Odeyi 13:6 - IWE ỌNỊNỊ

⁶ Ệ ngụ ẹkụra ọnọọ ene enyi kara, dị ẹ na pooro di e ne tù ịzị aā hị́ Ịpahwọsị nị. E ne tù ọnịvọpa ọnya ịzọọ ana aā hị́ Ozi Ijeesu. Aniju ọ́za ọnọọ vị nị; dị ọ vị ọnịsẹ ireche nị.

Odeyi 13:6 Iomraidhean Croise

1 Ohinọyị 22:22

Dị ọ ka ọnị vaa jịnẹ tụ́ ẹhẹ, dị ọnị na mẹ ka avaba ọnịsẹ Ahabị ee cheeche. Dị Ẹnẹyịmavara kà ọ̀ jịnẹ na dị ọ vavọọ na mẹ, ka ụsẹ anị vee zoza.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

Ọyịkụra 22:18

Ọnẹẹ ana aa mẹ ẹbẹ vị ana a vaa wụ̀.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Ịzakaraya 13:3

Àa nyị ọza ana kà ịsẹ, ọnyị ọnịrị ada anị vaa kà a ka a wụ́ ọ agụvị ka ee cheeche ịnị ịrẹha Ẹnẹyịmavara. Ọ̀ọ kà ịsẹ, ọnyị ọnịrị ada anị vaa jị ụhwọ ngụ ẹngụ di o su.

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Ịmaakị 10:46

Ẹnịnị e ve tù ẹkụra Ijeriko. Ọ́nịrị ezirẹma anị mẹ̀ hụrẹ Ijeriko, ọkọnị aza ệ saasa wa. Ogweyi ọnya aanị ana aā hị́ Ibatimeyọsị, ozi Itimeyọsị, ộ yaayịtẹ ụtọ oze, aa pà ịsaa rị.

Odeyi 13:13

Ịpọọrụ nịnị ệ hụrẹ Ịpahwọsị, dị ẹ ngụ ẹpa nọ Ipeega ịnị ẹkụra Ipamihwiriya nị. Dị Ịjọọnụ Ịmaakị hụrẹ wa ụvọ ịzọọ, dị ọ sị varẹma nọ Ijerusarẹmị nị.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

2 Anịkọrịntị 11:13

Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị.

2 Itimoti 3:8

Ịyẹẹyẹ, Ijanesi ọnịrị Ijambire ệ kụ̀ hịrẹ Imosiisi; avọọ gẹdẹ-gẹdẹ aza ẹnẹnị mẹ̀ẹ̄ kụ̀ụ hịrẹ ịzẹyịza nị. Ayị ẹnịnị eyi kuku zoza; Ohomorihi ọ sị wa yi tịtẹ, agụvị ka ẹyị nyị ịzẹyịza.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.