Odeyi 15:5 - IWE ỌNỊNỊ

⁵ Ama dị aza ẹnyị ini ogu Anihwarisi nịnị ana va dọ wụ́ kwẹẹtẹ, dị ẹ ka, “Â nyị ka à jị wa ụvẹvẹnẹ, di è re hú wa ụvọ ka è sị eyi pe ọda Imosiisi!”

Odeyi 15:5 Iomraidhean Croise

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Odeyi 15:1

 nyị aza ẹnyị aanị ana hụrẹ Ijudiya vẹ, dị ẹyaa zụ̀ ọdọwụ nịnị ịsa nị, dị ẹ ka, “Ẹ̀ yị vị a jị wụ nịnị ụvẹvẹnẹ anka ọda Imosiisi, wẹ yị zụ há nịnị.”

Odeyi 15:24

Yâ wụ́ ka aza ẹnyị ana hụụnị akakana ayị vẹ, aa sẹ̀ ịrẹkaa kụ́ ọọ kata wụ nịnị ẹngụ. Eyee sì ka ẹnị ẹ̀ và ayị awụ nịnị zí. Ama yẹ yị tụ́ wa ụtụ vụrụ-vụrụ.

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 24:5

Ya sị yẹ ka enezigi ọ́nọrụ odivi ọnọnị vị nị. Aa mẹ ka avaba Aniju nịnị avaba ẹhẹ ệ mẹ ẹvazi. Ọnị ọ vị ọdọvịdị ogu Anịnazarẹtị nịnị nị.

Odeyi 28:22

Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Odeyi 5:17

Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị.

1 Anịkọrịntị 7:18

Ọza ana àa sị ụvẹvẹnẹ jị dị Ohomorihi vaa hị́ ọọ nị, asị ọ kà a ka ọnị aa sị ụvẹvẹnẹ ọnọọ kwooze! Ọza ẹnẹ ẹ̀ yị jị ụvẹvẹnẹ dị Ohomorihi va hị́ ọọ, asị ọ na kà a ka ọnị aa jị ụvẹvẹnẹ!

Anigaratiya 2:11

Ụmẹ ọnya, Ípita mẹ̀ vẹ Antịyọkị, mê beri ọọ zyaazị éyi avaba aza, agụvị ka ịsị ọ mẹ, o yi zoza.

Anigaratiya 2:14

Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”