Odeyi 18:8 - IWE ỌNỊNỊ

⁸ Ikirisipụsị ana vị ọdọvịdị ini irehi Ohomorihi ọnọọ ọnịrị avaba aneehi anị ệ sị ayị tụra Ananyị yị. Anịkọrịntị ọrụrụ-ọrụrụ ana wụ́ ịrẹyị Ohomorihi ệ rẹ sị ayị tụra a bẹẹ, dị a mẹ̀ ọyịhwọzenyi yị wa nị.

Odeyi 18:8 Iomraidhean Croise

Oyinyima 17:27

Ịhị ọnọọ avaba anọrụ ini ohweje Abụrahamị, aza ana a ma ini ohweje anị ọnịrị aza ọnị ọ sị ẹkẹhị anị hị́ hụụnị ụvọ ọzọga, ịhị ọnọọ ọnịrị wa jị ụvẹvẹnẹ nị.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Ịmaakị 5:22

Re, ọza ịnya aanị ịnị ọdọvịdị irehi ahẹkẹ Aniju nịnị ộ vẹ. Ịrẹha anị ọ rị Ịjayịrọọsị nị. O mè re Ijeesu, dị ọ và ku ẹtẹ ọ́vịdị anị nị.

Ịmaakị 5:35

Íjeesu màa yịị kà ịrẹyị, dị ọnụtụ hụụnị eehi ọdọvịdị irehi Ohomorihi ọnọọ vẹ nị. Dị ẹ kà a yị Ịjayịrọọsị ka, “Ozi ewu ô wusu, sị ẹ vẹ dị ụ kụkụ aa tụ́ Ọga akanya?”

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Odeyi 11:14

ka ọ vaa kà ịrẹyịị yị ọnị ana vaa mẹ ka ọnịrị aneehi anị ẹ̀ zụ há.

Odeyi 13:15

Ịjị a sị iwe ọda Imosiisi ọnịrị iwe ọnịsẹ nịnị kà, dị ọdọvịdị irehi Ohomorihi ọnọọ tụ́ ne tù Ịpọọrụ nịnị, dị ẹ ka, “Ẹnẹbẹnị ayị, ị yaanị sì ka wa kà ịrẹyị yị aza ẹnẹnị nịnị, wàa nyị ịrẹyị ana a vọrọ ka ọ̀ tụ́ wa ọtụtụrụma.”

Odeyi 16:34

Dị ọ sị Ịpọọrụ ọnịrị Isira nọ ini eehi anị, dị ọ sị ịsọyịrị yị wa nị. Ọnịrị aneehi anị kụkụ aa jẹ, agụvị ka ẹ sị Ohomorihi dọ wụ́.

Odeyi 18:1

Ịrẹma ịrẹyị ẹnẹnị, dị Ịpọọrụ hụrẹ Atẹnị, dị ọ nọ Ịkọrịntị nị.

Odeyi 18:17

Dị Anigiriki nịnị za Isositenesi ana vị ọdọvịdị irehi Ohomorihi Aniju, di e tụ́ ọọ ọ́vịdị ikootu gẹdẹ-gẹdẹ nị. Ama ẹ yị nyị ịzị ọnọọ kanyị Igariyo vụrụ-vụrụ.

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.

Odeyi 8:12

Ama Íhwiripi ọnị mẹ̀ va kà enube ọyịza ịjọva Ohomorihi ọnịrị ịrẹha Ijeesu Ikirisiti yị wa, dị ẹnịnị dọ wụ́, â mẹ̀ ọyịhwọzenyi yị wa, anọrụ ọnịrị anẹẹ ẹnịnị.

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

2 Anịkọrịntị 1:1

Ẹma vị Ịpọọrụ nị, Ohomorihi ô sì ọọ ka ma vị ozirẹma Ijeesu oni Ohomorihi nyị mẹ ohinọyị ka ọ̀ dọ yị ha. Ẹmịrị Itimoti ẹnẹbẹnị ayị aa chẹrẹ iwe ọnọnịị tụ́ụ hi wu nịnị anịragụ Ohomorihi ene hi Ịkọrịntị beri avaba aa Ohomorihi ene hi ẹtẹ Akaya nị.

2 Anịkọrịntị 1:23

Mâ sị Ohomorihi tẹ ivenu, ọ rẹ yẹ ayị amị. Agụvị ma rẹ sị oze tụ́ ọọ wụ nịnị, m mẹẹ̀yị sị vavẹ Ịkọrịntị nị.

2 Anịkọrịntị 6:11

Ẹwụ nịnị Anịkọrịntị, ya raà sị ịzẹyịza ayị zụ̀ wụ nịnị, ayị ayị ô hine tù wu nịnị.

2 Itimoti 4:20

Ẹrasịtụsị yà Ịkọrịntị, mâ navọ Itirohwimọsị tụ́ Imiretụsị agụvị ka ẹngụ aa zị ọọ.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.