Odeyi 17:2 - IWE ỌNỊNỊ

² Anka Ị́pọọrụ mẹ̀ yị mẹ, dị ọ rẹ ngụ ini irehi Ohomorihi ọnọọ nị. Ộ yà ịzọọ mẹ ẹkụhị ụhwọtụ ẹẹta, dị aa sị ịrẹyịị hụụnị Iwe Ohomorihi beri wa kà ịrẹyị nị.

Odeyi 17:2 Iomraidhean Croise

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Iruuku 4:16

Ijeesu ộ vẹ Ịnazarẹtị, ịzị a yà pá a. Ẹ́kụhị ụhwọtụ mè si tù, dị ọ rẹ nọ ini irehi Ohomorihi Aniju nịnị nị, anka ọ mẹ̀ vịdị yị mẹ. Dị ọ kwẹẹtẹ ka ọnị ọ̀ kà Iwe Ohomorihi nị.

Ịjọọnụ 18:20

Dị Ijeesu tụ́ ohi, dị ọ ka, “Ịnị eyigede mị yàā kà ịrẹyị amịị yị avaba anẹhẹ nị. Ini irehi Ohomorihi mị yàā zụ̀ aza ịsa nị, ọnịrị ini irehi Ohomorihi ịzị Aniju nịnịị̄ kụ́ gụ. Ẹ yị nyị ịrẹyị amị ọnị mịị̄ kà ini ewere.

Odeyi 13:14

Ịpọọrụ nịnị ệ hụrẹ Ipeega nọ Antịyọkị ịnị ẹkụra Ipisidiya. Ẹ́kụhị ụhwọtụ mè si tù, dị ẹ ngụ ini irehi Ohomorihi Aniju nịnị, dị ẹ na yaayịtẹ nị.

Odeyi 13:5

E mè tù ẹkụra ana aā hị́ Isaramisi, dị ẹ nọ ini irehi Ohomorihi Aniju nịnị, dị ẹ na kà enube ọyịza yị wa nị. Ệ sị Ịjọọnụ za ka ọ̀ọ mẹ ọgụvọọ yị ẹnị ịnị ụkọrọ ọnọọ.

Odeyi 14:1

Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́.

Odeyi 17:10

Ẹ́tẹ mè si hozi kẹnẹ, dị ọdọwụ nịnị ka Ịpọọrụ ọnịrị Isira ẹ̀ẹ nọ Ibereya nị. Ịjị e tù ịzọọ, dị ẹ nọ ini irehi Ohomorihi Aniju nịnị nị.

Odeyi 17:17

Di ee pe Aniju nịnị ọnịrị aza ana vọ ana aa hẹkẹ Ohomorihi kà ịrẹyị ini irehi Ohomorihi ẹnịnị. Dị ọ raa nọ ini orere eyinị-eyinị, ọza ana àa vẹ ini orere, di ee pe waa kà ịrẹyị.

Odeyi 18:4

Ẹkụhị ụhwọtụ-ẹkụhị ụhwọtụ, dị Ịpọọrụ aa nọ ini irehi Ohomorihi Aniju ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị Anigiriki nịnị ẹ̀ vara ayị nị.

Odeyi 19:8

Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 8:35

Dị Ihwiripi nyima aa kà ịrẹyị, dị ọ sị ịrẹyị anị hụrẹ ịzị ọnọrụ ọnọọ aa kà gẹdẹ-gẹdẹ ini Iwe Ohomorihi, dị ọ kà enube ọyịza Ijeesu yọ nị.

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.

1 Ịsamụwẹrị 12:7

Booro aanị, ọzọza ọ̀ jẹẹ, dị ma tụ́ wụ nịnị ohuvọ ọvịdị Ẹnẹyịmavara. Maa tama awụ nịnị ayị avaba ịsa ẹbanyị-ẹbanyị ọnị Ẹnẹyịmavara raà mẹ̀ ọnị ọ sị dọ ẹwụrị ohiku awụ nịnị ha.