Odeyi 15:1 - IWE ỌNỊNỊ

¹ Â nyị aza ẹnyị aanị ana hụrẹ Ijudiya vẹ, dị ẹyaa zụ̀ ọdọwụ nịnị ịsa nị, dị ẹ ka, “Ẹ̀ yị vị a jị wụ nịnị ụvẹvẹnẹ anka ọda Imosiisi, wẹ yị zụ há nịnị.”

Odeyi 15:1 Iomraidhean Croise

Ireevi 12:3

Ọ kà ịhị ẹgwẹhịnta ọnị ọ́ ma ozi ọnọọ, a vaa jị ọ ụvẹvẹnẹ.

Ịjọọnụ 7:22

Imosiisi ộ vịdị kà a wụ nịnị ka waa jị ozi ewu nịnị ụvẹvẹnẹ, ama ẹ yị vị Imosiisi ọnị ụvọta ọ kà a, ohiku awụ nịnị o nyima anị nị. Ụụ̄ hyakụụ jị ozi ọnọrụ awụ nịnị ụvẹvẹnẹ ịnị ẹkụhị ụhwọtụ.

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:24

Yâ wụ́ ka aza ẹnyị ana hụụnị akakana ayị vẹ, aa sẹ̀ ịrẹkaa kụ́ ọọ kata wụ nịnị ẹngụ. Eyee sì ka ẹnị ẹ̀ và ayị awụ nịnị zí. Ama yẹ yị tụ́ wa ụtụ vụrụ-vụrụ.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 15:32

Ijudasi ọnịrị Isira ẹnị vị ọnịsẹ. Ê pe aza ẹnẹẹ kà ịrẹyị ẹtẹẹtẹrẹ, di e hú wa ụvọ, dị ẹ tụ́ wa ọtụtụrụma nị.

Odeyi 15:5

Ama dị aza ẹnyị ini ogu Anihwarisi nịnị ana va dọ wụ́ kwẹẹtẹ, dị ẹ ka, “Â nyị ka à jị wa ụvẹvẹnẹ, di è re hú wa ụvọ ka è sị eyi pe ọda Imosiisi!”

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Odeyi 6:14

Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.”

Anigaratiya 2:1

Ịrẹma ịrayị ẹwụrẹna para hu, ẹmịrị Ịbanabasị ọ́ọ varẹma nọ Ijerusarẹmị, dị mị rẹ sị Ịtayịtọsị za nị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anigaratiya 6:12

Aza ene ee sì ka, à kà ka à yẹ ẹnị ịnị ẹhẹ, ẹnị ẹyaa sị ụkataa za wụ nịnị ka wa jị ụvẹvẹnẹ nịnị nị. Eyi sì ka à sị ụya rị ẹnị agụvị enube isu Ikirisiti ị́rẹsụ apavahị.

Anikorasi 2:16

Agụvị avọọ asị ụ zẹẹ ka ọza ọ̀ kụkụụ jị ịvịị wụ nịnị ini oze ịsọyịrị ọnịrị isu wee hú nịnị. Asị ụ rẹ kụkụ zẹẹ ka àa mẹ ọdaa wụ nịnị ini oze eche ọyịrị, ẹhụụ eche ụhwẹ ọwọọwa ọnịrị ẹkụhị ụhwọtụ.

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.