Odeyi 15:4 - IWE ỌNỊNỊ

⁴ Ịjị e tù Ijerusarẹmị, anịragụ Ohomorihi beri odeyi nịnị ọnịrị azọkụ ịragụ nịnị ệ kụ́ wa nyaasẹ ẹtẹẹtẹrẹ. Dị Ịpọọrụ nịnị kà a yị wa avaba ịsị Ohomorihi pe wa mẹ nị.

Odeyi 15:4 Iomraidhean Croise

Imatiwu 10:40

“Ọza ana àa dọ wụ nịnị ọzọga, ẹmị ọ rẹ dọ ọzọga avọọ nị. Ọza ana àa dọ mị ọzọga, Ohomorihi ana tụ́ mị, ọ dọ ọzọga avọọ nị.

Odeyi 11:30

Ịzẹyịza, dị ẹ vavọọ mẹ nị. Dị ẹ sị ịsị e re tụ́ Ịbanabasị ọnịrị Ịsọọrụ hi azọkụ ịragụ Ohomorihi ene hi Ijerusarẹmị nị.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Odeyi 15:12

Ịbanabasị ọnịrị Ịpọọrụ ệ kwẹẹtẹ, dị ẹyaa kà a ụkọrọ ohyozirenu ọnịrị apọtẹrẹwa oni Ohomorihi zị oze ịnị ụvọ ẹnịnị mẹ ịnị akakana Anigiriki nị. Ẹ màa kà a, dị avaba ẹnịnị kú irenu nị.

Odeyi 15:2

Agụvị avọọ, Ịpọọrụ ọnịrị Ịbanabasị ê pe wa nyị ahankata ẹtẹẹtẹrẹ. Dị ọdọwụ nịnị ka Ịpọọrụ ọnịrị Ịbanabasị ẹ̀ hịrẹ nọ Ijerusarẹmị ne tù odeyi ọnịrị azọkụ ịragụ Ohomorihi agụvị ịrẹyị ọnọnị nị.

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 15:6

Dị odeyi nịnị ọnịrị azọkụ ịragụ nịnị gẹ, ka eni è ro tụ́ ịnị ịrẹyị ọnọọ nị.

Odeyi 16:4

Ẹ màa na ịnị ẹkụra ẹnẹẹ, dị ẹ kà a yị ọdọwụ ene re hi ịzọọ ka è sị eyi pe ọda ana odeyi nịnị ọnịrị azọkụ ịragụ Ohomorihi mẹ Íjerusarẹmị nị.

Odeyi 18:27

Ịjị Aporo ka oni ee sì ka ọnị ọ̀ nọ Akaya, dị ọdọwụ nịnị chẹrẹ iwe tụ́ hi ezirẹma ene hi ịzọọ ka ẹ̀ dọ ọ pe ẹngụ nị. Ịjị Aporo tù ịzọọ, ộ mẹ̀ ọgụvọ yị aza oni Ohomorihi mẹ ọyịza yị, dị ẹ dọ wụ́ nị.

Odeyi 21:17

Ị mẹ̀ va sị ngụ Ijerusarẹmị, ọdọwụ ene hi ịzọọ ê sì yi ọzọga ẹtẹẹtẹrẹ.

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Aniroomi 15:18

Mẹ yị vaa nyayịnẹ ẹ kà ịsa oni Ikirisiti ọ̀ yị zị oze ịnị ụvọ amị mẹ. Ộ mẹ ka ma kụ́ Anigiriki ka ẹ̀ va dọ ịrẹyị Ohomorihi wụ́ ini oze ịrẹyị amị ọnịrị ịsa ọnị mị mẹ

Aniroomi 15:7

Waa za ẹngụụ gụrị ẹngụ nịnị, anka Íkirisiti mẹ̀ za wụ nịnị gụrị ẹngụ, dị aza ẹ̀ zụụ sị ụgaa yị Ohomorihi.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

2 Anịkọrịntị 5:19

Ini oze Ikirisiti, Ohomorihi ọ raà vara anẹhẹ ọta anị. Ohomorihi ọ yị kụkụ za ịvị ẹnịnị tụ́ wa ọrọkọ. Ô si enube chire yi ụvọ ka yaa kà a ka ọnị ọ raà vara aza ọta anị.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.

2 Ịjọọnụ 1:10

Àa nyị ọza ana vẹ ini eehi awụ nịnị, dị ẹ̀ yị vị ịrẹyị ọnị Ijeesu sị zụ̀ yị ọ za vẹ nị, asị ụ dọ ọ tụ́ ini eehi awụ nịnị, asị ụ hyakụ kụ́ ọ nịnị vụrụ-vụrụ.