Odeyi 19:8 - IWE ỌNỊNỊ

⁸ Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 19:8 Iomraidhean Croise

Odeyi 1:3

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

Odeyi 13:14

Ịpọọrụ nịnị ệ hụrẹ Ipeega nọ Antịyọkị ịnị ẹkụra Ipisidiya. Ẹ́kụhị ụhwọtụ mè si tù, dị ẹ ngụ ini irehi Ohomorihi Aniju nịnị, dị ẹ na yaayịtẹ nị.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 14:1

Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́.

Odeyi 17:17

Di ee pe Aniju nịnị ọnịrị aza ana vọ ana aa hẹkẹ Ohomorihi kà ịrẹyị ini irehi Ohomorihi ẹnịnị. Dị ọ raa nọ ini orere eyinị-eyinị, ọza ana àa vẹ ini orere, di ee pe waa kà ịrẹyị.

Odeyi 18:19

Ẹ mẹ̀ va sị ngụ Ẹhwẹsọsị, dị Ịpọọrụ navọ wa tụ́ ịzọọ nị. Dị ọnị nọ ini irehi Ohomorihi Aniju nịnị, di e pe Aniju nịnị kà ịrẹyị nị.

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

Odeyi 18:4

Ẹkụhị ụhwọtụ-ẹkụhị ụhwọtụ, dị Ịpọọrụ aa nọ ini irehi Ohomorihi Aniju ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị Anigiriki nịnị ẹ̀ vara ayị nị.

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 19:7

Anọrụ ẹnịnị vị ẹhụụ ẹwụrẹva avọọ.

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 20:31

Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.