Odeyi 16:3 - IWE ỌNỊNỊ

³ Ịpọọrụ ee sì ka ọnị ọ̀ sị Itimoti za, agụvị avọọ dị ọ jị ọọ ụvẹvẹnẹ nị. Ọ vavọọ mẹ, agụvị ka avaba Aniju ene hi ịzọọ ệ yẹ Itimoti ka ada anị vị Anigiriki.

Odeyi 16:3 Iomraidhean Croise

Odeyi 15:20

Ama à vẹ ya chẹrẹ iwe tụ́ hi wa ka asị ẹ nyị ụvọ tụ́ ịnị ịrẹyị ori, ka ọ va vara wa aza ẹnẹ ẹ̀ yị nị. À rẹ kà a yị wa ka asị ẹ rẹ sẹ̀ ịrẹka, asị ẹ rẹ̀ rẹ rị uye enee sima ọrọkọ wụ. Asị ẹ rẹ rị anya.

Odeyi 15:37

Ịbanabasị ee sì ka ẹnịrị Ịjọọnụ ọnị ịrẹha ẹtẹ anị rị Ịmaakị ẹ̀ zị.

Odeyi 15:40

Dị Ịpọọrụ ọnị rẹ nyị Isira, dị ọdọwụ nịnị sị wa chire Ohomorihi ụvọ ka ọ̀ mẹ ọyịza yị wa; dị ẹyaa na nị.

1 Anịkọrịntị 7:19

Ọza ọ̀ọ jị ụvẹvẹnẹ, ọ̀ yị jị ụvẹvẹnẹ, ẹ yị nyị ọ mẹ̀ kà. Ịsị ẹ vị ịrẹyị obooro ọ vị ka ọza ọ̀ sị ụvọ za ọda Ohomorihi nị.

1 Anịkọrịntị 9:20

Màa yà ịdị Aniju, dị maa mẹ̀ ebira Aniju, agụvị ma zụ mẹ ka ẹ̀ va dọ Ijeesu Ohinọyị oni Ohomorihi nyị ka ọ̀ dọ yị há wụ́. Mèe tù ịdị aza ana aa mẹ ẹhẹ ẹnịnị anka ọda Imosiisi, dị ẹmị raa mẹ anka ẹnịnị, agụvị dị ma zụ mẹ ka ẹ̀ va dọ Ijeesu Ohinọyị oni Ohomorihi nyị ka ọ̀ dọ yị há wụ́. Ama ẹmị ẹyị kụkụ daka yà ịnị ụvọ ọda kẹnẹ.

Anigaratiya 2:3

Ama ọza ọ yị sị ụkata za Ịtayịtọsị ana hyakụ vị Anigiriki ka ọ̀ jị ụvẹvẹnẹ.

Anigaratiya 2:8

Ẹ́ẹ yẹ ka Ohomorihi ọ́ọ sị ụkata yị Ipita ka ọ̀ vị odeyi anị yị Aniju. Avọọ gẹdẹ-gẹdẹ Óhomorihii ọnị mẹ̀ rẹ sị ụkata mị ka ma vị odeyi anị yị aza ẹnẹ ẹ̀ yị vị Aniju nị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anihwiripi 2:22

Wáa yẹ nịnị ka Itimoti ọ́ọ nyị ebira. Ẹmịrị ọ ô dudu kà enube ọyịza. Ô pe mi mẹ̀ ụkọrọ ọnọọ anka ozi mee pe ada anịị mẹ̀ ụkọrọ avọọ.