Odeyi 13:5 - IWE ỌNỊNỊ

⁵ E mè tù ẹkụra ana aā hị́ Isaramisi, dị ẹ nọ ini irehi Ohomorihi Aniju nịnị, dị ẹ na kà enube ọyịza yị wa nị. Ệ sị Ịjọọnụ za ka ọ̀ọ mẹ ọgụvọọ yị ẹnị ịnị ụkọrọ ọnọọ.

Odeyi 13:5 Iomraidhean Croise

1 Ohinọyị 19:21

Ịzẹyịza di Erisa varẹma, dị ọ na kụ́ imaaru ọnị ọ kụ́ ọkẹẹkẹrẹ tụ́ dị ọ wụ̀ wa, dị ọ sị mẹ̀ ịsọvọ nị. Dị ọ sị ọkẹẹkẹrẹ ẹnẹẹ dị ọ sị chịnẹ uye ẹnẹẹ, dị ọ kụ́ wa yị aza dị ẹ rị ọ nị. Di Erisa kwẹẹtẹ, dị aa dụ Erijaa ịrẹma, dị aa zị ọ ụtụ nị.

1 Ohinọyị 19:3

Erija mẹ̀ vavọọ wụ́, di ee hí angwa dị ọ sị kwẹẹtẹ di o si zwe ka asị a wụ̀ ọnị nị. Ọ mẹ̀ na sị ngụ Ịbẹẹsẹba ana yà ịnị ẹtẹ Ijuda, dị ọ navọ ozi ịda anị tụ́ ịzọọ,

2 Ohinọyị 3:11

Ohinọyị Ijehosahwati ộ họ̀ ka, áá nyị ọnịsẹ ịzẹnị ẹnẹ ẹnị nyẹngụ họ̀ use ka, Ẹnẹyịmavara mẹ̀ ka? Dị ọga isoja ohinọyị Ijorami ọnya tụ́ ohi ka, Erisa ozi Isahwati yà ịzẹnị nị. Ọ kà ozi ahụ Erija ụvọta ọ vị̀ nị.

Ọyịkụra 24:13

Di Imosiisi ọnịrị Ijosuwa ozi ahụ anị tenyi ẹngụ ẹnịnị, di Imosiisi hịrẹ ataba Ohomorihi na nị.

Imatiwu 20:26

Ama ẹ yị vọrọ ka áawụ nịnị ọ̀ vavọọ yà. Ọza ene èe sì ka ọnị ọ̀ nyị ụbanyị ịnị awụ nịnị, ọ̀ vị ozi ahụ aza ana vọ.

Odeyi 12:12

Ịjị Ipita maanị sị yẹ, dị ọ nọ ini eehi Imeri ana vị ọnyị Ịjọọnụ ọnị ịrẹha ẹtẹ anị rị Ịmaakị nị. Aza ọrụrụ-ọrụrụ vị ana kụ́ gụ ịzọọ, dị ẹyaa mẹ̀ aduwa.

Odeyi 12:25

Ị́banabasị ọnịrị Ịsọọrụ mẹ̀ sị ụtụ ẹnịnị zị ta, dị ẹ hụrẹ Ijerusarẹmị aa vẹ, ệ sị Ịjọọnụ ọnị ịrẹha ẹtẹ anị rị Ịmaakị za.

Odeyi 13:14

Ịpọọrụ nịnị ệ hụrẹ Ipeega nọ Antịyọkị ịnị ẹkụra Ipisidiya. Ẹ́kụhị ụhwọtụ mè si tù, dị ẹ ngụ ini irehi Ohomorihi Aniju nịnị, dị ẹ na yaayịtẹ nị.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 14:1

Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́.

Odeyi 15:37

Ịbanabasị ee sì ka ẹnịrị Ịjọọnụ ọnị ịrẹha ẹtẹ anị rị Ịmaakị ẹ̀ zị.

Odeyi 17:17

Di ee pe Aniju nịnị ọnịrị aza ana vọ ana aa hẹkẹ Ohomorihi kà ịrẹyị ini irehi Ohomorihi ẹnịnị. Dị ọ raa nọ ini orere eyinị-eyinị, ọza ana àa vẹ ini orere, di ee pe waa kà ịrẹyị.

Odeyi 18:4

Ẹkụhị ụhwọtụ-ẹkụhị ụhwọtụ, dị Ịpọọrụ aa nọ ini irehi Ohomorihi Aniju ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị Anigiriki nịnị ẹ̀ vara ayị nị.

Odeyi 19:22

Dị ọ tụ́ Itimoti ọnịrị Ẹrasịtụsị, aza ẹnị ẹẹva ịnị aza ene ee pee mẹ̀ ụkọrọ, nọ Imasedoniya nị. Dị ọnị yị yà ẹtẹ Esiya kù chee nị.

Odeyi 19:29

Avaba ẹkụra ọnọọ ọ sị vazi. Dị aza ẹnẹẹ za Ịgayọsị ọnịrị Arisitakọsị, Animasedoniya ana aa dụ Ịpọọrụụ zị, di e tura wa di e dudu aa nọ ini orere ịzị a yàā mẹ aahẹ nị.

Odeyi 19:8

Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.

2 Itimoti 4:11

Iruuku kẹnẹ ọ kụkụ jẹẹ pe mi nị. Hị́ Ịmaakị dị ẹwụrị ọ ọ̀ zị vẹ! agụvị ka ọ zụ mẹ ọgụvọ mị ịnị ụkọrọ amị.