Odeyi 18:9 - IWE ỌNỊNỊ

⁹ Ịrahụ ẹkụhị ọnya, Ịpọọrụ ô re ẹtẹ, dị Ananyị yị kà ịrẹyịị yọ nị. Dị ọ ka, “Asị u hí angwa, wa yịị kà enube ọyịza! Asị ụ hụrẹ ụvọ,

Odeyi 18:9 Iomraidhean Croise

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ijeremaya 1:17

Ijeremaya ka Ẹnẹyịmavara ọọ ka yị ọnị ka, ọnị o tenyi ẹngụ anị, dị ọnị ọ̀ kà a yị Anijerusarẹmị nịnị avaba ịsa ọnị ọnị ọ̀ọ mẹ ọda yọ, ọ ka, asị ọnị hụvị ẹnịnị hụrị ayịnẹ ka ẹ̀ẹ vị avọọ vị ọnị aa mẹ ayị hụrị ọnị ịnẹ nị eyi ẹnịnị nị.

Arụwẹ 3:57

Wậ kà pe mị, ịjị mị hị́ wụ, dị ụ kà a yị mị ka asị mị hí angwa nị.

Ijona 3:2

Dị ọ kà Ijona ọ̀ nọ Ininivẹ, ẹkụra ọbanyị ọnọọ, dị ọ na ka ụtụ ọnị ọnị tụ́ ọ hi wa nị.

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Odeyi 16:9

Ịrahụ ịhị ọnọọ, Ịpọọrụ ô re ẹtẹ. Ô re ka â nyị ọnọrụ Animasedoniya ana jẹẹ dị aa dá ịpẹẹ yị ọnị ka, ọnị ọ̀ vẹ Imasedoniya, dị ọnị ọ̀ va gụ ẹnị ụvọ.

Odeyi 18:10

agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Odeyi 22:18

Di mi re Ananyị yị, dị ọ kà a mị ka maa wụsẹ hụrẹ Ijerusarẹmị buru-buru, agụvị ka ivenu anị ọnị màa dọ, ẹnịnị ẹyị vaa dọ ọ wụ́.

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Odeyi 9:10

 nyị ozirẹma ọnya ana yà Ịdamasịkọsị. Ịrẹha anị ọ rị Ananịya nị. Ô re ẹtẹ, dị Ohomorihi hị́ ọ ka, “Ananịya!” Dị ọ ka, “Ẹmị yị, Ananyị yị.”

1 Anịkọrịntị 9:1

Ẹ yị nyị ịsị ẹ za mị ka asị mị mẹ̀ ịsa ene zé mi eyi. Ụ wáá ka wẹ yị yẹ nịnị ka ezirẹma Ijeesu mị vị nị? Mâ sị eyi amị ọnọnị re Ijeesu Ananyị yị. Ẹwụ nịnị ụvọta vị ụkọrọ ụvọ amị ọnị maa mẹẹ yị Ananyị yị.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.