Odeyi 13:43 - IWE ỌNỊNỊ

⁴³ Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Odeyi 13:43 Iomraidhean Croise

Imatiwu 23:15

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Odeyi 16:14

 nyị ọnẹẹ ọnya aanị ana wụ́ ịrẹyị ayị. Ịrẹha anị ọ rị Iridiya nị; anẹkụra Itiyatira ọ vị nị. Dị ọọ̄ sẹ ohu ịta ovivi ana katarihi nị. Ọ rẹẹ̄ hẹkẹ Ohomorihi. Ohomorihi ộ mẹ̀ ka ọ̀ dọ ịrẹyị ọnị Ịpọọrụ aa kà, dị ọ rẹ dọ ọ wụ́ nị.

Odeyi 17:17

Di ee pe Aniju nịnị ọnịrị aza ana vọ ana aa hẹkẹ Ohomorihi kà ịrẹyị ini irehi Ohomorihi ẹnịnị. Dị ọ raa nọ ini orere eyinị-eyinị, ọza ana àa vẹ ini orere, di ee pe waa kà ịrẹyị.

Odeyi 17:34

Ama aza ẹnyị ệ sị ẹngụ vaka a, dị ẹ sị ayị tụra Ijeesu nị. Idiyonisu ana vị anikootu Ariyopagusi vị ọnya ịnị aza ẹnẹẹ. Ọnẹẹ ọnya ana aā hị́ Idamarisi ọnị rẹ yà ịnị aza ẹnẹẹ, beri aza ana vọ.

Odeyi 17:4

Aza ẹnyị ệ dọ wụ́, dị ẹ kụkụ aa saasa Ịpọọrụ ọnịrị Isira nị. Anigiriki ọrụrụ-ọrụrụ ana aa hẹkẹ Ohomorihi beri anyẹnẹẹ ene eyi yẹ ịnị ẹkụra, ẹnị ẹ rẹ dọ wụ́.

Odeyi 18:7

Dị ọ hụụ ịzọọ, dị ọ na yà ini eehi ọza ịnya aanị ana aā hị́ Ịtayịtọsị Ịjọsịtọsị nị. Ọọ̄ hẹkẹ Ohomorihi. Irehi anị vị ana gụrị irehi Ohomorihi ọnọọ.

Odeyi 2:10

beri Ihwirigiya ọnịrị Ipamihwiriya, Ijipiti ọnịrị oze eyi Iribiya ọgụrị Isayirini. Aza ẹnyị ẹ rẹ hụrẹ Iroomi vẹ. Aza ẹnyị ẹ yị vị Aniju, ọsa vị azọga ana dọ ahẹkẹ Aniju nịnị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Aniroomi 11:6

Ayamva Ohomorihi kẹnẹ, ọ sị nyị aza ẹnẹẹ nị, ayị vị agụvị ụkọrọ ụvọ ẹnịnị. Àa vị agụvị ụkọrọ ụvọ ẹnịnịị yọ, ẹ yị kụkụ vị ayamva ọnọọ yaanị vị.

Aniroomi 3:24

Ama Ohomorihi ọ́ọ vayị aza, dị ọ jị ịhị yị aza ọọhẹ kẹnẹ nị. Ini oze Ijeesu Ikirisiti ana hị́ aza varẹma ọ vavọọ sị mẹẹ nị.

Aniroomi 5:2

Agụvị ka yâ sị ayị tụra Ijeesu, ọ raà mẹ ka ya va yẹ́ ayamva Ohomorihi. Ịnị ayamva Ohomorihi ọnọọ ị yà dị ị kụkụ aa sị ịrajẹẹ tụra eyi ka ị vaa nyị tụ́ ịnị ụbanyị Ohomorihi nị.

Aniroomi 5:21

Yê re ka iswọọza ộ sị zụ̀, ịvị mẹmẹ nyị ụkata. Avọọ gẹdẹ-gẹdẹ ị́hị oni Ohomorihi jị yị ọza ọnị mẹ̀ rẹ sị zụ̀, ayamva Ohomorihi ọnị mẹ̀ rẹ nyị ụkata nị. Dị ọ rẹ mẹ ka aza ẹ̀ yàra ị́dị anị pooro zịna-zịna agụvị Ijeesu Ananyị yị Ikirisiti nị.

2 Anịkọrịntị 5:11

Ya sị yẹ, a mẹmẹẹ̄ nyị angwahi Ananyị yị. Agụvị avọọ ị yaa da ịpẹẹ yị aza ka ẹ̀ va saasa a nị. Ohomorihi ộ yẹ yị ẹtẹẹtẹrẹ. Mee ro ka ẹwụ nịnị ọ rẹ yẹ yị ini ivehu awụ nịnị.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Anigaratiya 5:1

Ikirisiti ọ sị yị dọ hụụnị ọrịhị, agụvị avọọ, áa vọrọ ka wa jẹẹ geri-geri nịnị anka ọza ana nyị ẹngụ anị. Asị ụ kụkụ zẹẹ ka ọza ọ va vara wụ nịnị ọrịhị.

Anigaratiya 5:4

Ẹwụ nịnị ene ee sì ka Ohomorihi ọ̀ hị́ wụ nịnị ọnịrẹyịzẹyịza agụvị ka waa saasa ọda, wa sị há hụụ ịdị Ikirisiti nịnị. Wa raà sị ẹngụ awụ nịnị hụụnị ayamva Ohomorihi.

Anẹhwẹsọsị 2:8

Vị Ohomorihi vayị awụ nịnị kẹnẹ, dị ọ dọ wụ nịnị há, ụ mẹ̀ sị ayị tụraa nịnị nị. Ayị vị agụvị ịsị ụ mẹ nịnị, vị Ohomorihi sị yị wụ nịnị ọọhẹ kẹnẹ nị.

Anihwiripi 3:16

Ịrẹyị ene hu ọ vị ka, ịzẹyịza ọnị ịsị yẹ, a vẹ yaa yịị kà a tụ́ ọvịdị ịnị anị.

Anihwiripi 4:1

Ẹwụ nịnị ẹyịnyara amị, máa da sì ịrẹyị awụ nịnị kẹnẹ. Eyi awụ nịnị aa tụra mị. Ụụ̄ daa mẹ ka ịnẹ amị òo hine nịnị; ẹwụ nịnị ọ vị ọgụ ụkọrọ amị nị. Ẹwụ nịnị ẹyịnyara amị, ẹwụrị Ananyị yị ọ sị vị ọnya, agụvị avọọ jẹẹ geri-geri nịnị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

Ịtayịtọsị 2:11

Ohomorihi ọ raa sị ayamva anị zụ̀ avaba aza, ana zụ mẹ ka avaba aza ẹ̀ zụ há.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.

2 Ịjọọnụ 1:9

Ọza ẹnẹ ẹ̀ yị jẹẹ pe ịrẹyị ọnị Ikirisiti sị zụ̀ yị, ama di ee benee hi ọ nị, ọ yị yẹ Ohomorihi. Ama ọza ana àa jẹẹ pe ịrẹyị ọnị Ikirisiti sị zụ̀ yị, ọza ọnọọ ọ́ọ yẹ Ohomorihi Ada ayị ọnịrị Ozi Ohomorihi nị.