Odeyi 19:2 - IWE ỌNỊNỊ

² Dị ọ họ̀ wa ka, “Wáá sị Ụhwẹ Ọnịnị dọ, ụ mẹ̀ dọ wụ́ nịnị?” Di e tụ́ ohi, dị ẹ ka, “Yẹẹ̀ yị hyakụ wụ́ ka â nyị Ụhwẹ Ọnịnị.”

Odeyi 19:2 Iomraidhean Croise

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Odeyi 10:44

Ípita màa yịị kà ịrẹyị, dị Ụhwẹ Ọnịnị dọ ayị avaba aza ana aa wụ́ ịrẹyị anị nị.

Odeyi 19:5

Ẹ mẹ̀ maanị wụ́, dị a mẹ̀ ọyịhwọzenyi yị wa ịnị ịrẹha Ijeesu nị.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Aniroomi 1:11

Ayị amị ộ sị ọọ ẹtẹẹtẹrẹ ka me ve hee wu nịnị, dị ma zụ sị ẹyịza ọnị Ụhwẹ Ohomorihi sị yị mị yị wụ nịnị, dị ụ wa zụ nyị ụkata nịnị.

1 Anịkọrịntị 6:19

Aanị ka wẹ yị yẹ nịnị ka ẹngụ awụ nịnị ọ vị irehi Ohomorihi ịzị Ụhwẹ Ọnịnị yà nị? Ụhwẹ Ọnịnị ọnọọ vị ana ra ịnịnẹ awụ nịnị; ịdị Ohomorihi ọ hụrẹ vẹ nị. Ẹ yị vị ẹwụ nịnị ọ nyị ẹngụ awụ.

Anigaratiya 3:5

Ụ wáá ka agụvị ka wáa saasa ọda nịnị, Óhomorihi aa sịị sị Ụhwẹ Ọnịnị wụ nịnị, dị ọ raa mẹ̀ ụkọrọ ohyozirenu ịnị akakana awụ nịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

1 Ịsamụwẹrị 3:7

Ịsamụwẹrị ộ yị yẹ ka Ẹnẹyịmavara aa hị́ ọnị nị, agụvị ka ọza ộ yị sị ịrẹyị Ẹnẹyịmavara zụ̀ ọ.