Odeyi 16:1 - IWE ỌNỊNỊ

¹ Ịpọọrụ ọ na ngụ Idabe ọnịrị Ịrịsịtịra. Â nyị ọdọwụ ọnya aanị ana ra ịzọọ, ana aā hị́ Itimoti. Ọnyị anị ọnị rẹ vị ọdọwụ, dị ahịka Aniju ọ vị nị. Ama ada anị vị Anigiriki.

Odeyi 16:1 Iomraidhean Croise

Ẹzịra 9:2

Aza ẹnyị ịnị anọrụ Anisirẹrị ệ nyị ọnẹẹ Anikinami, dị ẹ navọ ezi ẹnịnị ka ẹnị ẹ rẹ na nyị anẹẹ Anikinami nị. Ọdọvịdị ọnịrị azọkụ Anisirẹrị ẹ vị ọnyị ịnị ebira ụhị ọnọọ nị. Aza Ohomorihi ẹ sị va hụra Anikinami nịnị.

Odeyi 14:1

Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́.

Odeyi 14:21

Ịpọọrụ nịnị ệ kà enube ọyịza Ídabe, dị ẹ mẹ ka aza ọrụrụ ẹ̀ vara ezirẹma nị. Dị ẹnịnị varẹma nọ Ịrịsịtịra, dị ẹ hụụ ịzọọ nọ Ayịkọnịyọmị ọnịrị Antịyọkị nị.

Odeyi 14:6

Ịjị odeyi nịnị maanị wụ́, di e zwe nọ Ịrịsịtịra ọnịrị Idabe nị. Ẹkụra ẹnẹẹ vị ene hi ịnị ẹtẹ Irakoniya. Dị ẹ rẹ nọ ẹkụra ọsa ana kara wa nị.

Odeyi 17:14

Dị ọdọwụ ene hi ịzọọ wụsẹ ka Ịpọọrụ ọ̀ọ na huuu dị ọ̀ na ngụ ụtọ oku nị. Di Isira ọnịrị Itimoti ẹnị yị yà Ibereya nị.

Odeyi 18:5

Ịjị Isira ọnịrị Itimoti hụrẹ Imasedoniya vẹ, dị Ịpọọrụ kụkụ nyayịnẹ aa kà enube ọyịza nị. Dị aa kà a yị Aniju nịnị ka Ijeesu ọ vị Ikirisiti nị.

Odeyi 19:22

Dị ọ tụ́ Itimoti ọnịrị Ẹrasịtụsị, aza ẹnị ẹẹva ịnị aza ene ee pee mẹ̀ ụkọrọ, nọ Imasedoniya nị. Dị ọnị yị yà ẹtẹ Esiya kù chee nị.

Aniroomi 16:21

Itimoti ẹnẹ ẹmịrịị dudu aa mẹ̀ ụkọrọ ka ọnị kụ́ wụ nịnị. Irusiyọsị ọnịrị Ijasoni, beri Isosipata anda ayị Aniju ka ẹnị rẹ kụ́ wụ nịnị.

1 Anịkọrịntị 16:10

Itimoti ọ̀ọ vẹ ịdị awụ nịnị, re ka waa mẹ̀ ẹ inohine nịnị! Wâ yẹ ka ọnị vị ana raa mẹ ụkọrọọ yị Ananyị yị anka ẹmị.

1 Anịkọrịntị 4:17

Agụvị avọọ, gẹdẹ-gẹdẹ, maa tụ́ Itimotii hi wu nịnị. Itimoti vị ozi emi oni mi sì ịrẹyị anị. Ayị ọnya aa sịị mẹ̀ ụkọrọ yị Ananyị yị nị. Ọ vaa tama wụ nịnị ayị ahụ oni mee sii hi ẹtẹ ini oze Ijeesu Ikirisiti ọnịrị ọnị mị raa sịị zụ̀ aza aha tụra aha ọnịrị ịnị ịragụ Ohomorihi tụra ịragụ Ohomorihi ọnị màa nọ.

1 Anịkọrịntị 7:14

Ọnọrụ ẹnẹ ẹ̀ yị dọ wụ́, ose anị ọ raà sị ọ tụ́ irenyi yi Ohomorihi, agụvị ka ọnị ộ dọ wụ́. Ọnẹẹ ẹnẹ ẹ̀ yị dọ wụ́, ọva anị ọnị ọ rẹ raà sị ọ tụ́ irenyi yị Ohomorihi, agụvị ka ọnị ộ dọ wụ́. Ẹ̀ yị vị avọọ, ẹnịnị ẹ yị zụ́ sị ezi ẹnịnị tụ́ irenyi yị Ohomorihi. Ama ọ mẹ yà aanị, ezi ẹnịnị kụkụ vaa vị ọnịnị.

2 Anịkọrịntị 1:1

Ẹma vị Ịpọọrụ nị, Ohomorihi ô sì ọọ ka ma vị ozirẹma Ijeesu oni Ohomorihi nyị mẹ ohinọyị ka ọ̀ dọ yị ha. Ẹmịrị Itimoti ẹnẹbẹnị ayị aa chẹrẹ iwe ọnọnịị tụ́ụ hi wu nịnị anịragụ Ohomorihi ene hi Ịkọrịntị beri avaba aa Ohomorihi ene hi ẹtẹ Akaya nị.

2 Anịkọrịntị 1:19

Ijeesu Ikirisiti ana vị Ozi Ohomorihi ẹnẹ ẹmịrị Isirivanọsị beri Itimoti kà ịrẹyị anịị wụ nịnị, ayị vị ọza hịịn eyiye ọ vị. Ọ̀ọ kà a ka “hịịn”, “hịịn” ọ vị nị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anihwiripi 2:19

Ijeesu Ikirisiti Ananyị yị òo sì, mi vee jintuu tụ́ Itimotii hi wu nịnị. Ọ̀ọ vavẹ va kà enube awụ nịnịị mị, ayị amị vaa nẹtẹ.

Anikorasi 1:1

Ẹma vị Ịpọọrụ oni Ohomorihi sì ka ọ̀ vị odeyi Ijeesu Ikirisiti nị. Ẹmịrị Itimoti ọnẹbẹnị ayị ini oze Ijeesu ọ chẹrẹ iwe ọnọnị tụ́ hi

1 Anịtẹsaronika 1:1

Ẹmị Ịpọọrụ beri Isirivanọsị ọnịrị Itimoti aa chẹrẹ iwe ọnọnịị tụ́ụ hi anịragụ Ohomorihi ana yà ẹkụra Ịtẹsaronika nị. Ẹnịrị Ohomorihi Ada ọnịrị Ijeesu Ikirisiti Ananyị yị ẹ sị vị ọnya. Ohomorihi Ada ayị ọnịrị Ijeesu Ikirisiti Ananyị yị ẹ mẹ ọyịza wụ nịnị, dị ẹ rẹ sị ẹngwọọrọ yị wụ nịnị!

1 Anịtẹsaronika 3:2

dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị,

1 Anịtẹsaronika 3:6

Itimoti ọ va zị hụụ ịdị awụ nịnị ve tù yi. Enube ọnị ọ za va kà a yị, óo zoza ka vị ụ yị sị ayị tụra Ikirisiti nịnị, du u ree yii sì ịrẹyị ọza nịnị nị. Ọ kà waa tamayị ayị nịnị pooro, ọnịrị ka eyi ayị aa tụra wụ nịnị ẹtẹẹtẹrẹ, anka éyi ẹwụ nịnị ọnị mẹ̀ raa tụra ẹyị.

2 Anịtẹsaronika 1:1

Ẹmị Ịpọọrụ beri Isirivanọsị ọnịrị Itimoti aa chẹrẹ iwe ọnọnịị túu hi anịragụ Ohomorihi ana yà ẹkụra Ịtẹsaronika, ẹnẹ ẹnịrị Ohomorihi Ada ayị sị vị ọnya, dị ẹnịrị Ijeesu Ikirisiti Ananyị yị rẹ sị vị ọnya.

1 Itimoti 1:18

Itimoti ozi emi, maa mẹ̀ ọda ịrẹyị ẹnẹnịị yị wu. Ịrẹyị ọnọọ ọ́ọ jịrị ịrẹyị ọnị ọnịsẹ nịnị vịdị kà ini oze awụ. Sị ịrẹyị ẹnẹẹ mẹ ẹnya ịrẹkụ ọnị ụ vaa sị kụ̀ ịrẹkụ ozoza!

1 Itimoti 1:2

Maa chẹrẹ iwe ọnọnịị tụ́ụ hi wu Itimoti, ana vị ozi emi ini oze ka ẹma sị ọọ vẹ ka ọ̀ va sị ayị tụra Ohomorihi nị. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, ọ vayị awụ, dị ẹ̀ rẹ mẹ ẹngwọọrọ yị wụ.

2 Itimoti 1:2

Maa chẹrẹ iwe ọnọnịị tụ́ụ hi wu Itimoti ozi emi, mée sì ịrẹyị awụ. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, dị ẹ̀ vayị awụ, dị ẹ̀ rẹ mẹ ẹngwọọrọ yị wụ.

2 Itimoti 1:5

Ma rẹ tamayị, ụ mẹmẹ sị ayị ọnya tụra Ohomorihi. Avọọ Ịrọyịsị ọnyị awụ ọbanyị ọnịrị Iyunisi ọnyị awụ mẹ̀ rẹ sị ayị ọnya tụra Ohomorihi nị. Mâ yẹ kaakara ka avọọ ẹwụ mẹ̀ rẹ sị ayị ọnya tụra Ohomorihi nị.

2 Itimoti 3:11

Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị.

Ihwirimọnị 1:1

Ẹmị Ịpọọrụ ana yà ịnị ẹngwa agụvị enube ọyịza Ijeesu Ikirisiti ne beri ẹnẹbẹnị ayị Itimoti ini Ikirisiti aa chẹrẹ iwe ọnọnịị tụ́ụ hi ẹwụ ọta ayị Ihwirimọnị oni yi sì ịrẹyị anị, ọnị ẹyịrị dudu aa mẹ̀ ụkọrọ ọnyara.

Anihiburu 13:23

Wáá yẹ ka a raà sị Itimoti ẹnẹbẹnị ayị hụụnị ẹngwa nịnị? Òo jintu vẹ, ẹmịrị ọ, ọ vaa zị vee hee wu nịnị nị.