹyịmavara nị. Ê jị ahẹ ga a, dị è kà, oo zoza, di o si ọza pooro. Ịnị ụmẹ ọnọọ eguhi chire ku avaba irehi Ẹnẹyịmavara,

Ahẹ Ụgama 133:1

Aza ana vị anda èe dudu ra vabẹ di ẹ̀ yị nyị ahankata nị, ộ dà zoza kẹnẹ!

Ọyịkụra 23:16

Ụ rẹ vaa rị Eche ụmẹ ọnị ịsa ịnị aarẹ sị mẹ. Wàa naa sị ịsa ịnị aarẹ ana vịdị mẹ ụ vaa rị Eche ọnọọ nịnị nị. Ịrayị ọ̀ọ sị gẹ dị waa naa kụ́ ịsa ịnị aarẹ naa tẹ nịnị nị, ụ rẹ vaa rị Eche ụmẹ ọnị aa sịị kụ́ ịsa nee hi ịnị ụhwọ.

Ọyịkụra 34:22

Wàa mẹ̀ ịsa ịnị aarẹ awụ ana vịdị hụrẹ, ẹhụụ akụ avọọ, re ka waa rị eche anị. Wàa raa kụ́ ịsaa hi ịnị ụhwọ ịrayị ọ̀ọ maanị sị gẹ, rẹ tamayị dị wa rị eche anị.

Ijeremaya 32:39

Ọnị vaa mẹ ka ẹnịnị ẹ̀ nyị ayị ọnya, dị ẹ̀ rẹẹ mị ịsị ọnyọọnya. Ẹnịnị vaa sị ụbanyị yị ọnị pooro, ụvị ò zoza yị ẹnịrị ezi ẹnịnị.

Ịzẹhwanaya 3:9

Ịhị ọnọọ, Ẹnẹyịmavara kà ọnị vaa vara aza, dị ẹ kụkụ a hẹkẹ ọnị, dị ẹnịnị ẹ yị kụkụ mẹ̀ ori. Dị ẹnịnị kụkụ aa wụ́ chire ọnị Ẹnẹyịmavara.

Odeyi 1:5

Ịyẹẹyẹ, enyi obooro Ị́jọọnụụ̄ sịị mẹ ọyịhwenyii yị aza nị. Ama yị ẹwụ nịnị, ọ̀ọ na aa mẹ ẹkụhị chee, Ohomorihi vaa sị Ụhwẹ Ọnịnị hụụ wụ nịnị enyi.”

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Odeyi 20:16

Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.

Odeyi 4:24

Ẹ mẹ̀ vavọọ wụ́, di e dudu sị ayị vị ọnya, di e nowu hị́ Ohomorihi nị. Dị ẹ ka: Ohi-ọmenezeyi Ananyịwa, ẹwa mẹ ẹbẹẹba ọnịrị ẹtẹ nị. Ẹwa rẹ mẹ òkū ọnịrị avaba ịsị e hi ịnị anị nị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Odeyi 4:32

Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

Odeyi 5:12

Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị.

Aniroomi 15:6

Ọnọọ vaa mẹ ka avaba awụ nịnị ọ̀ zụ nyị ayị ọnya, dụ wa sị irenu tọ̀ ọnya, dụ wa zụụ sị ụgaa yị Ohomorihi, ana vị Ada Ijeesu Ikirisiti Ananyị yị. Aa kà enube ọyịza yị Anigiriki.

1 Anịkọrịntị 16:8

Ama Ẹhwẹsọsị ịzẹnị mị vaa yà pooro dị ẹkụhị Ịpẹntịkọsịtị ò tù nị.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Anihwiripi 2:2

Agụvị avọọ, navọ wa sị ayị yị ẹngụ, dị ụ wa rẹẹ sị ayị ọnyaa sì ịrẹyị ẹngụ nịnị, dị ụ wa rẹ nyị ariro ọnya nịnị. Ọnọọ vaa mẹ ka ịrajẹ amị ọ̀ gụ.